Author: عبدالقادر

اسلام آباد : سابق وزیراعظم عمران خان نے آصف زرداری سے رابطوں اور قومی اسمبلی میں واپس جانے کی دو ٹوک الفاظ میں تردید کردی۔

تفصیلات کے مطابق سابق وزیراعظم اور چیئرمین تحریک انصاف عمران خان نے ڈیجیٹل میڈیا کے نمائندوں سے ملاقات کی۔

ملاقات میں آصف زرداری اور ملک ریاض کے درمیان گفتگو کی آڈیو کے حوالے سے سوال پر عمران خان نے عدم اعتماد کے دوران آصف زرداری سے رابطوں کی تردید کرتے ہوئے کہا  26سال سے کہہ رہا ہوں آصف زرداری،ن لیگ ایک ہی ہے۔

لانگ مارچ کے حوالے سے سابق وزیراعظم نے کہا کہ لانگ مارچ ختم کرنے کے پیچھے کوئی ڈیل نہیں ہے ، لانگ مارچ ختم نہ کرتا تو خون خرابہ ہوتا۔

چیئرمین پی ٹی آئی نے قومی اسمبلی میں واپس جانے کی خبروں کی بھی تردید کرتے ہوئے کہا اسمبلیوں سے مستعفی ہوچکے ،تصدیق کیلئے جانے کی ضرورت نہیں ہے ،قومی اسمبلی کے فلور پر اسپیکر کے سامنے مستعفی ہونے کا اعلان کردیا ، اسمبلی میں واپس جانےکا مطلب ہے امپورڈٹ حکومت کو تسلیم کرلیا، اب کسی رکن کو انفرادی طور پر اسمبلی جانے کی ضرورت نہیں۔

سابق وزیراعظم نے اےآر وائی نیوزپرنشرہونےوالےانٹرویو کا حوالہ دیتے ہوئے کہا کہ کل ٹی وی پرنیب کےاسپیشل پراسیکیوٹر ذوالقرنین اسکندر کاانٹرویو دیکھا، ذوالقرنین اسکندر نے کہا شہباز شریف کیخلاف اوپن اینڈ شٹ کیس تھا، شریف خاندان نےجان بوجھ کرکیس کوتاخیرکاشکارکیا، کیس میں تاخیرنہ ہوتی توڈیڑھ سال میں ان کوسزا مل جانی تھی۔

ان کا کہنا تھا کہ ذوالقرنین کوکہاگیا کیس اب آگےنہیں بڑھےگا، ایف آئی اےاب ان کی منی لانڈرنگ ریکورنہیں کرسکےگا، ہماری حکومت میں شریف خاندان کیخلاف تحقیقات میں مشکلات تھیں کیونکہ تحقیقات کرنے والے لوگ ڈرتے تھے۔

عمران خان نے بتایا کہ انہوں نے مشرف دور کے دوران تحقیقات کرنے والوں سے انتقام لیا، ان کاریکارڈ نکالنا مشکل تھا لیکن تگڑے افسر ڈٹ گئے، ڈاکٹر رضوان تگڑا افسر تھا اس پر بھی دباؤ ڈالا گیا، نیب اورایف آئی اےمیں40ارب روپےکےکیسزختم ہو جائیں گے، اس ملک میں رول آف لاکی قبرکھود دی گئی ہے۔

نوشہرہ: چیئرمین پی ٹی آئی عمران خان نے خیبرپختونخواہ کی عوام کو ولی انٹرچینج پہنچنے کی دعوت دیتے ہوئے کہا میں حقیقی آزادی مارچ کو لیڈ کروں گا۔

تفصیلات کے مطابق چیئرمین پی ٹی آئی عمران خان حقیقی آزادی مارچ کی قیادت کیلئے پشاور سے ولی انٹرچینج روانہ ہوگئے، اس موقع پر عمران خان نے کہا میں پشاور سے حقیقی آزادی مارچ کا آغاز کررہاہوں اور ولی انٹرچینج پر پہنچ رہاہوں۔

چیئرمین پی ٹی آئی کا کہنا تھا کہ کےپی عوام کو دعوت دیتاہوں کہ ولی انٹرچینج پہنچیں، میں حقیقی آزادی مارچ کو لیڈ کروں گا، ولی انٹرچینج سے ہم اسلام آباد کا رخ کریں گے۔

انھوں نے کہا کہ مجھے امید ہےکہ عوام میرے ساتھ نکلیں گے، پاکستان کی تاریخ کافیصلہ کن وقت ہے،حقیقی آزادی لیکر رہیں گے۔

پی ٹی آئی کے مرکزی قائدین ولی انٹر چینج پر پہنچ گئے ، پرویزخٹک ،شاہ فرمان،عاطف خان سمیت دیگرقائدین شامل ہیں، عمران خان کے لئے تیار کردہ کنٹینربھی ولی انٹرچینج پر موجود ہیں ، پولیس کمانڈوز اور پی ٹی آئی کے ورکرز کنٹینرزکے اردگرد موجود ہے۔

اس حوالے سے تحریک انصاف کے رہنما ڈاکٹر شہباز گل نے سماجی رابطے کی ویب سائٹ ٹوئٹر پر اپنے پیغام میں کہا کہ عمران خان کچھ دیر میں ولی انٹرچینج پہنچ رہے ہیں، عمران خان ولی انٹر چینج سےحقیقی آزادی مارچ کی قیادت کریں گے ، کے پی کے تمام غیور عوام ولی انٹر چینج پہنچیں۔

عمران خان اب سے کچھ دیر میں ولی انٹرچینج پہنچ رہے ہیں۔ وہ وہاں سے حقیقی آذادی مارچ کو لیڈ کریں گے انشاللہ۔ تمام کے پی کے غیور عوام ولی انٹر چینج پہنچیں۔

— Dr. Shahbaz GiLL (@SHABAZGIL) May 25, 2022