Author: افضل خان

کراچی : جائیداد کی لالچ میں ماموں کے ساتھ مل کر ماں کو قتل کرنے والے بیٹے کو گرفتار کرلیا گیا ، ملزم نے دونوں ماموں اور کزن کیساتھ ملکرماں کو قتل کیا۔

تفصیلات کے مطابق کراچی میں بلال کالونی پولیس نے ماں کے قتل میں ملوث ملزم مختیار کو گرفتارکرلیا ، ایس ایس پی ذیشان شفیق صدیقی نے بتایا کہ اورنگی ٹاؤن پریشان چوک کے قریب کارروائی کرکےملزم کوگرفتارکیا گیا۔

ذیشان شفیق صدیقی کا کہنا تھا کہ ملزم نے دونوں ماموں، کزن کیساتھ ملکرماں کوقتل کیا، مقتولہ کے دوبھائیوں کو بھی جائیداد کی لالچ تھی۔

ملزم نے ویڈیو بیان میں کہا کہ میری ماں نے دو سے تین مرتبہ مجھے پولیس کےحوالےکرایا، دونوں ماموں اورکزن بھی شریک جرم ہیں، سعودی عرب میں تھا، والد کے انتقال پرپاکستان آیا۔

مجھے پتہ چلا میرے والد کو مارنے میں میری ماں کا ہاتھ تھا ، میری والدہ عدالت میں مکان کا کیس جیت چکی تھی اور ماں کو ملنے والی جائیداد میں ڈھائی کروڑ کیش اور 22تولہ سونا تھا۔

کراچی: چمڑا چورنگی کے قریب تیز رفتار بس نے 2 موٹرسائیکل سوار ماموں بھانجے کو کچل ڈالا ، جبکہ دو کم عمر لڑکے معجزانہ طور پر محفوظ رہے۔

تفصیلات کے مطابق کراچی کے علاقے کورنگی چمڑا چورنگی کے قریب بس نے موٹر سائیکل سوار 4 افراد کو ٹکر ماری ، حادثے میں 2 افراد جاں بحق ہوگئے جبکہ بس کا ڈرائیور موقع سے فرار ہوگیا۔

ریسکیو ذرائع نے بتایا کہ موٹرسائیکل پرسوار 2 کم عمر بچے حادثے میں محفوظ رہے، جاں بحق افراد کی شناخت سبحان اور معیز کے ناموں سے ہوئی، جو آپس میں ماموں بھانجے تھے تاہم لاشیں اسپتال منتقل کردی گئی ہے۔

پولیس نے بتایا حادثہ ناصر جمپ سے چمڑا چورنگی جانے والی سڑک پر پی این ٹی گیٹ کے قریب رونما ہوا، ایک موٹر سائیکل پر دوبچوں سمیت چار افراد سوار تھے۔

عینی شاہدین کے مطابق مزدہ کوچ نے موٹر سائیکل سواروں کو ٹکر ماری، پولیس کا کہنا ہے کہ موٹر سائیکل پر سوار ایک نوجوان موقع پر جاں بحق ہوا جبکہ دوسرا نوجوان اسپتال منتقلی کے دوران دن توڑ گیا، 2 بچے معمولی زخمی ہوئے۔

پولیس کے مطابق حادثہ جس مقام پر رونما ہوا وہ تھانہ کورنگی کی حدود ہے، حادثے کی زمہ دار ڈرائیور اور مزدہ کوچ سے متعلق معلومات حاصل کررہے ہیں۔

کراچی : سہراب گوٹھ میں پولیس کی مبینہ سرپرستی میں کھلے عام منشیات کی خریدوفروخت کی ویڈیو سامنے آگئی۔

تفصیلات کے مطابق کراچی کے علاقے سہراب گوٹھ میں پولیس کی مبینہ سرپرستی میں منشیات فروشی کا انکشاف ہوا۔

اے آر وائی نیوز کو منشیات کی خرید و فروخت کی ویڈیو موصول ہوئی، ویڈیو میں پولیس کی موجودگی میں منشیات کی خرید وفروخت دیکھی جا سکتی ہے۔

جنت گل ٹاؤن کی کچی آبادی میں منشیات فروش فروخت کرتے دیکھا جاسکتا ہے جبکہ ویڈیو میں منشیات فروشوں سے رقم لیتے ہوئے پولیس اہلکار بھی دیکھے جاسکتے ہیں۔

مزید پڑھیں : عوام کے محافظ منشیات فروشی میں ملوث نکلے

پولیس ذرائع کا کہنا ہے کہ سہراب گوٹھ تھانےمیں تعینات اہلکارعمران منیشات فروشوں سے رقم وصولی کرتاہے۔

ذرائع نے بتایا کہ اہلکارعمران پہلے بھی منظم جرائم کی سرپرستی میں معطل ہو کربی کمپنی جا چکا ہے، عمران کھوکھر سچل بس ٹرمنل پر اسمگلنگ اور سہراب گوٹھ میں منشیات فروشی میں ملوث رہا ہے۔

کراچی: بعض اوقات اندھا دھند گاڑی بھگائے لے جانے کا انجام پریشان کن بھی نکل سکتا ہے، ایسے ہی ایک واقعے میں کراچی میں ایک ٹرک پل کے نیچے پھنس گیا۔

تفصیلات کے مطابق کراچی کے علاقے سوک سینٹر کے قریب ایک تیز رفتار ٹرک پل کے نیچے پھنس گیا، جس کے باعث ٹریفک کی روانی شدید طور پر متاثر ہو گئی۔

واقعے کی وجہ سے سوک سینٹر سے کارساز جانے والی سڑک پر شدید ٹریفک جام ہو گیا، ٹریفک پولیس ٹریفک کنٹرول کرنے میں مصروف رہی، ٹریفک پولیس کا کہنا ہے کہ کرین کی مدد سے ٹرک کو ہٹایا جائے گا۔

بلدیہ میں دکان میں ڈکیتی کی فوٹیج، شہری لٹیروں کے رحم و کرم پر

ویڈیو میں دیکھا جا سکتا ہے کہ ٹرک کے ڈرائیور نے پل کی بلندی کی اندازہ نہیں لگایا اور نیچے سے گزرنے لگا، نتیجہ یہ نکلا کہ ٹرک کی چھت پر موجود بلند جنگلا پل کی نچلی سطح کے ساتھ بری طرح پھنس کر رہ گیا۔