Author: افضل خان

کراچی : گرفتار کالعدم تنظیم کے پانچ مبینہ دہشت گردوں نے اہم حقائق سے پردہ اٹھادیا اور بتایا غیر ملکیوں اور حساس ادارے کے افسران کی ریکی کی اور کراچی سے حب کو بجلی سپلائی کرنیوالی ہائی ٹینشن لائن اڑانا چاہتے تھے۔

تفصیلات کے مطابق کراچی میں کالعدم تنظیم کے5مبینہ دہشت گردوں کی گرفتاری کے معاملے پر دوران تفتیش گرفتار مبینہ دہشتگردوں نے اہم حقائق سے پردہ اٹھادیا۔

ذرائع نے بتایا کہ گرفتار دہشت گردوں نے لسانی بنیاد پر مکلی ٹھٹھہ میں تاجرپرقاتلانہ حملےاعتراف کیا ، ملزمان کی واردات کی ویڈیوز بھی حاصل کرلی گئیں ہیں۔

ذرائع کا کہنا تھا کہ گروہ کو معشوق کمرانی اوراصغرشاہ بیرون ملک سے فنڈنگ کرتےہیں جبکہ ملزموں نے غیرملکیوں ،حساس ادارے کے افسران کی ریکی کرنے کا بھی اعتراف کیا۔

تفتیشی ذرائع نے بتایا کہ دہشت گرد کراچی سے حب کو بجلی سپلائی کرنیوالی ہائی ٹینشن لائن اڑانا چاہتے تھے، جس کی تصاویرسامنےآگئیں ہیں ، تصاویرمیں ہائی ٹینشن پول کےاطراف نصب بارودی موادواضح دیکھاجاسکتاہے۔

ذرائع کے مطابق سی ٹی ڈی نے گزشتہ دنوں 3 دہشت گردوں کو مواچھ گوٹھ اور 2 کو ایمپریس مارکیٹ سے گرفتار کیا تھا۔

کراچی میں روزانہ متعدد چوری کی وارداتیں ہوتی رہتی ہیں تاہم چوری کی ہوئی ہے ایسی انوکھی واردات جس میں چور نے اپنایا نیا انداز جس کی ویڈیو اے آر وائی نیوز نے حاصل کرلی۔

چوری کی یہ واردات شہر قائد کے مصروف علاقے عزیز آباد میں ہوئی ہے اور یہ واردات رات گئے انجام پائی ہے تاہم رات کی تاریکی میں کی گئی یہ چوری کیمرے کی آنکھ سے نہ بچ سکی اور سی سی ٹی وی فوٹیج اے آر وائی نیوز نے حاصل کرلی۔

ویڈیو میں دیکھا جا سکتا ہے کہ سڑک پر ایک موٹر سائیکل لاوارت حالت میں کھڑی ہے اور ایسا محسوس ہوتا ہے کہ شاید یہ موٹر سائیکل چلتے چلتے خراب ہوگئی اور اس کا مالک مکینک ڈھونڈنے گیا ہے۔

اسی اثنا میں کیمرے میں ایک رکشا نمودار ہوتا ہے جس کا ڈرائیور کھڑی موٹر سائیکل دیکھ کر رکشا روک لیتا ہے۔ پہلے وہ سڑک کے اطراف دیکھتا ہے کہ کوئی اسے دیکھ تو نہیں رہا پھر اس کے بعد اپنے رکشے کو کچھ آگے لے جا کر تاریکی میں کھڑا کر دیتا ہے۔

رکشا ڈرائیور واپس آتا ہے اور موٹر سائیکل کو گھسیٹ کر رکشے کے پاس لے جاتا ہے اور پھر اسے رکشے میں ڈال کر رفوچکر ہوجاتا ہے۔