Author: افضل خان

کراچی (15 جولائی 2025): ہاکس بے روڈ پر افسوسناک ٹریفک حادثہ پیش آیا جس کے نتیجے میں 4 افراد جاں بحق اور 4 زخمی ہوگئے۔

پولیس حکام نے بتایا کہ ہاکس بے روڈ پر تیز رفتار کار ڈرائیور سے بے قابو ہو کر نالے کی دیوار سے جا ٹکرائی، حادثہ موڑ کاٹنے کے دوران پیش آیا۔

انہوں نے بتایا کہ کار مکمل طور پر تباہ ہوگئی، جاں بحق افراد میں خاتون اور بچی بھی شامل ہے، لاشیں اور زخمیوں کو سول اسپتال منتقل کر دیا گیا۔

یہ بھی پڑھیں: کار ساز کے قریب تیز رفتار کار کی موٹرسائیکل سے ٹکر

گزشتہ روز شارع فیصل کار ساز کے قریب تیز رفتار کار کی ٹکر کے نتیجے میں موٹرسائیکل سوار اور کار میں بیٹھے افراد زخمی ہوگئے تھے۔

پولیس نے بتایا تھا کہ حادثے میں موٹرسائیکل سوار اور کار میں بیٹھے افراد زخمی ہوئے، موٹرسائیکل سوار کو زخمی حالت میں جناح اسپتال منتقل کر دیا گیا۔

حکام کا کہنا تھا کہ کار ڈرائیور کو حراست میں لے کر تھانے منتقل کر دیا، حادثہ تیز رفتاری کے باعث پیش آیا جس میں گاڑی کا اگلہ حصہ تباہ ہوگیا۔

کراچی کے علاقے اورنگی ٹاؤن میں داماد نے فائرنگ کرکے سسر سمیت 3 افراد کو قتل کردیا۔

پولیس حکام کے مطابق اورنگی ٹاؤن مومن آباد میں جھگڑے کے دوران داماد کے ہاتھوں سسر سمیت تین افراد قتل ہوگئے، قتل میں ملوث دو ملزمان کو گرفتار کرلیا گیا، مرکزی ملزم کی تلاش جاری ہے۔

پولیس کا کہنا ہے کہ 3 افراد کے قتل کا مقدمہ مقتول غوث الدین کے بھائی کی مدعیت میں درج کیا گیا ہے۔

تفتیشی حکام کے مطابق مقتول غوث الدین کے داماد حمید، والد اور بھائی اور اس کے سالے کو مقدمے میں نامزد کیا گیا ہے۔

یہ پڑھیں: کراچی: اتحاد ٹاؤن میں سسرالیوں نے داماد کو گھر بلا کر زندہ جلا دیا

پولیس کا کہنا ہے کہ گرفتار ملزمان میں مرکزی ملزم حمید کا والد اور بھائی کا سالہ رحمت شامل ہیں، مرکزی ملزم اور بھائی کی تلاش میں چھاپے مارے جارہے ہیں۔

واضح رہے کہ گزشتہ روز کراچی کے علاقے بلدیہ اتحاد ٹاؤن میں سسرالیوں نے داماد کو گھر بلا کر زندہ جلا دیا تھا۔

تفتیشی پولیس کے مطابق مقتول آرتھر کو بیوی نے اتحاد ٹاؤن میں فون کرکے سسرال بلوایا تھا، آرتھر نے مرنے سے پہلے پولیس اور اہلخانہ کو بیان ریکارڈ کروایا۔

پولیس کا کہنا تھا کہ مقتول آرتھر کے سسرال پہنچنے پر بیوی مشی نے گیٹ بند کیا، گھر میں داخل ہوتے ہی تشدد کیا گیا۔

مقتول نے مرنے سے قبل اپنے بیان میں کہا تھا کہ ساس ثمینہ، دو لڑکے اور دیگر سسرالوں نے پیٹرول چھڑک کر آگ لگائی، شور کرنے پر پڑوسی آئے جنہوں نے اسپتال پہنچایا۔

کراچی میں متحدہ قومی موومنٹ (ایم کیو ایم) لندن کے انتہائی مطلوب ملزم محمد نورالدین عرف عرشی عرف بابا کو گرفتار کر لیا گیا۔

رینجرز اور پولیس نے کورنگی ساڑھے 5 نمبر پر انٹیلی جنس معلومات کی بنیاد مشترکہ کارروائی کی اور ملزم محمد نورالدین عرف عرشی عرف بابا کو گرفتار کیا۔

ترجمان رینجرز کے مطابق ملزم ٹارگٹ کلنگ، لینڈ گریبنگ، بھتہ خوری اور ڈکیتی میں ملوث رہا، اس سے اسلحہ اور ایمونیشن برآمد ہوا ہے۔

یہ بھی پڑھیں: ایم کیو ایم لندن کا جاوید لنگڑا نئی دہلی میں انتقال کر گیا

ملزم نے لانڈھی و کورنگی میں متعدد جرائم کا اعتراف کیا، محمد نورالدین عرف عرشی عرف بابا 2019 تک کئی قتل اور 2021 میں غیر قانونی اسلحے کے کیسز میں نامزد رہا۔

ترجمان رینجر کے مطابق ملزم متعدد بار گرفتار ہو کر جیل جا چکا ہے، اس کو پولیس کے حوالے کر دیا گیا۔

جنوری میں کراچی کے علاقے کورنگی میں اینٹی اسٹریٹ کرائم ٹاسک فورس کا ملزمان سے مقابلہ ہوا، پولیس کے مطابق فائرنگ کے تبادلے کے بعد دو ملزمان زخمی حالت میں گرفتار ہوئے۔

پولیس کا کہنا تھا کہ گرفتار ملزمان کی شناخت آصف عرف گوگا اور نواز کے ناموں سے ہوئی ہے، گرفتار زخمی ملزم آصف عرف گوگا کا تعلق ایم کیو ایم لندن سے ہے، ملزم آصف ٹارگٹ کلنگ، قتل، چوری، ڈکیتی وارداتوں میں ملوث ہے۔

پولیس حکام کے مطابق ملزم نے کورنگی صنعتی ایریا میں پولیس افسر کو قتل کرنے کی کوشش کی تھی، ملزم آصف کی فائرنگ سے پولیس افسر شدید زخمی ہوا تھا۔

حکام کا کہنا تھا کہ گرفتار ملزم کورنگی مہران ٹاؤن میں 8 رکنی ڈکیت گینگ چلا رہا تھا، ملزم اپنے گینگ کے کارندوں کو ڈکیتی وارداتوں کیلئے اسلحہ فراہم کرتا تھا۔