آسٹریلیا نے دورہ پاکستان کیلئے ون ڈے اور ٹی ٹوئنٹی اسکواڈ کا اعلان کر دیا۔
سولہ رکنی ٹیم کی قیادت ایرون فنچ کریں گے۔ آسٹریلیا کے اہم کھلاڑی پاکستان کے خلاف ون ڈے سیریز نہیں کھیلیں گے۔
کرکٹ آسٹریلیا کے مطابق پیٹ کمنز، مچل اسٹارک، ہیزل ووڈ اور ڈیوڈ وارنر پاکستان میں ٹیسٹ کھیلنے کے بعد بھارت چلے جائیں گے۔
آسٹریلوی ٹیم چوبیس برس بعد پاکستان کے دورے پر ستائیس فروری کو پہنچے گی۔ تین میچوں کی سیریز کا پہلا ٹیسٹ چار مارچ سے راولپنڈی میں شروع ہوگا۔
The 16 men who will be representing Australia in the white-ball leg of our upcoming tour of Pakistan ⬇️🇦🇺 pic.twitter.com/wUUTtPDov2
— Cricket Australia (@CricketAus) February 22, 2022
ون ڈے میچز انتیس اور اکتیس مارچ اور دو اپریل کو اور واحد ٹی ٹوینٹی پانچ اپریل کو کھیلا جائے گا۔
آسٹریلوی سلیکٹر جارج بیلی نے ایک بیان میں کہا ہے کہ ہم نے ایک باصلاحیت اور ورسٹائل اسکواڈ کا انتخاب کیا ہے جس میں کئی چیلنجز ہیں ہمیں یقین ہے کہ اسکواڈ اس دورے میں کامیابی سے مقابلہ کر سکتا ہے اور ان اہم ٹورنامنٹس کی طرف ہماری پیشرفت جاری رکھ سکتا ہے۔