اسلام آباد : سی پیک منصوبوں پرکام کرنیوالے غیرملکیوں پر حملوں کی تفصیلات سامنے آگئیں، 4 سال کے دوران 8 حملوں میں 62 افراد جاں بحق ہوئے۔
تفصیلات کے مطابق سی پیک منصوبوں پرکام کرنیوالے غیرملکیوں پر حملوں کی تفصیلات جمع کرادی گئی، وزارت داخلہ نے قومی اسمبلی میں تحریری جواب جمع کرایا۔
تحریری جواب میں کہا گیا کہ 2020 تا 2024 کےدوران غیر ملکیوں پر 8 حملے ہوئے، حملوں میں جانی نقصان کی تعداد 62 ہے۔
وزارت داخلہ کا کہنا تھا کہ سندھ میں 4حملے ہوئے،3چینی باشندوں اور ایک جاپانیوں پر ہوا، حملےمیں 5افراد شہید ہوئے ،3 سیکیورٹی اہلکار اور 4 دیگر افراد زخمی ہوئے۔
تحریری جواب میں مزید بتایا گیا کہ بلوچستان میں چینی باشندوں پر 2حملےہوئے ،3 سیکیورٹی اہلکار زخمی جبکہ خیبرپختونخوا میں چینی باشندوں پر 2 حملے ہوئے۔
وزارت داخلہ کے مطابق حملے میں 2سیکیورٹی اہلکار اور17دیگر افراد شہید ہوئے ،28 زخمی ہوئے۔