Author: عدنان طارق

پشاور: خیبرپختونخوا کی نگراں حکومت نے انسپکٹر جنرل آف پولیس کو تبدیل کردیا ہے۔

تفصیلات کے مطابق آئی جی خیبرپختونخوا معظم جاہ انصاری کو عہدے سے ہٹادیا گیا، ان کی جگہ اختر حیات کو نیا آئی جی خیبرپختونخوا پولیس لگا دیا گیا ہے جس کا نوٹی فیکیشن جاری کردیا گیا ہے۔

نئے آئی جی کے پی گریڈ اکیس کے افسر اختر حیات گنڈا پور ایف آئی اے میں تعینات تھے جبکہ نوٹیفکیشن کے مطابق سابق آئی جی خیبرپختونخوا معظم جاہ انصاری کو اسٹیبلشمنٹ ڈویژن رپورٹ کرنے کی ہدایت کی گئی ہے۔

یہ بھی پڑھیں: آئی جی خیبرپختونخوا پشاور دھماکے پر افواہوں اور فضول باتوں پر پھٹ پڑے

واضح رہے کہ چند روز قبل پشاور پولیس لائنز کی مسجد میں ہونے والے خودکش حملے کے بعد وفاقی حکومت نے آئی جی کے پی معظم جاہ انصاری کو تبدیل کرنے کا فیصلہ کیا تھا۔

یاد رہے کہ معظم جاہ انصاری کو نو جون دو ہزار اکیس میں خیبر پختونخوا کا نئے آئی جی تعینات کیا گیا تھا۔ اس وقت کی حکومت نے آئی جی پولیس خیبر پختونخوا ثناء اللہ عباسی کو عہدے سے ہٹا کرانہیں تعینات کیا تھا۔

پشاور: پولیس لائنز کی مسجد میں دھماکا کرنے والے مبینہ خود کش حملہ آور کی تفصیلی سی سی ٹی وی منظر عام پر آگئی۔

تفصیلات کے مطابق پشاور پولیس لائن دھماکے کےمبینہ خود کش حملہ آور کی تفصیلی سی سی ٹی وی موصول ہوگئی، جس میں دیکھا جا سکتا ہے کہ حملہ آور دھماکا کرنے کہاں سے اور کیسے آیا۔

سی سی ٹی وی میں دکھایا جاسکتا ہے کہ حملہ آور خیبر روڈ سے موٹر سائیکل پر بغیر تلاشی کے پولیس لائن میں داخل ہوا۔

سی سی ٹی وی کے مطابق مبینہ خود کش حملہ آور 12 بج کر 36 منٹ پر پولیس لائن کے باہر پہنچا، جب دوسرے پولیس اہلکار نے حملہ آور کو روکا اور موٹر سائیکل ہٹانے کا کہا تو حملہ آور واپس آیا اور دوبارہ موٹر سائیکل اسٹارٹ کرنے کی کوشش کی۔

موٹر سائیکل سٹارٹ نہ ہونے پر موٹر سائیکل کو پیدل لے کر پولیس لائن پارکنگ پہنچا اور موٹر سایکل پارک کر کے حملہ آور بغیر تلاشی کے پولیس لائن میں داخل ہو گیا۔

آخری سی سی ٹی وی فوٹیج میں حملہ آور 12 بج کر 44 منٹ پر پولیس لائن کی مسجد کے اندر داخل ہوا اور دھماکہ کردیا۔

حملہ آورپولیس وردی، ہیلمنٹ، داستانے اور چادر اوڑھے ہوئے تھا،پولیس نے مبینہ حملہ آور کے جسمانی اعضا اور ہیلمٹ بھی برآمد کر لیا ہے۔

پشاور : پشاور دھماکے میں حملہ آور کی بغیر تلاشی باآسانی پولیس لائن میں داخل ہوکر مسجد کی طرف جاتے ہوئے ویڈیو سامنے آگئی۔

تفصیلات کے مطابق پشاور پولیس لائن دھماکا کی ایک اور سی سی ٹی وی فوٹیج سامنے آگئی ہے۔

جس میں خود کش حملہ آور کو پولیس لائن میں داخل ہوتے ہوئے دکھایا گیا ہے ، خود کش حملہ آور 12 بجکر 33 منٹ پر خیبر روڈ پولیس چیک پوسٹ سے پولیس لائن میں داخل ہوا اور گفتگو بھی کی۔

حملہ آور نے جیکٹ اور چادر پہنی ہوئی تھی، وہ 12 بجکر 38 منٹ پر موٹر سائیکل کو پیدل لے کر پولیس لائن پارکنگ پہنچا ، موٹر سائیکل پارک کر کے حملہ آور بغیر تلاشی کے پولیس لائن میں داخل ہو گیا۔

ویڈیو میں حملہ آور 12 بجکر 42 منٹ پر پولیس لائن کی مسجد کی طرف جاتے ہوئے نظر آ رہا ہے ، جس کے بعد پولیس لائن مسجد میں حملہ آور نے 1بجکر 17 منٹ پر خود کو دھماکے سے اڑا دیا۔

اس سے قبل پشاور پولیس لائن دھماکے سے قبل کی سی سی ٹی وی فوٹیج سامنے آئی تھی۔

ویڈیو میں معمول کے مطابق لوگوں کو آتے جاتے دیکھا جاسکتا ہے اور فوٹیج میں نظر آنے والے تمام افراد کی شناخت کا سلسلہ بھی جاری ہے۔

فوٹیج کے مطابق پولیس لائنز کی مسجد میں دھماکا ایک بج کر سترہ منٹ پر ہوا اور دھماکا ہوتے ہی بجلی بھی منقطع ہوگئی تھی۔

پشاور : پولیس لائنز کی مسجد میں دھماکا کرنے والے خودکش حملہ آور کی موٹر سائیکل پر پولیس لائن میں داخلے کی تصویر سامنے آگئی۔

تفصیلات کے مطابق پشاور پولیس لائنز دھماکے کی تحقیقات جاری ہے ، مسجد میں دھماکے سے قبل ایک اور فوٹیج سامنے آگئی ہے۔

جس میں خودکش حملہ آور کو موٹرسائیکل پر پولیس لائن میں داخل ہوتے دیکھا جاسکتا ہے، خودکش حملہ آور 12 بجکر 33منٹ پرپولیس لائن میں داخل ہوا تھا۔

پشاور پولیس لائن خودکش دھماکا، خودکش حملہ آور کی موٹرسائیکل پر پولیس لائن میں داخلے کی تصویر اے آر وائی نیوز پر#ARYNews pic.twitter.com/Q49bV9WsdM

— ARY NEWS (@ARYNEWSOFFICIAL) February 2, 2023

پشاور : پولیس لائنز دھماکے سے قبل کی سی سی ٹی وی فوٹیج سامنے آگئی، جس کے مطابق مسجد میں دھماکا 1بجکر 17 منٹ کے قریب ہوا اور دھماکاہوتے ہی بجلی منقطع ہوگئی۔

تفصیلات کے مطابق پشاور پولیس لائن دھماکے سے قبل کی سی سی ٹی وی فوٹیج اے آر وائی نیوزنے حاصل کر لی۔

ویڈیو میں معمول کے مطابق لوگوں کو آتے جاتے دیکھا جاسکتا ہے اور فوٹیج میں نظر آنے والے تمام افراد کی شناخت کا سلسلہ بھی جاری ہے۔

فوٹیج کے مطابق پولیس لائنز کی مسجد میں دھماکا ایک بج کر سترہ منٹ پر ہوا اور دھماکا ہوتے ہی بجلی بھی منقطع ہوگئی تھی۔

ذرائع کا کہنا ہے پولیس لائنز اور ریڈ زون میں نصب کیمروں کی فوٹیجز کی مدد سے اہم پیش رفت ہوئی ہے اور تحقیقات کا دائرہ وسیع کردیا گیا ہے۔