اسلام آباد : قومی اسمبلی میں انسانی حقوق کی قائمہ کمیٹی کی ممبر ڈاکٹر مہرین بھٹو نے کہا ہے کہ سابق صدر بنیادی انسانی حقوق سے بھی محروم ہیں۔
تفصیلات کے مطابق قومی اسمبلی کی قائمہ کمیٹی برائے انسانی حقوق کی ممبر ڈاکٹر مہرین رزاق بھٹو نے سابق صدر آصف علی زرداری کی صحت پر تشویش کا اظہار کرتے ہوئے کہا ہے کہ پرائیویٹ میڈیکل بورڈ کی تشکیل میں تاخیر مجرمانہ فعل ہے۔
ڈاکٹر مہرین بھٹو نے کہا کہ آصف زرداری کی صحت تشویشناک ہے۔
ان کا کہنا تھا کہ سابق صدر کو ذاتی معالجین کی سہولت دی جائے آصف زرداری کے علاج میں رکاوٹیں نہ ڈالی جائیں۔
واضح رہے کہ پمز اسپتال کے میڈیکل بورڈ کا کہنا تھا کہ آصف زرداری کے پلیٹ لیٹس میں بہتری آرہی ہے 25تاہم ہاتھوں میں رعشے کے باعث کپکپاہٹ میں نمایاں اضافہ ہوگیا ہے۔
خیال رہے کہ اکتوبر کو اسپتال ذرایع نے انکشاف کیا تھا کہ نواز شریف کی طرح آصف زرداری کے پلیٹ لیٹس بھی کم ہونا شروع ہو گئے ہیں، 2 روز میں ان کے پلیٹ لیٹس کی تعداد میں 21 ہزار کی کمی ہوئی ہے۔