Author: عبدالقادر

اسلام آباد: سرگودھا میں وزیراعظم عمران خان نے سرکاری اسپتال کا اچانک دورہ کیا جس کے دوران وہاں موجود والدین نے اپنے نومولود بچے کا نام عمران خان رکھ دیا۔

تفصیلات کے مطابق وزیراعظم عمران خان نے سرگودھا میں سرکاری اسپتال کے اچانک دورے کی خوشی میں اسپتال میں موجود والدین نے اپنے نومولود بچے کا نام عمران رکھ دیا۔

اس موقع پر بچے کے والد کا کہنا تھا کہ وہ وزیراعظم عمران خان کے ہامی ہیں اور اسی وجہ سے بچے کا نام عمران خان رکھا ہے۔

وزیراعظم نے ننھے عمران خان کے لیے نیک خواہشات کا اظہار کیا۔

One of the cutest, most heartwarming videos you will see today. Parents name their new born son as Imran Khan as the PM makes surprise visits to hospital in Sargodha #ImranKhan. This is a true way of showcasing love the public has for their leader pic.twitter.com/NgScDRpdZF

— Tehreek-e-Insaf (@InsafPK) May 25, 2019

مزید پڑھیں: وزیر اعظم کا عوامی سہولتوں کی براہ راست نگرانی کا فیصلہ، مختلف اسپتالوں کا دورہ

واضح رہے کہ وزیراعظم عمران خان نے سرگودھا کے ڈسٹرکٹ ہیڈ کوارٹر اسپتال کا دورہ کیا، وزیراعظم کو دیکھ کر اسپتال میں موجود لوگ حیران ہوگئے اور ان کے لیے نعرے بھی لگائے۔

وزیر اعظم نے مریضوں کی تیمار داری کی اور اسپتال میں سہولتوں کا جائزہ لیا۔ انہوں نے براہ راست مریضوں سے سہولتوں سے متعلق پوچھا جبکہ مریضوں سے علاج و معالجے کا بھی دریافت کیا۔

انہوں نے ڈاکٹرز کو بہترین علاج و معالجہ فراہم کرنے کی ہدایات دیں۔ لوگوں نے وزیر اعظم کے اچانک دورے پر ان کا شکریہ ادا کیا۔

وزیر اعظم نے مشیر برائے قومی صحت کو فوری طور پر سہولتیں فراہم کرنے کی ہدایت کردی۔ انہوں نے مختلف وارڈز میں جا کر مریضوں کی عیادت بھی کی۔

اسلام آباد: وزیراعظم عمران خان کی زیرصدارت قومی سلامتی کمیٹی کا اجلاس ہوا جس میں آرمی چیف سمیت مسلح افواج کے سربراہان اور وزراء نے شرکت کی۔

نمائندہ اے آر وائی نیوز عبدالقادر کے مطابق وزیراعظم کی زیرصدارت قومی سلامتی کمیٹی کےاجلاس کااعلامیہ جاری کیا گیا جس میں بتایا گیا ہے کہ اجلاس میں وفاقی وزیر دفاع پرویز خٹک، مشیر خزانہ عبدالحفیظ شیخ، وفاقی وزیر داخلہ، وزیر قانونی اور اٹارنی جنرل بھی شریک ہوئے۔

اجلاس میں آرمی چیف سمیت مسلح افواج کےسربراہان، چیئرمین جوائنٹ چیفس آف اسٹاف کمیٹی جنرل زبیرمحمودحیات، ڈی جی آئی ایس آئی ،ڈی جی آئی ایس پی آرمیجرجنرل آصف غفور، ڈی جی ایم او،نیشنل سیکیورٹی ڈویژن کےاعلیٰ حکام شریک ہوئے۔ دورانِ اجلاس ملک کی موجودہ علاقائی صورتحال اورجیواسٹریٹجک معاملات پرتبادلہ خیال کیاگیا۔

اعلامیے میں بتایا گیا ہے کہ پاکستان خطےمیں امن کےقیام کےلئےکوششیں جاری رکھےگا، جبکہ اجلاس میں ملکی معاشی صورت حال کا بھی تفصیلی جائزہ لیاگیا، شرکاء نے معیشت کےاستحکام کےلئےحالیہ کوششوں کی مکمل حمایت کےعزم کااعادہ کیا۔

اعلامیے میں بتایا گیا ہے کہ اجلاس میں وزیراعلیٰ گلگلت بلتستان حفیظ الرحمان بھی شریک ہوئے، ایک الگ سیشن میں گلگت بلتستان ریفارمزپربھی بات چیت ہوئی جس میں گلگت کی فیصلہ سازی میں مقامی نوجوانوں کی رائے کو اہمیت دینے  پر بھی بات چیت ہوئی۔

اسلام آباد: وزیراعظم عمران خان نے کہا ہے کہ کچھ عناصر غیریقینی کی صورت حال پیدا کرنے کی کوشش کررہے ہیں، معیشت کو درپیش چیلنجز سے نمٹنے کی بھرپور کوشش کررہے ہیں۔

تفصیلات کے مطابق وزیراعظم عمران خان کی زیر صدارت معاشی صورت حال پر اجلاس ہوا جس میں مشیر خزانہ حفیظ شیخ، مشیر تجارت رزاق داؤد اور ملک کے تمام چیمبرز کے نمائندگان نے شرکت کی۔

مشیر خزانہ اور مشیر تجارت نے ملکی مالیاتی معاملات پر وزیراعظم کو بریفنگ دی، اجلاس میں آئی ایم ایف سے مذاکرات سے متعلق معاملات پر تبادلہ خیال کیا گیا۔

اجلاس میں روپے کی قدر میں کمی کی وجوہات پر غور کیا گیا، کاروباری افراد سے مارکیٹ کی تازہ صورت حال پر مشاورت کی گئی، وفد نے معاشی استحکام، معیشت کے فروغ کے لیے تجاویز پیش کیں۔

وزیراعظم عمران خان نے کہا کہ کاروباری برادری اقتصادی استحکام کے لیے کردار ادا کرے، چیلنجز سے نمٹنے کے لیے مشترکہ کوشش کرنا ہوگی۔

عمران خان نے مزید کہا کہ کاروباری برادری سے ملاقاتوں کا سلسلہ تواتر سے جاری رکھیں گے، معاشی بہتری کے لیے کاروباری افراد کی تجاویز پر مشاورت ضروری ہے۔

مزید پڑھیں: ملک کو چلانے کے لئے اسی قوم سے پیسہ اکٹھا کر کے دکھاؤں گا: وزیر اعظم

واضح رہے کہ گزشتہ روز وزیراعظم کا کہنا تھا کہ سرکاری اسپتالوں کو بہتر کرنے کی کوشش کے خلاف ایک مہم چل رہی ہے، کے پی میں کچھ ڈاکٹرز مہم چلا رہے ہیں، سرکاری اسپتالوں کو ٹھیک کرنے کے لئے اصلاحات لا رہے ہیں۔

ان کا کہنا تھا کہ احتجاج سے نہیں ڈریں گے، آپ جتنا بھی دباؤ ڈال لیں، سرکاری اسپتالوں کو ٹھیک کر کے رہیں گے، کسی کی بلیک میلنگ میں نہیں آئیں گے.