میلبرن: آئی سی سی ٹی ٹوئنٹی ورلڈ کے آج کے دونوں میچز مسلسل بارش کے باعث منسوخ کردیا گیا۔
آسٹریلیا میں جاری ٹی ٹوئنٹی ورلڈ کپ میں بارش نے رنگ میں بھنگ ڈالا ہوا ہے اور اب تک کئی اہم میچز بارش کی نذر ہوچکے ہیں اس سے قبل افغانستان اور آئر لینڈ کا میچ بھی بارش کی نذر ہوگیا ۔
مسلسل بارش کے باعث دونوں ٹیموں کو ایک ایک پوائنٹ دے دیا گیا جب کہ اب انگلینڈ اور آسٹریلیا کو بھی ایک ایک پوائنٹ دے کر میچ منسوخ کردیا گیا ہے۔
The highly-anticipated contest between Australia and England has been abandoned due to rain 🌧️#T20WorldCup | #AUSvENG | https://t.co/3LkBUVwruf pic.twitter.com/BUPndtV0zU
— T20 World Cup (@T20WorldCup) October 28, 2022
اس وقت گروپ اے میں نیوزی لینڈ پہلے، انگلینڈ دوسرے،آئرلینڈ تیسرے اورآسٹریلیاچوتھے نمبر پر ہیں جب کہ گروپ ٹو میں بھارت اور جنوبی افریقہ بالترتیب پہلے اور دوسرے نمبر پر ہیں۔
پاکستان اب تک ٹورنامنٹ میں فتح کا مزا نہیں چکھ سکا ہے، بھارت کے ساتھ سنسنی خیز مقابلے میں شکست کے بعد گزشتہ روز زمبابوے سے اپ سیٹ شکست نے قومی ٹیم کی سیمی فائنل کے مرحلے تک رسائی مشکل بنا دی ہے