قومی ٹیم کے بلے باز آصف علی کے گھر ننھی پری کی آمد ہوئی ہے۔
تفصیلات کے مطابق قومی ٹیم کے بلے باز آصف علی کے ہاں بیٹی کی پیدائش کی اطلاع آل راؤنڈر شاداب خان نے سماجی رابطے کی ویب سائٹ ٹویٹر پر دی۔
شاداب خان نے ٹویٹر پر اپنی اور آصف علی کی تصویر شیئر کرتے ہوئے لکھا کہ ’آپ کو اور بھابھی کو بیٹی کی پیدائش پر بہت مبارک ہو۔‘
انہوں نے لکھا کہ ’اللّہ تعالیٰ نے رحمت سے نوازا ہے، اللّہ میری بھتیجی کو صحت، تندرستی اور خوشیوں بھری لمبی زندگی دے۔‘
Congratulations @AasifAli45 and bhabi on the birth of their daughter. Allah ne rahmat se nawaza hai. Allah meri bhateeji ko sehat, tandrusti aur khushiyoon bari lambi zindagi de. pic.twitter.com/SFpCIuCNyx
— Shadab Khan (@76Shadabkhan) May 18, 2022
آصف علی کو بیٹی کی پیدائش پر ساتھی کرکٹرز اور مداحوں کی جانب سے مبارک باد دی جارہی ہے اور ننھی پری کے لیے دعائیں بھی کی جارہی ہے۔
واضح رہے کہ آصف علی نے ابھی تک سوشل میڈیا پر بیٹی کی پیدائش کی خبر یا تصویر شیئر نہیں کی ہے۔