Author: افضل خان

کراچی: راشد منہاس روڈ پر بینک عملے سے ہیوی بائیک چھیننے کی واردات کی سی سی ٹی وی فوٹیج سامنے آگئی۔

اے ار وائی نیوز کے مطابق کراچی میں شارع فیصل پولیس ڈاکووں کے سامنے بے بس، ایک ہفتے میں درجنوں وارداتیں رپورٹ ہوئیں ہے، متاثرہ شہریوں نے پولیس پر ڈکیت گروہوں کی سرپرستی کا الزام عائد کردیا۔

تاہم یہ واقعہ راشد منہاس روڈ پر بینک عملے کے ساتھ پیش آیا، ڈکیتی مزاحمت پر ڈاکوؤں نے سیکیورٹی گارڈ کو شدید زخمی کردیا جس کی سی سی ٹی وی فوٹیج اے آر وائی نیوز نے حاصل کرلی۔

فوٹیج میں موٹر سائیکل سوار ملزمان کو شہری سے ہیوی بائیک چھینتے دیکھا جاسکتا ہے، قریبی بینک کے باہر کھڑے سیکیورٹی گارڈ نے ملزمان کو روکنےکی کوشش کی لیکن ڈاکوؤں نے ہیوی بائیک چھین کر فائرنگ کرتے ہوئے فرار ہوگئے۔

رپورٹ کے مطابق ملزمان کی فائرنگ سے 55 سالہ سیکیورٹی گارڈ اشفاق زخمی ہوا تھا۔

رپورٹ کے مطابق شارع فیصل تھانے کی حدود میں اسٹریٹ کرائمز کی وارداتوں میں مسلسل اضافہ ہورہا ہے، چند روز قبل اےآر وائی نیوز کےکارکن کو بھی ملزمان نے موبائل فون سے محروم کیا جبکہ ایک ہفتہ کے دوران درجنوں شہری موبائل فون، نقدی اور قیمتی اشیا سے محروم ہوئے۔

کراچی: ترجمان رینجرز نے ڈکیتی، اسنیچنگ، موبائل فونز کی ٹمپرنگ میں ملوث 3 ملزمان کو گرفتار کرلیا۔

تفصیلات کے مطابق ترجمان کا بتانا ہے کہ اورنگی ٹاؤن میں رینجرز اور پولیس نے مشترکہ کارروائی کے دوران ڈکیتی اور موبائل فونز کی ٹمپرنگ میں ملوث 3 ملزمان کو گرفتار  کرلیا۔

ترجمان رینجرز کے مطابق ملزمان میں محمد ایاز، عبدا لصبور عرف صبورا، احتشام عرف احسن عرف شہزور شامل ہیں، ملزمان سے چھینے گئے موبائل فونز اور موٹر سائیکل بھی برآمد ہوئے ہے۔

ترجمان رینجرز  کا کہنا ہے کہ  25 جولائی 2023 کو ملزم ایاز نے ساتھی کے ہمراہ اورنگی ٹاؤن میں موبائل چھینا تھا، دونوں ملزمان نے ملزم عبدالصبور عرف صبورا کو موبائل فروخت کیا۔

ترجمان نے مزید بتایا کہ ملزمان ڈکیتی، اسنیچنگ کی 50 سے زائد وارداتوں کا اعتراف کیا، ملزم عبدالصبور عرف صبورا کا 100 سے زائد موبائل کی ٹمپرنگ کا اعتراف کیا۔

ترجمان رینجرز نے مزید بتایا کہ ملزمان کے دیگر ساتھیوں کی گرفتاری کیلئے چھاپے جاری ہیں۔

کراچی : پولیس مقابلے میں ہلاک ہونے والے افغان ڈکیتوں کا تعلق وائٹ کرولاگینگ سےنکلا ، ملزمان کی واردات کے وقت آنےکی فوٹیج بھی سامنے آگئی ہے۔

تفصیلات کے مطابق کراچی کے علاقے نارتھ کراچی سیکٹرالیون بی میں پولیس مقابلے میں ہلاک ہونے والے افغان ڈکیتوں کا تعلق وائٹ کرولاگینگ سےنکلا۔

سینٹرل پولیس نے ملزمان کے فنگر پرنٹ سے کرائم ریکارڈ حاصل کرلیا، مارے گئے مزید ملزمان کی شناخت عبداللہ، پایندہ محمد ،عمران اور جان محمد شامل ہیں

ملزمان کی واردات کے وقت آنےکی فوٹیج بھی سامنے آگئی ہے، فوٹیج میں رات 4بجکر 12 منٹ پرسفید گاڑ ی کو سڑک پردیکھا جاسکتا ہے۔

فوٹیج میں دیکھا گیا کہ سفید کرولا میں آنے والےملزمان گھرمیں داخل ہو رہے ہیں تاہم پولیس کی جانب سے مذید شواہد اکٹھے کیے جارہے ہیں۔

یاد رہے کراچی میں پولیس نےبروقت کارروائی کرتے ہوئے نیوکراچی سیکٹر الیون بی کےایک مکان میں ڈکیتی میں مصروف پانچ ڈاکو ہلاک کردیئے تھے جبکہ ملزمان کے دو ساتھی فرار ہوگئے تھے۔

اہلخانہ کے مطابق سات ملزمان کھڑکی توڑکرگھرمیں داخل ہوئے اورگھر میں موجود افرادکویرغمال بناکرلوٹ مارکی، ملزمان کے دو ساتھی لوٹے گئے زیورات موبائل فون لیپ ٹاپ اور دیگر قیمتی اشیا لے کر فرارہوگئے۔

ہلاک ڈاکووں کے قبضے سے اسلحہ اور لوٹا ہو سامان برآمد کر لیا گیا تھا۔

کراچی : نارتھ ناظم آباد بلاک ڈی میں ڈکیتی کی واردات کے بعد بینک سے رقم لیکر نکلنے والےشہریوں سے منظم لوٹ مار کا انکشاف ہوا،گرفتارملزمہ نے بینک منیجرکےشامل ہونےکا دعویٰ کردیا۔

تفصیلات کے مطابق کراچی کے علاقے نارتھ ناظم آباد بلاک ڈی میں ڈکیتی کی ناکام واردات کا واقعہ پیش آیا، جس کے بعد بینک سے رقم لیکر نکلنے والےشہریوں سے منظم لوٹ مار کا انکشاف ہوا۔

واردات کے موقع سے گرفتار ملزمہ نے نےبینک منیجر کے شامل ہونے کا بھی دعویٰ کردیا ، گرفتار ملزمہ کا خصوصی ویڈیوبیان سامنے آگیا ہے، گرفتار ملزمہ کا نام ماریہ عمر 15 سال ہے۔

گرفتار ملزمہ نے بیان میں کہا کہ غازی گوٹھ کی رہائشی ہوں، ملزمان فرمان اوررشید گاؤں سے آئے تھے، ساتھی ملزمان نے بتایا کہ موٹر سائیکل بینک منیجر کی ہے، میں لڑکوں کے ساتھ تھی لیکن میں ان کو جانتی نہیں ہوں۔

ماریہ عمر کا کہنا تھا کہ میرے ابو جیل میں ہیں، لوٹ مارکرنے والے ملزمان فرید کالونی میں رہتےہیں۔

پولیس کا کہنا تھا کہ مبینہ کم عمرملزمہ کے بیگ سے ایک موٹر سائیکل کی نمبر پلیٹ بھی برآمد ہوئی ، مبینہ ملزمہ کے مطابق نمبرپلیٹ لوٹ مار میں استعمال ہونیوالی موٹر سائیکل کی ہے۔

کراچی: گلشن اقبال کے کوچنگ میں طالبعلم کے قتل میں مفرور 2 ملزمان کو پولیس نے گرفتار کرلیا۔

تفصلات کے مطابق انویسٹی گیشن پولیس شرقی نے کراچی کے علاقے گلشن اقبال 13 ڈی کے کوچنگ سینٹر میں طالبعلم کو قتل کرنے والے مفرور 2 ملزمان کو گرفتار کرلیا۔

حکام کا کہنا ہے کہ ملزمان نے گلشن اقبال میں کوچنگ سینٹر کے اندر طالبعلم احسان کو قتل کیا تھا، ملزمان نے واردات میں کلاشنکوف کا استعمال کیا تھا۔

کراچی : گلشن اقبال کے کوچنگ سینٹر میں طالبعلم کے قتل کا مقدمہ درج

انویسٹی گیشن حکام کا بتانا ہے کہ ملزمان واردات کے بعد پنجاب فرار ہوگئے تھے،  ملزمان میں مرکزی ملزم محمد طلحہٰ اور اس کا ساتھی لقمان شامل ہیں۔

واضح رہے کہ کراچی کے علاقے گلشن اقبال 13 ڈی کے کوچنگ سینٹر میں گیارہویں جماعت کے احسن کو ساتھی طالبعلم نے 6 جونری کو بے دردی سے قتل کردیا تھا۔

کراچی : سمن آباد میں راہ چلتی خاتون کو ہراساں کرنے کے واقعے کا مقدمہ سرکار کی مدعیت میں درج کرلیا گیا۔

تفصیلات کے مطابق کراچی کے علاقے فیڈرل بی ایریا بلاک 17 میں خاتون کو ہراساں کرنے کا مقدمہ درج کرلیا گیا۔

واقعے کا مقدمہ سمن آباد تھانے میں سرکار کی مدعیت میں درج کیا گیا، جس میں خاتون کی عفت میں خلل ڈالنے کی دفعات شامل کی گئی ہیں۔

تفتیشی حکام نے بتایا کہ متاثرہ خاتون نے تاحال پولیس سےرابطہ نہیں کیا، نادرا ریکارڈ سے ملزم کی شناخت کرنےکی کوشش کررہے ہیں۔

ملزم کی گرفتاری کیلئے علاقے کے پولیس انفارمرز کو بھی فعال کر دیا گیا ہے۔

پولیس کا کہنا ہے کہ ابھی تک خاتون نے سامنے آکر شکایت نہیں کروائی، کوئی عینی شاہد ملا اور نہ ہی ملزم کا سراغ تاہم اطراف کی سی سی ٹی وی بھی حاصل کررہے ہیں۔

یاد رہے کراچی کے سمن آباد میں سنسان گلی میں موٹرسائیکل سوار نے پردے دار خاتون سےغیراخلاقی حرکت کی ، جس پر خاتون اچانک اس واردات پر دم بخود اُسےدیکھتی رہی اور وہ جاتےجاتےاشارہ بھی کرگیا، سی سی ٹی وی فوٹیج میں اس کی حرکت اور چہرہ واضح ہے۔

واضح رہے کچھ روزقبل گلستان جوہرمیں بھی ایک شخص نےراہ چلتی لڑکی سے بےہودگی کی تھی، سی سی ٹی وی فوٹیج سے ملزم کا خاکہ بھی بنایاگیا، کچھ دن بہت شور ہوا اورپھر پولیس خاموشی سےبیٹھ گئی تھی۔

ایسے واقعات میں متاثرہ لڑکیاں اور ان کے گھر والے سامنے آنے سے کتراتےہیں اور پولیس مقدمہ درج کرلیتی ہے، جس کے بعد انفارمرز کو فعال کردیا جاتاہے، نادراریکارڈ بھی ٹٹولا جاتا ہے لیکن ملزم ہاتھ نہیں آتا۔