Author: افضل خان

کراچی: شہر قائد کی پولیس کے بلند و بانگ دعوے دھرے کے دھرے رہ گئے، 2019 میں متعارف کروائی جانے والی پولیس ہیلپ ایپ غیر فعال ہو گئی۔

تفصیلات کے مطابق عوام کو شکایات کے اندراج کے لیے فراہم کی جانے والی کراچی پولیس ہیلپ ایپ ایک سال ہی میں غیر فعال ہو گئی ہے، ایپ گوگل پلے اسٹور سے بھی غائب ہوگئی۔

’پولیس فار یو‘ کے نام سے یہ ایپ دو ہزار انیسں میں اس وقت کے ایڈیشنل آئی جی کراچی امیر شیخ نے متعارف کروائی تھی، کلفٹن سلیم واحدی ہال میں اس ایپلی کیشن کا افتتاح امیر شیخ نے کیا تھا۔

ایپ کا مقصد کسی بھی واردات کا فوری اندارج تھا، ایپلی کیشن نہ چلنے کی صورت میں شکایت درج کروانے کے لیے واٹس ایپ نمبر بھی دیا گیا تھا، تاہم ایپ کے ساتھ ساتھ یہ نمبر بھی فعال نہیں رہا ہے۔

بتایا گیا تھا کہ اس ایپ کی مدد سے کراچی میں دنیا بھر کے قونصل خانے بھی چند منٹ میں پولیس سے مدد حاصل کر سکیں گے، اور شہر ی بھی گھر بیٹھے چند سیکنڈ میں کسی بھی قسم کی واردات کی ابتدائی رپورٹ درج کرا سکیں گے۔

اس موبائل فون ایپ کو کراچی کے شہریوں کے لیے نئے سال کا تحفہ بھی قرار دیا گیا تھا۔

کراچی: شہر قائد میں ڈکیتی کی وارداتیں بڑھنے لگیں، پی آئی بی کالونی میں ایک موبائل شاپ پر کچرا چننے والے لڑکوں نے واردات کر کے لاکھوں مالیت کے موبائل فونز لوٹ لیے۔

اے آر وائی نیوز کے مطابق گزشتہ روز پی آئی بی تھانے کی حدود میں صبح 5 بج کر 13 منٹ پر نقب زنی کی واردات کی گئی، جس میں 3 کچرا چننے والے لڑکوں نے دکان کا صفایا کر دیا۔

یہ واردات پی آئی بی 8 نمبر بس اسٹاپ کے قریب واقع موبائل کی دکان میں کی گئی، سی سی ٹی وی کیمرے نے یہ واردات ریکارڈ کر ڈالی، فوٹیج میں دکان میں اندر جاتے ہوئے 3 ملزمان کو دیکھا جا سکتا ہے۔

پولیس کا کہنا ہے کہ کچرا چننے والے لڑکوں نے دکان کے تالے توڑے، اور موبائل کی دکان سے 3 لاکھ روپے مالیت کے موبائل فونز اور دیگر سامان لے کر فرار ہوگئے، فوٹیج میں دیکھا جا سکتا ہے کہ ڈکیت لڑکوں نے دکان کے سامنے کھڑے رکشے کا بھی سہارا لیا۔

اے آر وائی نیوز کے مطابق علاقہ پولیس ملزمان کو گرفتار کرنے میں ناکام رہی ہے، پی آئی بی پولیس کی جانب سے کہا گیا ہے کہ جلد سی سی ٹی فوٹیج میں نظر آنے والے ملزمان کو گرفتار کر لیا جائے گا۔

کراچی: شہر قائد کے علاقے مبینہ ٹاؤن کی پولیس نے ایک اہم کارروائی میں گینگ وار دہشت گرد کو گرفتار کر لیا، پولیس کا کہنا ہے کہ دہشت گرد پہلے منشیات فروشی کا نیٹ ورک چلا رہا تھا، جیل سے رہا ہونے کے بعد دہشت گردی شروع کر دی۔

اے آر وائی نیوز کے مطابق مبینہ ٹاؤن کی پولیس نے ایک ملزم علی عرف بمبار کو گرفتار کر لیا ہے، پولیس کا کہنا ہے کہ علی بمبار دہشت گردانہ کارروائیوں میں ملوث ہے، ملزم کا تعلق گولیمار گینگ وار جمیل چھانگا اور آغا ذکری گروپ سے ہے۔

پولیس حکام کے مطابق علی بمبار اس سے قبل مراد نامی شخص کے قتل میں جیل کاٹ چکا ہے، وہ پراناگولیمار میں منشیات اور آئس کے منظم نیٹ ورک کا سربراہ تھا، ملزم رواں برس جیل سے ضمانت پر رہا ہوا، جس کے بعد وہ دہشت گردانہ کارروائیوں میں مصروف ہوگیا۔

کراچی : ڈیفنس میں بلیک کرولا میں سوار تالا توڑ گروپ خوف کی علامت بن گیا

پولیس کا کہنا ہے کہ ملزم منگھوپیر اور گلبہار میں دستی بم حملوں میں ملوث ہے، جس سے دستی بم، مسروقہ موٹر سائیکل اور اسلحہ برآمد ہوا ہے۔ گرفتار ملزم کا بھائی بھی سی ٹی ڈی کے ہاتھوں گرفتار ہو چکا ہے۔