کراچی : بلدیہ قائم خانی کالونی میں بھانجے کے ہاتھوں خالہ کے قتل کا معاملہ مشکوک ہوگیا، اہلخانہ کا کہنا ہے کہ پستول کی صفائی کرتے ہوئے گولی اتفاقیہ چلی۔
تفصیلات کے مطابق کراچی کے علاقے بلدیہ قائم خانی کالونی میں بھانجے نے فائرنگ کر کے اپنی خالہ کو قتل کر دیا اور موقع سے فرار ہو گیا۔
پولیس نے بتایا کہ مقتولہ خاتون کی شناخت ریناس کے نام سے ہوئی ہے اور شاہزیب کی عمر اٹھارہ برس کے قریب ہے، جو فائرنگ کے واقعے کے بعد اسلحہ سمیت گھر سے فرار ہے۔
اہل خانہ نے پولیس کو بتایا کہ شازیب سے اسلحہ صاف کرتے ہوئے اتفاقاً گولی چلی جو خاتون کو لگی، پولیس کا کہنا تھا کہ وقوعہ سے گولی کا ایک خول ملا ہے۔
مقتولہ خاتون کی لاش کو پوسٹ مارٹم کے لیے سول اسپتال منتقل کر دیا گیا ہے تاہم ابتدائی طور پر واقعہ مشکوک معلوم ہوتا ہے۔