Author: عبدالقادر

اسلام آباد: تحریک انصاف نے قومی اسمبلی میں قائد حزب اختلاف کی فوری تبدیلی کا مطالبہ کردیا۔

تفصیلات کے مطابق تحریک انصاف کے چیف وہپ ملک عامرڈوگر نےاسپیکرکو تحریری مراسلہ بجھوایا ہے جس میں کہا گیا کہ راجہ پرویز اشرف قائد حزب اختلاف کی تبدیلی کےعمل کا آغاز کریں۔

پی ٹی آئی کے چیف وہپ عامر ڈوگر نے اپنے مراسلے میں کہا کہ لاہور ہائیکورٹ نے پی ٹی آئی اراکین کو ڈی نوٹیفائی کرنےکے آپ کے فیصلےکو معطل کردیا ہے، ہائیکورٹ کے فیصلےکےبعد پی ٹی آئی ایوان میں حزب اختلاف کی سب سے بڑی جماعت ہے۔

یہ بھی پڑھیں: توشہ خانہ کیس: نیب نے بشریٰ بی بی کو بھی طلب کرلیا

ملک عامرڈوگر نے کہا کہ اپوزیشن کی سب سےبڑی جماعت ہونے کےناطےقائد حزب اختلاف تحریک انصاف کا استحقاق ہے،عمران خان کی ہدایات پرمراسلے کےذریعے آپ سےقائد حزب اختلاف کی فوری تبدیلی کا مطالبہ کررہاہوں۔

اپنے مراسلے میں پی ٹی آئی کے چیف وہپ کا کہنا تھا کہ چئیرمین نیب کی تقرری قائد ایوان اورقائد حزب اختلاف کےمابین مشاورت سے کی جاتی ہے اور نئی تقرری تحریک انصاف کے نئے قائد حزب اختلاف کےساتھ مشاورت ہی سے ممکن ہے۔

یکے بعد دیگرے منظر عام پر آنے والی غیر مصدقہ آڈیو اور ویڈیو لیکس کے معاملے پر چیئرمین پی ٹی آئی عمران خان نے چیف جسٹ سمیت سپریم کورٹ کے تمام ججز کو تفصیلی خط لکھ دیا ہے۔

اے آر وائی نیوز کے مطابق یکے بعد دیگرے منظر عام پر آنے والی غیر مصدقہ آڈیو اور ویڈیو لیکس کے تدارک کے لیے چیئرمین پاکستان تحریک انصاف اور سابق وزیراعظم عمران خان نے چیف جسٹس آف پاکستان سمیت سپریم کورٹ کے تمام ججز کو تفصیلی خط لکھا ہے جس میں انہوں نے گزشتہ سال اکتوبر میں دائر آئینی درخواست سماعت کے لیے مقرر کرنے اور آرٹیکل 14 کے تحت تحفظ کے لیے اقدامات کرنے کی استدعا کی ہے۔

عمران خان نے اپنے خط میں 8 اہم ترین سوالات بھی چیف جسٹس اور ججز کے سامنے رکھ دیے ہیں۔

چیئرمین پی ٹی آئی کا کہنا ہے کہ گزشتہ کئی ماہ سے مشکوک، غیرمصدقہ آڈیوز اور ویڈیوز کا سلسلہ جاری ہے۔ یہ مبینہ آڈیوز اور ویڈیوز موجودہ و سابق شخصیات اور عام افراد میں گفتگو پر مبنی اور غیر مصدقہ مواد پر مشتمل ہیں۔

عمران خان نے کہا کہ آڈیوز اور ویڈیوز کو ڈیپ فیک سمیت دیگر جعلی طریقوں سے تیار کیا جاتا ہے۔ چند ماہ پہلے بعض ایسی آڈیوز منظر عام پر آئیں جو وزیراعظم آفس سے متعلق تھیں۔ ان آڈیوز سے تاثر ملتا ہے کہ وزیراعظم آفس اور ہاؤس کی خفیہ ریکارڈنگز معمول تھا۔

ان کا کہنا تھا کہ ایوان وزیراعظم بلاشبہ ریاست کا حساس ترین ایوان ہے۔ ایوان وزیراعظم میں قومی حساسیت کے حامل معاملات پر تبادلہ خیال کیا جاتا ہے۔ شواہد ہیں کہ ان غیر مصدقہ اور جعلی آڈیوز/ ویڈیوز سے تنقیدی آوازوں کو دبایا جانا مقصود ہے۔

سابق وزیراعظم نے کہا کہ مجھ سمیت کئی سابق سرکاری شخصیات اور عام افراد ان جعلی لیکس کا نشانہ بن چکے ہیں۔ اعظم سواتی سمیت بہت سے افراد کے پرائیویسی کے بنیادی آئینی حق کو پامال کیا گیا۔ پاکستان میں آئین کی تخلیق کے دوران متعدد حقوق کو دستور کا حصہ بنایا گیا ہے۔

عمران خان نے مزید کہا کہ دستور کا آرٹیکل 4 ہر شخص کو قانون کا تحفظ اور قانون ہی کے تحت سلوک کا حق دیتا ہے اور یہی دستور ہر فرد کی عزت وناموس،چادر وچاردیواری کےتحفظ کی ضمانت دیتا ہے لیکن دستور کے تحت افراد کو میسر حقوق ناقابل جواز ڈھٹائی سے پامال کیے جا رہے ہیں۔

چیئرمین پی ٹی آئی کا کہنا تھا کہ پرائیویسی سمیت دیگر بنیادی حقوق کے تحفظ کیلئے اکتوبر 2022 میں آئینی درخواست دی۔ بدقسمتی سے اب تک میری یہ درخواست سماعت کیلیے مقرر نہ کی جا سکی۔ درخواست کے بعد معاملات بہتری کے بجائے مزید ابتری کے شکار ہو چکے ہیں۔ آئین کی خلاف ورزیوں میں ملوث کردار مزید جعلی مواد کو فروغ دے رہے ہیں۔

خط میں عمران خان نے یہ بھی نشاندہی کی کہ حال ہی میں سابق وزیراعلیٰ اور سپریم کورٹ کے معزز جج میں مبینہ گفتگو جاری کی گئی۔ اس سے واضح ہوچکا اب عوام معمول کے تحت خفیہ نگرانی و ریکارڈنگز کا نشانہ بن رہے ہیں اور ان ریکارڈنگز کو مرضی سے رد وبدل کرکے منظرعام پر لانے کا سلسلہ جاری ہے۔

یہ بھی پڑھیں: ممنوعہ فنڈنگ کیس میں عمران خان کو گرفتار کرنے کا فیصلہ

انہوں نے اپنے خط میں سوالات اٹھاتے ہوئے کہا کہ سوال پیدا ہوتا ہے کون سا قانون عوام کی وسیع پیمانے پر خفیہ ریکارڈنگز کی اجازت دیتا ہے؟ قانون اس نگرانی و ریکارڈنگز کا حق کس کو دیتا ہے؟ یہ سوال بھی جواب طلب ہے کہ اس نگرانی و ریکارڈنگز کی حدود و قیود کیا ہیں؟ اس نگرانی اور ریکارڈنگز کا سلسلہ کب تک جاری رہے گا؟ ساتھ ہی اس سوال کا جواب بھی لازم ہے کہ نگرانی و ریکارڈنگز سے حاصل مواد کی حفاظت کا کیا انتظام ہے؟

پاکستان تحریک انصاف کے چیئرمین عمران خان کی جانب سے جیل بھرو تحریک کے تحت رضاکارانہ گرفتاریوں کے لیے باضابطہ تیاریوں کا آغاز کردیا گیا ہے۔

اے آر وائی نیوز کے مطابق عمران خان نے گزشتہ روز گرفتاریاں نہ روکے جانے پر جیل بھرو تحریک شروع کرنے کا اعلان کیا تھا جس کے بعد اس تحریک کے لیے باضابطہ تیاریوں کا آغاز کردیا گیا ہے اور ذرائع نے بتایا ہے کہ ملک بھر میں اس حوالے سے ریجنل اور ضلعی تنظیموں کو اہداف سونپ دیے گئے ہیں۔

ذرائع کے مطابق پی ٹی آئی کی جیل بھرو تحریک کو تین مرحلوں میں آگے بڑھایا جائے گا۔ پہلے مرحلے میں مرکزی قائدین اور اراکین پارلیمنٹ گرفتاریاں دیں گے جس کے بعد دوسرے مرحلے کا اغاز ہوگا جس میں ہر صوبائی حلقے سے 500 کارکنان گرفتاریاں دیں گے۔ تیسرے اور آخری مرحلے میں ووٹرز اور عوام بھی جوق در جوق گرفتاریاں دیں گے۔

ذرائع نے بتایا ہے کہ جیل بھرو تحریک کے لیے رضاکارانہ طور پر گرفتاریاں دینے والے کارکنان کی فہرستوں کی تیاری شروع کردی گئی ہے جس کو تیاری کے بعد فہرستیں حتمی منظوری کے لیے پی ٹی آئی چیئرمین عمران خان کو پیش کی جائیں گی۔

واضح رہے کہ سابق وزیراعظم اور چیئرمین پی ٹی آئی عمران خان نے گزشتہ روز عوام کو مخاطب کرتے ہوئے جیل بھرو تحریک شروع کرنے کا اعلان کیا تھا اور کہا تھا کہ سب تیاری کریں جلد جیل بھرو تحریک کی کال دوں گا۔

یہ بھی پڑھیں: عمران خان کا ‘جیل بھرو تحریک’ شروع کرنے کا اعلان

عمران خان کا کہنا تھا کہ سڑکوں پر احتجاج سے بہتر ہے کہ جیل بھرو تحریک شروع کر دی جائے۔ ہم جیلیں بھر کر ان کا شوق پورا کر دیتے ہیں۔

پشاور: رہنما پی ٹی آئی مراد سعید نے سیاسی وابستگی کو بالائے طاق رکھتے ہوئے کے پی عوام کو امن کی کال دے دی ہے۔

تفصیلات کے مطابق ایک بیان میں مراد سعید نے کہا کہ سیاسی وابستگی سے بالا تر امن کیلئے کال دے رہا ہوں، کل انشااللہ بعد از نماز جمعہ کےپی عوام امن کیلئےنکلیں گے تمام شرکا کے ہاتھوں میں سفید جھنڈے ہونگے۔

انہوں نے کہا کہ تمام سیاسی جماعتوں کے کارکنوں سے اپیل ہے نظریہ بعد میں پہلے امن ہے۔

یہ بھی پڑھیں: پی ٹی آئی نے ن لیگ کی ایک اور اہم وکٹ گرا دی

مراد سعید کا کہنا تھا کہ اسی ہزار قربانیوں کے بعد حاصل کیا گیا امن کسی صورت تباہ نہیں ہونے دینگے اور نہ ہی دوبارہ کسی کی جنگ کا ایندھن بنیں گے۔

رہنما پی ٹی آئی نے کے پی پولیس کو خراج تحسین پیش کرتے ہوئے کہا کہ مجھے اس بات کا دکھ ہے کہ ہمارے پولیس جوانوں کا خون خشک ہونے سے قبل پروپیگنڈہ کیا گیا۔

قومی اسمبلی سے استعفے واپسی کیلیے پی ٹی آئی کے 45 ایم این ایز کو اسپیکر راجا پرویز اشرف کی رہائشگاہ جانے سے روک دیا گیا ہے۔

اے آر وائی نیوز کے مطابق پاکستان تحریک انصاف کے 45 اراکین کے استعفعے واپس لینے کے معاملے پر اراکین کے مشترکہ طور پر اسپیکر کی رہائشگاہ جانے کے اعلان کے فوری بعد قانون نافذ کرنے والے ادارے حرکت میں آگئے اور پی ٹی آئی اراکین کو راجا پرویز اشرف کی رہائشگاہ جانے سے روک دیا۔

اسلام آباد پولیس کی جانب سے پی ٹی آئی اراکین کو منسٹر انکلیو میں کے باہر روکا گیا اور انہیں بتایا گیا کہ انہیں آگے جانے کی اجازت نہیں ہے۔ جس کے بعد ممبران احتجاج وہیں دھرنا دے کر بیٹھ گئے ہیں جب کہ منسٹر انکلیو  کے باہر خواتین اہلکاروں سمیت پولیس کی اضافی نفری بھی طلب کرلی گئی ہے۔

پی ٹی آئی اراکین وہاں سخت احتجاج کیا ہے اور نعرے بھی لگائے ہیں۔ ان کا کہنا ہے کہ وہ اسپیکر قومی اسمبلی سے ملاقات کیے بغیر واپس نہیں جائیں گے۔ بعد ازاں پولیس سے مذاکرات کے بعد اراکین نے اپنا احتجاج ختم کردیا اور الیکشن کمیشن کی جانب روانہ ہوگئے۔

اس سے قبل پی ٹی آئی کے 45 اراکین اسمبلی نے قومی اسمبلی سے اپنے استعفے واپس لینے کے فیصلے پر عملدرآمد کے لیے وہ پارلیمنٹ پہنچے اور اسپیکر راجا پرویز اشرف کے وہاں موجود نہ ہونے پر اب تمام اراکین نے مشترکہ طور پر اسپیکر کی رہائشاہ جانے کا اعلان کیا ہے۔

پی ٹی آئی رہنما عامر ڈوگر نے پارلیمنٹ ہاؤس کے باہر میڈیا سے گفتگو کرتے ہوئے کہا کہ آج 45 اراکین قومی اسمبلی جعلی اپوزیشن لیڈر کو ہٹانے کیلیےاسپیکر کے پاس آئے اور ہم سیاسی حکمت عملی کے تحت 45 ممبران قومی اسمبلی کے استعفے واپس لے رہے ہیں۔

ان کا کہنا تھا کہ اس حکومت نے پارلیمنٹ کا مذاق بنایا ہوا  ہے۔ رات کی تاریکی میں نوٹیفکیشن جاری کیا کہ قومی اسمبلی 4 دن کیلیے بند ہے۔ مارشل لا کے دور میں بھی اس طرح اسمبلیاں بند نہیں ہوئیں۔ ہم یہاں کھڑے ہیں اور ان کو بھاگنے نہیں دیں گے۔

عامر ڈوگر کا کہنا تھا کہ 45 اراکین کے استعفے واپس لینے سے متعلق اسپیکر قومی اسمبلی کو ای میل بھی کر دی ہے جب کہ متعلقہ لوگوں کو بھی واٹس ایپ کے ذریعے مطلع کردیا گیا ہے۔

پی ٹی آئی رہنما کا کہنا تھا کہ یہ ملک الیکشن کی طرف جا رہا ہے۔ ایسے میں ضروری ہے کہ ایک موزوں اپوزیشن لیڈر بنایا جائے۔ اب ہم سب مل کر اسپیکر قومی اسمبلی کی رہائش گاہ جائیں گے۔

واضح رہے کہ اس سے قبل تحریک انصاف کے رہنما اسد عمر نے سماجی رابطے کی ویب سائٹ ٹوئٹر پر اپنے بیان میں کہا تھا کہ اسپیکر ابھی تک تمام اسمبلی ارکان کے استعفے قبول نہیں کر رہے، اس لئے پارٹی چیئرمین کی ہدایات کے مطابق 44 ارکان اسمبلی نے اپنے استعفے واپس لینے کا فیصلہ کیا ہے اور سپیکر قومی اسمبلی کو ای میل کر دیا ہے، اگلا قدم اپوزیشن لیڈر کی نامزدگی ہو گی۔

کیونکہ سپیکر ابھی تک تمام اسمبلی ارکان کے استعفے قبول نہیں کر رہے، اس لئے پارٹی چیئرمین کی ہدایات کے مطابق 44 ارکان اسمبلی نے اپنے استعفے واپس لینے کا فیصلہ سپیکر قومی اسمبلی کو ای میل کر دیا ہے. اگلا قدم اپوزیشن لیڈر کی نامزدگی ہو گی. pic.twitter.com/qx86MCyTBK

— Asad Umar (@Asad_Umar) January 23, 2023

پی ٹی آئی رہنما فواد چوہدری نے بھی اسی حوالے سے ایک ٹوئٹ میں کہا تھا کہ مقصد جعلی اپوزیشن لیڈر سے جان چھڑانا اور اعتماد کے ووٹ میں لوٹوں کو شہباز شریف کو ووٹ دینے سے روکنا ہے۔

تحریک انصاف کے 45 ممبران اسمبلی نے اسپیکر قومی اسمبلی سے لیڈر آف اپوزیشن اور پارلیمانی پارٹی کے عہدے تحریک انصاف کو دینے کیلئے استعفیٰ واپس لے کئے ہیں، اس کا مقصد جعلی اپوزیشن لیڈر سے جان چھڑانا اور اعتماد کے ووٹ میں لوٹوں کو شہباز شریف کو ووٹ دینے سے روکنا ہے

— Ch Fawad Hussain (@fawadchaudhry) January 23, 2023

لاہور: پاکستان تحریک انصاف (پی ٹی آئی) کے چیئرمین عمران خان کو پارٹی صدارت سے ہٹانے کے ممکنہ منصوبے کو ناکام بنانے کے لیے پارٹی نے جوابی پلان آف ایکشن تیار کرلیا۔

ذرائع کا بتانا ہے کہ عمران خان کو پی ٹی آئی کا پیٹرن انچیف بنانے جانے پر غور کیا جا رہا ہے۔ پارٹی کے سینئر رہنماؤں کی اس متعلق مشاورت مکمل ہوگئی۔

عمران خان بطور پیٹرن انچیف بھی اختیارات کے ساتھ پارٹی سربراہی کر سکیں گے۔ پارٹی میں فی الحال پیٹرن انچیف کا عہدہ موجود نہیں ہے۔

عمران خان کے خلاف ممکنہ اقدام کی صورت عہدہ بنایا جائے گا۔ نئے عہدے کے لیے پارٹی آئین میں تبدیلی ضروری نہیں ہوگی۔

سینئر قیادت نے عمران خان کے خلاف ہر حربہ ناکام بنانے کا فیصلہ کرلیا۔