Author: عبدالقادر

چیف جسٹس نے کہا ہے کہ ملک میں ایک ساتھ انتخابات کے معاملے پر مذاکرات ناکام ہوئے تو عدالت 14 مئی کا فیصلہ لے کر بیٹھی نہیں رہے گی۔

اے آر وائی نیوز کے مطابق سپریم کورٹ میں ملک بھر میں ایک ساتھ انتخابات کرانے کی درخواستوں پر سماعت ہوئی۔ چیف جسٹس عمر عطا بندیال کی سربراہی میں جسٹس اعجاز الاحسن اور جسٹس منیب اختر پر مشتمل 3 رکنی خصوصی بینچ نے سماعت کی۔

سماعت کے آغاز میں حکومتی اتحادی جماعتوں کے وکیل فاروق ایچ نائیک نے عدالت عظمیٰ سے مذاکرات کے لیے مزید وقت دینے کی استدعا کی جب کہ پی ٹی آئی کے وکیل بیرسٹر علی ظفر نے سپریم کورٹ سے 14 مئی کو پنجاب میں الیکشن کرانے کے اپنے حکم پر عملدرآمد کی استدعا کردی۔

سماعت کے دوران چیف جسٹس نے ن لیگی اور پی ٹی آئی کے رہنماؤں کا موقف بھی سنا اور فریقین کے وکلا نے دلائل بھی دیے۔ اس دوران کئی بار ان کے چیف جسٹس سے مکالمے ہوئے جب کہ چیف جسٹس نے سخت ریمارکس بھی دیے۔

چیف جسٹس عمر عطا بندیال نے حکومت کی استدعا پر ریمارکس دیتے ہوئے کہا کہ یہ قومی اور عوامی اہمیت کیساتھ آئین پر عملداری کا معاملہ ہے اور عدالت 90 روز میں انتخابات کرانے پر فیصلہ دے چکی ہے۔ کل رات ٹی وی پر دونوں فریقین کا مؤقف سنا، مذاکرات ناکام ہوئے تو عدالت 14 مئی کے فیصلے کو لے کر بیٹھی نہیں رہے گی۔

چیف جسٹس عمر عطا بندیال نے کہا کہ ملک میں معاشی، سیاسی، معاشرتی اور سیکیورٹی بحرانوں کے ساتھ آئینی بحران بھی ہے، کل بھی 8لوگ شہید ہوئے، حکومت اور اپوزیشن کو سنجیدہ ہونا ہوگا،حکومت قانون کی بات نہیں سیاست کرنا چاہتی ہے، پہلے بھی کہا تھا سیاست عدالتی کارروائی میں گھس چکی ہے، ہم سیاست کا جواب نہیں دیں گے، ہم نے اللہ کے سامنے آئین کے دفاع کا حلف لیا ہے۔

ان کا کہنا تھا کہ عدالت صرف اپنا فرض ادا کرنا چاہتی ہے اور اپنے فیصلے پر آئین کے مطابق عمل کرنا چاہتی ہے۔ آئین کے مطابق فیصلے پر عمل کرانے کے لیے آئین کا استعمال کرسکتے ہیں۔

چیف جسٹس نے مزید کہا تھا کہ معاملہ سیاسی جماعتوں پر چھوڑ دیں تو کیا قانون پر عملدرآمد نہ کرائیں، کیا عدالت عوامی مفاد سے آنکھیں چرا لے؟ سپریم صرف اللہ کی ذات ہے اور حکومت عدالتی احکامات پرعملدرآمد کرنے کی پابند ہے۔ عدالت تحمل کا مظاہرہ کر رہی ہے لیکن اسے ہماری کمزوری نہ سمجھا جائے۔ قوم کے جوانوں نے قربانیاں دی ہیں تو ہم بھی قربانیاں دینے کیلیے تیار ہیں۔ اور قانون پر عملدرآمد کیلیے قربانیوں سے دریغ نہیں کریں گے

چیف جسٹس نے یہ بھی ریمارکس دیے کہ یہ کہا گیا ماضی میں عدالت نے آئین کا احترام نہیں کیا اور راستہ نکالا، عدالت نے احترام میں کسی بات کا جواب نہیں دیا، غصے میں فیصلے درست نہیں ہوتے اس لئے ہم غصہ نہیں کرتے، ہماری اور اسمبلی میں ہونے والی گفتگو کا جائزہ لیں اور جو بات یہاں ہو رہی ہے اس کا لیول دیکھیں۔

واضح رہے کہ سپریم کورٹ میں ملک بھر میں ایک ساتھ انتخابات کرانے سے متعلق کیس کی آج کی سماعت مکمل ہونے کے بعد عدالت نے سماعت ملتوی کر دی ہے۔ چیف جسٹس نے کہا ہے کہ عدالت آج کی سماعت پر مناسب حکمنامہ جاری کرے گی۔

آج کی سماعت میں حکومت کی جانب سے عدالت عظمیٰ سے مذاکرات کے لیے مزید وقت دینے جب کہ پی ٹی آئی کی جانب سے سپریم کورٹ کے 14 مئی کو پنجاب میں الیکشن کرانے کے حکم پر عملدرآمد کرانے کی استدعا کی گئی ہے۔

سپریم کورٹ میں ملک بھر میں ایک ساتھ انتخابات کرانے کی درخواستوں پر سماعت ہوئی وفاقی حکومت نے عدالت عظمیٰ سے مذاکرات کے لیے مزید وقت جب کہ پی ٹی آئی نے 14 مئی کو الیکشن کے حکم پر عملدرآمد کی استدعا کی ہے۔

اے آر وائی نیوز کے مطابق سپریم کورٹ میں ملک بھر میں ایک ساتھ انتخابات کرانے کی درخواستوں پر سماعت ہوئی۔ چیف جسٹس عمر عطا بندیال کی سربراہی میں جسٹس اعجاز الاحسن اور جسٹس منیب اختر پر مشتمل 3 رکنی خصوصی بینچ نے سماعت کی۔ سماعت کے آغاز میں حکومتی اتحادی جماعتوں کے وکیل فاروق ایچ نائیک نے عدالت عظمیٰ سے مذاکرات کے لیے مزید وقت دینے کی استدعا کی جب کہ پی ٹی آئی کے وکیل بیرسٹر علی ظفر نے عدالت عظمیٰ نے 14 مئی کو پنجاب میں الیکشن کرانے کے اپنے حکم پر عملدرآمد کی استدعا کردی۔

سماعت کے دوران ن لیگ کے رہنما سعد رفیق اور پی ٹی آئی کے رہنما شاہ محمود قریشی نے بھی اپنے اپنے موقف عدالت کے سامنے رکھے جن کو سننے کے بعد عدالت نے سماعت کو ملتوی کر دیا اور چیف جسٹس نے کہا کہ آج کی سماعت کا مناسب حکم نامہ جاری کیا جائے گا۔

آج سماعت شروع ہوئی تو وفاقی حکومت کے فاروق ایچ نائیک نے عدالت کو اتحادی حکومت کا جواب پڑھ کر سنایا جس میں کہا گیا کہ قرضوں میں 78 فیصد، سرکلر ڈیٹ میں 125 فیصد اضافہ ہوچکا ہے۔ سیلاب کے باعث 31 ارب ڈالر کا نقصان ہوا۔ اسمبلی تحلیل سے پہلے بجٹ، آئی ایم ایف معاہدہ اور ٹریڈ پالیسی کی منظوری لازمی ہے۔ مذاکرات میں لیول پلیئنگ فیلڈ اور ایک دن انتخابات پر اتفاق ہوا ہے تاہم اسمبلی کی تحلیل کی تاریخ پر اتفاق نہیں ہوسکا۔ حکومت ملکی مفاد میں مذاکرات کا عمل بحال کرنے کو تیار ہے۔

ان کا مزید کہنا تھا کہ الیکشن ہر حال میں اسی سال اور ایک ہی دن ہونے چاہئیں۔ سندھ اور بلوچستان اسمبلی قبل از وقت تحلیل پر آمادہ نہیں، مذاکرات میں کامیابی چند روز میں نہیں ہوسکتی اور ہر فریق کو مذاکرات میں لچک دکھانی پڑتی ہے۔ پیپلز پارٹی یقین رکھتی ہے کہ بغیر مداخلت معاملات حل کیے جا سکتے ہیں اس لیے مذاکرات کے لیے مزید وقت درکار ہے۔

چیف جسٹس نے کہا کہ رپورٹ فنانس منسٹر کے دستخط سے جمع ہوئی ہے۔ سیاسی ایشوز کو سیاسی قیادت حل کرے۔ موجودہ درخواست ایک حل پر پہنچنے کی ہے۔ آئی ایم ایف سے مذاکرات اور وفاقی بجٹ اس وقت بہت اہم ہیں۔

فاروق ایچ نائیک نے کہا کہ بجٹ صرف قومی اسمبلی پاس ہی کرسکتی ہے۔ آج پنجاب یا کے پی حکومت ختم نہ ہوتی تو یہ مسئلہ کھڑا نہ ہوتا اور آپ کو پھر تکلیف نہ دی جاتی، اس وجہ سے عدالت کا دوسرا کام ڈسٹرب ہوتا ہے۔

چیف جسٹس نے کہا کہ حکومتی جواب میں آئی ایم ایف معاہدے پر زور دیا گیا ہے۔ عدالت میں ایشو آئینی ہے سیاسی نہیں، سیاسی معاملہ عدالت سیاسی جماعتوں پر چھوڑتی ہے۔ آئی ایم ایف معاہدہ، ٹریڈ پالیسی کی منظوری کیوں ضروری ہے؟

حکومتی وکیل نے عدالت کو بتایا کہ بجٹ کیلئے آئی ایم ایف کا قرض ملنا ضروری ہے۔ اسمبلیاں نہ ہوں تو بجٹ منظور نہیں ہوسکے گا، افہام وتفہیم سے معاملہ طے ہو تو بحرانوں سے نجات مل جائیگی۔

چیف جسٹس نے کہا کہ اسمبلی تحلیل پر بھی بجٹ کیلئے آئین 4 ماہ کا وقت دیتا ہے۔ انہوں نے استفسار کیا کہ آئی ایم ایف قرضہ ذخائر میں استعمال ہوگا یا قرضوں کی ادائیگی میں؟ جس پر فاروق نائیک نے کہا کہ اس کا جواب وزیر خزانہ دے سکتے ہیں۔

چیف جسٹس نے کہا کہ اخبارات کے مطابق دوست ممالک بھی قرضہ آئی ایم ایف پیکیج کے بعد دینگے، انہوں نے یہ بھی استفسار کیا کہ کیا بجٹ آئی ایم ایف کے پیکج کے تحت بنتا ہے؟ کیا پی ٹی آئی نے بجٹ کی اہمیت کو قبول کیا یا رد کیا؟

چیف جسٹس نے کہا کہ آئین میں انتخابات کیلئے 90 دن کی حد سے کوئی انکار تو نہیں کرسکتا جس پر فاروق ایچ نائیک نے کہا کہ 90 روز میں انتخابات کرانے میں کوئی دو رائے نہیں ہے لیکن عدالت کو 90 روز میں انتخابات والے معاملے کا جائزہ لینا ہوگا، انتخابات کے لئے نگراں حکومتوں کا ہونا ضروری ہے، منتخب حکومتوں کے ہوتے الیکشن کوئی قبول نہیں کرے گا، یہ نظریہ ضرورت نہیں ہے۔

چیف جسٹس نے کہا کہ جب 23 فروری کا معاملہ شروع ہوا تو آپ نے انگلیاں اٹھائیں یہ سارے نکات اس وقت نہیں اٹھائے گئے اور آئینی کارروائی کو حکومت نے سنجیدہ نہیں لیا۔

فاروق ایچ نائیک نے کہا کہ ہمیں تو عدالت نے سنا ہی نہیں تھا جس پر چیف جسٹس نے کہا کہ دوسرے راؤنڈ میں آپ نے بائیکاٹ کیا تھا، کبھی فیصلہ حاصل کرنےکی کوشش ہی نہیں کی، آپ صرف چار تین کی بحث میں لگے رہے، جسٹس اطہر من اللہ نے اسمبلیاں بحال کا نقطہ اٹھایا تھا، حکومتی دلچسپی ہی نہیں تھی، آج کی گفتگو ہی دیکھ لیں، کوئی فیصلے یا قانون کی بات ہی نہیں کر رہا۔

چیف جسٹس نے پھر کہا کہ یہ قومی اور عوامی اہمیت کیساتھ آئین پر عملداری کا معاملہ ہے اور عدالت 90 روز میں انتخابات کرانے پر فیصلہ دے چکی ہے۔ کل رات ٹی وی پر دونوں فریقین کا مؤقف سنا، مذاکرات ناکام ہوئے تو عدالت 14 مئی کے فیصلے کو لے کر بیٹھی نہیں رہے گی۔

ان کا کہنا تھا کہ عدالت صرف اپنا فرض ادا کرنا چاہتی ہے اور اپنے فیصلے پر آئین کے مطابق عمل کرنا چاہتی ہے۔ آئین کے مطابق فیصلے پر عمل کرانے کے لیے آئین کا استعمال کرسکتے ہیں۔

سماعت میں حکومتی وکیل کے دلائل مکمل ہونے کے بعد پی ٹی آئی کے وکیل بیرسٹر علی ظفر نے روسٹروم پر آئے اور دلائل دیتے ہوئے عدالت عظمیٰ سے پنجاب میں 14 مئی کو الیکشن کرانے کے اپنے حکم پر عملدرآمد کی استدعا کردی۔

پی ٹی آئی کے وکیل بیرسٹر علی ظفر نے عدالت کو آگاہ کیا کہ تحریک انصاف نے ایک دن الیکشن کرانے پر اتفاق کیا ہے، تاہم حکومت سے مذاکرات میں تین شرط رکھی تھی کہ اسمبلیاں 14 مئی تک تحلیل کی جائیں دوسری شرط یہ تھی کہ جولائی کے دوسرے ہفتے میں الیکشن کرائے جائیں اور تیسری شرط یہ تھی کہ تیسری شرط تھی انتخابات میں تاخیرکو آئینی ترمیم کے ذریعے قانونی شکل دی جائے۔

بیرسٹر علی ظفر نے کہا کہ حکومت نے 14 مئی کو انتخابات کے فیصلے پر نظر ثانی کی درخواست نہیں کی، 14 مئی چند دن بعد ہے لیکن فنڈز جاری نہیں ہوئے۔ فاروق ایچ نائیک نے جو نکات اٹھائے ہیں وہ غیر متعلقہ ہے، آئین سے باہر نہیں جایا جا سکتا، نظریہ ضرورت کی وجہ سے الیکشن مزید تاخیر کا شکار نہیں کرسکتے۔ انہوں نے استدعا کی کہ عدالت اپنے حکم پر عملدرآمد کراتے ہوئے فیصلہ نمٹا دے۔

حکومتی وکیل فاروق ایچ نائیک نے کہا کہ اس پر فیصلہ نمٹا دیں کہ فریقین ایک تاریخ پر الیکشن کرانے پر متفق ہیں جس پر چیف جسٹس نے کہا کہ اس نتیجے پر پہنچے ہیں کہ معاملہ سیاسی عمل پرچھوڑا جائے۔ فاروق نائیک نے کہا کہ یہ مسئلہ حل ہو جائے گا جس پر چیف جسٹس نے کہا کہ آپ صرف وعدے کرتے ہیں۔

عدالت میں ن لیگی رہنما سعد رفیق اور پی ٹی آئی رہنما شاہ محمود قریشی نے بھی اپنا اپنا موقف پیش کیا جس کے بعد عدالت نے سماعت ملتوی کردی اور چیف جسٹس نے کہا کہ عدالت آج کی سماعت پر مناسب حکمنامہ جاری کرے گی۔

سپریم کورٹ میں ملک بھر میں ایک ساتھ انتخابات کرانے کی درخواستوں پر سماعت شروع ہوگئی وفاقی حکومت نے حکومت نے مذاکرات کے لیے مزید وقت کی استدعا کر دی۔

اے آر وائی نیوز کے مطابق سپریم کورٹ میں ملک بھر میں ایک ساتھ انتخابات کرانے کی درخواستوں پر سماعت شروع ہوگئی۔ چیف جسٹس عمر عطا بندیال کی سربراہی میں جسٹس اعجاز الاحسن اور جسٹس منیب اختر پر مشتمل 3 رکنی خصوصی بینچ سماعت کر رہا ہے۔ سماعت کے آغاز میں حکومتی اتحادی جماعتوں کے وکیل فاروق ایچ نائیک نے عدالت عظمیٰ سے مذاکرات کے لیے مزید وقت دینے کی استدعا کردی ہے۔

سماعت شروع ہوئی تو حکومتی وکیل فاروق ایچ نائیک نے عدالت کو اتحادی حکومت کا جواب پڑھ کر سنایا۔

فاروق ایچ نائیک کہا کہ قرضوں میں 78 فیصد، سرکلر ڈیٹ میں 125 فیصد اضافہ ہوچکا ہے۔ سیلاب کے باعث 31 ارب ڈالر کا نقصان ہوا۔ اسمبلی تحلیل سے پہلے بجٹ، آئی ایم ایف معاہدہ اور ٹریڈ پالیسی کی منظوری لازمی ہے۔ مذاکرات میں لیول پلیئنگ فیلڈ اور ایک دن انتخابات پر اتفاق ہوا ہے تاہم اسمبلی کی تحلیل کی تاریخ پر اتفاق نہیں ہوسکا۔ حکومت ملکی مفاد میں مذاکرات کا عمل بحال کرنے کو تیار ہے۔

ان کا مزید کہنا تھا کہ الیکشن ہر حال میں اسی سال اور ایک ہی دن ہونے چاہئیں۔ سندھ اور بلوچستان اسمبلی قبل از وقت تحلیل پر آمادہ نہیں، مذاکرات میں کامیابی چند روز میں نہیں ہوسکتی اور ہر فریق کو مذاکرات میں لچک دکھانی پڑتی ہے۔ پیپلز پارٹی یقین رکھتی ہے کہ بغیر مداخلت معاملات حل کیے جا سکتے ہیں اس لیے مذاکرات کے لیے مزید وقت درکار ہے۔

خبر اپ ڈیٹ کی جا رہی ہے

پاکستان تحریک انصاف کے چیئرمین اور سابق وزیراعظم عمران خان کی 7 مختلف مقدمات میں حفاظتی ضمانتیں منظور کر لی گئی ہیں۔

اے آر وائی نیوز کے مطابق اسلام آباد ہائیکورٹ میں پی ٹی آئی چیئرمین کی مختلف مقدمات میں ضمانتوں کی درخواستوں کی سماعت ہوئی۔ چیف جسٹس کی سربراہی میں دو رکنی بینچ نے سماعت کی۔ اس موقع پر عمران خان خود ذاتی حیثیت میں پیش ہوئے۔ عدالت نے ایڈووکیٹ جنرل اسلام آباد اور عمران خان کے وکیل کے دلائل سننے کے بعد عمران خان کی 7 مختلف مقدمات میں حفاظتی ضمانتیں منظور کر لی ہیں۔

سماعت شروع ہوئی تو چیف جسٹس نے کہا کہ آپ کی درخواست پر اعتراض دور ہو گئے ہیں۔ پہلے بھی بتایا تھا کہ بائیو میٹرک تو کہیں سے بھی ہو سکتی ہے۔

عمران خان کے وکیل سلمان صفدر نے کہا کہ میں معذرت خواہ ہوں اگلی بار دیکھ لیں گے۔ 60 سال سے زائد عمر بائیو میٹرک کا ایشو ہوتا ہے۔

اس پر چیف جسٹس نے کہا کہ کیا 60 سال والوں کے انگھوٹے کا نشان نہیں ہوتا۔ اب تو ہم نے بائیو میٹرک کا بہت آسان کر دیا ہے، آپ جہاں بھی ہوں وہیں قریب سے بائیو میٹرک کررا سکتے ہیں۔

سلمان صفدر ایڈووکیٹ نے عدالت کو آگاہ کیا کہ عمران خان نے 17 مارچ حفاظتی ضمانت ہائیکورٹ سے کرائی تھی، پھر 18 مارچ کو یہاں آئے لیکن انسداد دہشت گردی عدالت سے ضمانت نہیں لے سکے۔

چیف جسٹس نے استفسار کیا کہ کیوں ٹرائل کورٹ نہیں گئے؟ پہلے اس پر عدالت کی معاونت کریں۔ اس موقع پر پی ٹی آئی چیئرمین عمران خان روسٹرم پر آگئے۔ چیف جسٹس نے انہیں بیٹھنے کا حکم دیا جس پر عمران خان نے کہا کہ وہ عدالت کو کچھ بتانا چاہتے ہیں۔ چیف جسٹس نے کہا کہ آپ کرسی پر تشریف رکھیں۔

چیف جسٹس نے کہا کہ عمران خان کو سیکیورٹی خدشات ہیں جو جینوئن ہوں گے۔ ان پر ایک مرتبہ حملہ بھی ہوچکا ہے۔ عمران خان بطور سابق وزیراعظم کس سیکیورٹی کے حقدار ہیں؟ وہ سیکیورٹی تو ساتھ ہی ہوتی ہو گی۔ جس پر فواد چوہدری نے عدالت کو آگاہ کیا کہ عمران خان سے سیکیورٹی واپس لے لی گئی ہے۔

عدالت نے کہا کہ حکومت نے سابق وزیراعظم کی سیکیورٹی واپس لے کرغلط کام کیا اور اس حوالے سے وفاقی حکومت کو نوٹس بھی جاری کیا۔

چیف جسٹس نے استفسار کیا کہ پٹیشنر اب اسلام آباد میں ہیں تو یہاں سیکیورٹی کس نے دینی ہے؟ فواد چوہدری نے بتایا کہ سیکیورٹی وزارت داخلہ نے دینی ہے اور وفاقی وزیر داخلہ کا بیان تو آپ نے دیکھ ہی لیا ہے۔ چیف جسٹس نے کہا کہ بدقسمتی سے سلمان تاثیر کا واقعہ بھی ادھر ہی ہوا ہے۔

دوران سماعت ایڈووکیٹ جنرل اسلام آباد جہانگیر جدون اور فواد چوہدری کے درمیان تلخ کلامی بھی ہوئی۔

ایڈووکیٹ جنرل نے کہا کہ میں نے بھی سیکیورٹی کے حوالے سے بات کی ہے، جس پر فواد چوہدری نے کہا کہ نہیں، آپ نےیہ بات نہیں کی، آپ جھوٹ بول رہے ہیں۔ ایڈووکیٹ جنرل نے فوری ردعمل دیتے ہوئے کہا کہ آپ سے زیادہ جھوٹ کوئی نہیں بولتا۔ اس موقع پر عدالت نے فواد چوہدری اور ایڈووکیٹ جنرل کو کراس ٹاک سے منع کر دیا اور

عدالت نے ایڈووکیٹ جنرل اسلام آباد جہانگیر جدون کو روسٹرم پر بلا لیا اور جسٹس میاں گل حسن نے ان سے کہا کہ عدالت نے متعدد بار چیف کمشنر کو سیکیورٹی فراہم کرنے کا کہا تھا۔

ایڈووکیٹ جنرل نے کہا کہ ٹرائل کورٹ کو ایف 8 کچہری سے جوڈیشل کمپلیکس شفٹ کیا گیا۔ یہ عمران خان کی ذمے داری ہے کہ وہ پُر امن ماحول یقینی بنائیں۔ یہ وہاں گاڑی سے نہیں اترے اور لوگوں نے وہاں گاڑیاں جلا دیں۔

ایڈووکیٹ جنرل کی اس دلیل پر چیف جسٹس اسلام آباد ہائیکورٹ نے کہا کہ آپ سیکورٹی فراہم نہیں کرتےتو پھر وہ کیا کریں۔ جب انتظامیہ غیر ذمے دارانہ رویہ دے گی تو پھر کیا ہوگا؟ کسی شہری سے متعلق کیا انتظامیہ ایسا کوئی بیان دے سکتی ہے۔

اس موقع پر عمران خان کے وکیل نے کہا کہ پاکستان کی تاریخ میں دو سابق وزرائے اعظم قتل ہوچکے۔ ایک وزیراعظم پر قاتلانہ حملہ ہو چکا ہے۔ آج میں نے ضمانت کی 7 درخواستیں دائر کی ہیں۔ ضمانت کی درخواستیں 18 مارچ کو انسداد دہشت گردی عدالت چلی گئی تھیں۔ ہمیں جوڈیشل کمپلیکس داخلے کی اجازت نہیں ملی۔

اسلام آباد ہائیکورٹ نے دلائل سننے کے بعد 7 مقدمات میں عمران خان کی حفاظتی ضمانت منظور کرلیں۔