Author: افضل خان

کراچی : شہر قائد میں لیٹروں نے عزیز آباد میں گھر کے باہر کھڑی فیملی کو لوٹ کر باآسانی فرار ہوگئے ، ملزمان نے شناخت چھپانے کے لئے ماسک اور کیپ استعمال کی۔

تفصیلات کے مطابق کراچی میں شہری گھر کی دہلیز پر بھی محفوظ نہیں رہے، عزیز آباد بلاک 8 میں گھر کے باہر کھڑی فیملی کو لوٹ لیا گیا۔

واردات کی سی سی ٹی وی فوٹیج منظر عام پر آگئی، فوٹیج میں موٹرسائیکل سوار 2 ملزمان کو فیملی سے لوٹ مار کرتے دیکھا جاسکتا ہے۔

فوٹیج میں دیکھا گیا کہ گھر کے باہر ایک مرد اور عورت کھڑے ہوتے ہیں کہ موٹرسائیکل سوار دو ملزمان پہنچ جاتے ہیں اور اسلحہ کے زور پر موبائل فون نقدی اور دیگر سامان لوٹ کر باآسانی فرار ہوجاتے ہیں۔

واردات کل شام چار بجے پیش آئی ، اس دوران ملزمان نے شناخت چھپانے کے لئے ماسک اور کیپ استعمال کی۔

خیال رہے پاکستان کے سب سے بڑے شہر کراچی میں اسٹریٹ کرائم سب سے بڑا مسئلہ بنا ہوا ہے، ایک رپورٹ کے مطابق کہ 4 ماہ میں 9 ہزار 464 شہریوں کے موبائل فون چھینے گئے جبکہ 18 ہزار 953 شہریوں کی موٹرسائیکلیں چوری یا چھینی گئیں، مجموعی طور پر 16 ہزار سے زائد موٹرسائیکلیں چوری ہوئیں۔

سی پی ایل سی کا کہنا تھا کہ 4ماہ کےدوران شہریوں کو 754 گاڑیوں سے محروم کردیا گیا جبکہ اغوا برائے تاوان کی 2 ،بھتہ خوری کی 5 وارداتیں رپورٹ ہوئیں۔

کراچی : شہر قائد میں لٹیرے بے لگام اور شہری خوف کا شکار ہے ، رواں سال ڈکیتی مزاحمت پر 53 افراد کو قتل کردیا گیا۔

تفصیلات کے مطابق پاکستان کے سب سے بڑے شہر کراچی میں اسٹریٹ کرائم سب سے بڑا مسئلہ بنا ہوا ہے، رواں سال اب تک ڈکیتی مزاحمت پر تریپن افراد کو قتل کردیا گیا ہے۔

سپر ہائی وے احسن اباد موڑ کے قریب ڈاکووں نے لیپ ٹاپ نہ دینے پر انجینئر کو فائرنگ کرکے قتل کردیا، مقتول عبدالباسط دفتر جانے کے لئے نکلا تھا گھر سے کچھ فاصلے پر ڈاکووں کا نشانہ بنا۔

منگل کی شام بھی کورنگی نمبر 4 میں مسلح ملزمان نے 66 سالہ صفدر حیسن کو فائرنگ کرکے قتل کردیا اور موقع سے فرار ہوگئے۔

پولیس واقعے کو ڈکیتی مزاحمت کا شاخسانہ قرار دے رہی ہے، ورثاء کا کہنا ہے کہ صفدر حسین کے بیٹے اظہر حسین کو بھی ایک ہفتے قبل ٹارگٹ کلنگ کا نشانہ بنایا گیا ہے، دو ہفتے میں ایک ہی گھر سے دو لاشیں اٹھیں۔

لٹیرے اس قدر بلاخوف ہیں کہ خواتین کو بھی نہیں چھوڑتے، ان کی تلاشی تک لیتے ہیں، شہر قائد میں لوٹ مار ختم کرنے کے دعوے اور کوششیں بے سود دکھائی دے رہی ہیں، صورتحال یہ ہے کہ گھر کی دہلیز بھی محفوظ نہیں اور گھر کے سامنے شہریوں کو لوٹ لیا جاتا ہے یا قتل کردیا جاتا ہے۔

پولیس حکام کا کہنا ہے کہ حالیہ واقعات میں ملوث ملزمان کی گرفتاری کےلئے کوششیں تیز کردی ہیں۔