اسلام آباد : پاکستان تحریک انصاف کے سینئر رہنما جہانگیرترین نے اینکروسیم بادامی اور شاہ زیب خانزادہ پر ایک ارب روپے کا ہتک عزت کا دعویٰ کردیا اور کہا 14دن میں معافی نہ مانگنے پر قانونی کارروائی کریں گے۔
تفصیلات کے مطابق پاکستان تحریک انصاف کے سینئر رہنما جہانگیرترین نے اینکروسیم بادامی اور شاہ زیب خانزادہ پر ہتک عزت کادعویٰ کردیا اور جس میں کہا گیا کہ دونوں اینکرزنےمیری ساکھ کونقصان پہنچانےکی کوشش کی، 14دن میں معافی نہ مانگنےپرایک ارب ہرجانےپر قانونی کارروائی کریں گے۔
یاد رہے دو روز قبل جہانگیر ترین نے میڈیا سے گفتگو کرتے ہوئے کہا تھا کہ پنجاب میں ہماری حکومت مضبوط ہے اور حکومت پانچ سال پورے کرے گی، کمزور حکومت کا شورو واویلا صرف میڈیا کی حد تک ہے، میڈیا والے شام کو چینلوں پر بیٹھ کر حکومت جانے کی بات کرتے ہیں۔
انھوں نے کہا تھا اتحادیوں کے ساتھ ہماری بات طے ہوگئی اگلے ہفتے ناراض اتحادی کابینہ میں واپس آجائیں گے۔
مزید پڑھیں : کمزور حکومت کا شورو واویلا صرف میڈیا کی حد تک ہے ، جہانگیر ترین
پی ٹی آئی رہنما کا کہنا تھا کہ ملک میں مہنگائی پچھلی حکومت کی وجہ سے ہوئی ہے، سابقہ حکومت نے مصنوعی طور پر ڈالر،گیس اور بجلی کے ریٹس کو روکے رکھا۔
انھوں نے مزید کہا تھاکہ نواز شریف ملک میں واپس نہیں آئیں گے، ملکی نظام کی بہتری کیلئےلوکل باڈیز الیکشن 2020 میں ہی ہوں گے، ایک سوال کے جواب میں جہانگیر ترین کا کہنا تھا کہ گنے کی قیمت بڑھنے سے چینی کی قیمت بڑھی ہے
