بھارت کے اسپیڈ اسٹار جسپت بمرا آئی سی سی ٹی ٹوئنٹی ورلڈکپ سے باہر ہو گئے۔
بھارتی کرکٹ بورڈ نے اعلان کیا ہے کہ انجری کا شکار فاسٹ بولر جسپت بمرا ٹی ٹوئنٹی ورلڈکپ کا حصہ نہیں ہوں گے اور ان کے متبادل کا اعلان جلد کیا جائے گا۔
جسپریت بمرا بھارتی ٹیم کے مرکزی بولر ہیں اور اپنی ٹیم کی جیت میں اہم کردار ادا کرتے ہیں۔ وہ گزشتہ ماہ زخمی ہونے کے باعث ایشیا کپ سے بھی باہر ہوگئے تھے۔
گزشتہ ہفتے بھارتی کرکٹ بورڈ نے ٹی ٹوئنٹی عالمی کپ کے لیے جس اسکواڈ کا اعلان کیا تھا اس میں بمرا کی صحتیابی کے بعد واپسی ہوئی تھی۔
Speedy recovery to our speedster @Jaspritbumrah93. #TeamIndia https://t.co/yTAntSdDXl
— BCCI (@BCCI) October 4, 2022
ہوم سیریز میں شمولیت کے بعد محمد سراج کا ٹی ٹوئنٹی ورلڈکپ اسکواڈ کا حصہ بننے کا امکان ہے۔ ان کے ساتھ ساتھ محمد سمیع اور دیپک چاہر کا نام بھی میگا ایونٹ کے لیے نام جڑ گیا ہے۔
بمرا نے ٹوئٹر پر جاری بیان میں کہا کہ مجھے مایوسی ہے کہ میں اس بار ٹی ٹوئنٹی ورلڈ کپ کا حصہ نہیں بنوں گا، لیکن اپنے چاہنے والوں کی طرف سے ملنے والی خواہشات، دیکھ بھال اور حمایت کے لیے شکر گزار ہوں۔