Author: عبدالقادر

سابق چیئرمین کشمیر کمیٹی و وزیرمملکت برائے داخلہ شہریار آفریدی کے گھر پر کریکر حملہ ہوا ہے۔

تفصیلات کے مطابق خیبرپختونخوا کے ضلع کوہاٹ میں شہریارآفریدی کے آبائی گھر کو تخریب کاروں کی جانب سے نشانہ بنایا گیا ہے۔

نامعلوم افراد نے کریکر گھر پر پھینکا تاہم وہ گھر دروازے کے قریب پھٹا۔ کریکر حملےکی سی سی ٹی وی فوٹیج اےآروائی نیوزنےحاصل کرلی۔

فوٹیج میں دھماکے اور پولیس کی تفتیشی ٹیم کے جائے وقوعہ پر شواہد اکٹھے کرنے کے مناظر دیکھے جاسکتے ہیں۔

کریکر حملے میں فوری طور پر کسی کے زخمی ہونے کی اطلاع موصول نہیں ہوئی۔ پولیس اور تفتیشی ٹیمیں جائے وقوعہ کا معائنہ کرنے کے بعد شواہد جمع کر رہے ہیں۔

واضح رہے کہ گزشتہ کئی دنوں سے تحریک انصاف کے رہنماوں کو نامعلوم افراد کی جانب سے دھمکیاں دی جارہی ہیں۔

سینیٹ کمیٹی برائے اطلاعات نے سرکاری ٹی وی پر مذہبی نفرت پر مبنی بیانیہ نشر ہونے کا نوٹس لیتے ہوئے وزیر اطلاعات، پی ٹی وی اور پیمرا حکام کو طلب کرلیا ہے۔

اے آر وائی نیوز کے مطابق اس حوالے سے سینیٹر فیصل جاوید کی جانب سے کمیٹی کا اجلاس پیر کو طلب کرلیا گیا ہے اور اس کا نوٹیفکیشن بھی جاری کردیا گیا ہے، اجلاس میں ایم ڈی پی ٹی وی، کرنٹ افیئر حکام اور پی ٹی وی انتظامیہ کو وضاحت پیش کرنے کے لیے طلب کیا گیا ہے۔

سینیٹ کمیٹی نے وفاقی وزیر اطلاعات اور چیئرمین پیمرا کو بھی اجلاس میں بلایا ہے۔

اجلاس میں سرکاری ٹی وی پر نفرت انگیز مواد نشر ہونے سمیت گزشتہ ماہ ایوان صدر میں وزیراعلیٰ پنجاب کی تقریب حلف برداری نشر نہ کرنے پر جواب طلب کیے جائیں گے۔

اجلاس میں ایوان صدر کے نمائندگان کو بھی شرکت کی دعوت دی گئی ہے، ایجنڈے میں میڈیا چینلز کو اشتہارات کی تقسیم کا معاملہ بھی شامل ہے جب کہ اے کٹیگری چینلز کو اشتہارات کی تقسیم میں تضاد کا معاملہ بھی اٹھائے جانے کا فیصلہ کیا گیا ہے۔

چیئرمین تحریک انصاف عمران خان نے نوجوانوں کو’’عمران ٹائیگرز‘‘میں شمولیت کی دعوت دیدی۔

عمران خان نے’’عمران ٹائیگرز‘‘میں شمولیت کا طریقہ کار بھی واضح کر دیا۔ انہوں نے کہا کہ نوجوانوں کو’’عمران ٹائیگرز‘‘میں شمولیت کی دعوت دےرہا ہوں عمران ٹائیگر میں وہ جنونی ہوں گے جو گھرگھر میرا پیغام لےجائیں گے۔

عمران خان نے کہا کہ میرا پیغام حقیقی آزادی ہے میراپیغام ہےکہ کیسےہم ایک خودارقوم بن سکتے ہیں ملک میں ناانصافی اور جہالت کا نظام ہے غریب چوری کرے تو وہ جیل میں اور امیر کرے تو این آراو مل جاتاہے۔

انہوں نے کہا کہ اقبال کا شاہین وہ ہےجو زنجیریں توڑ کر پرواز کرتا ہے ہم بدقسمتی سےاب تک آزاد قوم نہیں بن سکے حقیقی آزادی کاسفراب فیصلہ کن مرحلےمیں داخل ہوچکاہے حقیقی آزادی کاپیغام پہنچانے کیلئے اپنے نوجوانوں کی ضرورت ہے مجھےالیکشن کےدن دھاندلی روکنےکیلئےبھی نوجوانوں کی ضرورت ہے۔

ان کا کہنا تھا کہ مافیا دھاندلی سے الیکشن جیت جاتا ہے چاہتا ہوں نظریاتی نوجوان پولنگ اسٹیشن پر موجود رہیں ہم انشااللہ دھاندلی کے باوجود اس ملک کو مافیا سےآزاد کرائیں گے، نوجوان 03001119444 نمبر پر اور وٹس ایپ پر yes لکھ کرسینڈکریں۔

چیئرمین نے کہا کہ نوجوان میسج میں’’یس‘‘لکھ کرسینڈکریں اورعمران ٹائیگرکاحصہ بن جائیں، یس لکھنےکےبعدویب سائٹ کانام میسج میں آئیگا،اس میں رجسٹرہوجائیں چاہتاہوں کہ سب نوجوان اس میں بھرپورطریقےسےشرکت کریں نوجوانوں کی شمولیت حقیقی آزادی کی طرف پہلاقدم ہوگا۔