Author: علیم ملک

وفاقی حکومت نے نیشنل سائبر کرائم انویسٹی گیشن ایجنسی کے اختیارات میں توسیع کردی۔

سائبر کرائم انویسٹی گیشن ایجنسی کو اینٹی منی لانڈرنگ کے اختیارات بھی مل گئے، این سی سی آئی اے کو تحقیقاتی و پراسیکیوٹنگ ایجنسی قرار دے دیا گیا ہے۔

اینٹی منی لانڈرنگ ایکٹ 2010 کے شیڈول ون میں مزید ترمیم کرکے شق 15 شامل کردی گئی ہے جس میں مختلف جرائم سے متعلقہ شقیں شامل ہیں۔

یہ پڑھیں: سوشل میڈیا پر جرائم، ایف آئی اے سائبر کرائم کو کارروائی کا اختیارمل گیا

سائبر ٹیرارزم، الیکٹرانک فراڈ، شناختی معلومات کا غیر قانونی استعمال کی شقیں شامل ہیں۔ سم کارڈز کا غیرقانونی اجرا، چائلڈ پورنوگرافی سے متعلق شقیں ایکٹ میں شامل ہیں۔

بچوں کی ہراسکگی کو کمرشلائز کرنا، انفارمیشن سسٹم کو بچوں کے اغوا میں استعمال کی شق شامل ہیں، جھوٹی اور فیک معلومات پر سزا کی شق بھی شامل کردی گئی ہے۔

وزیراعظم شہبازشریف نے تجارتی تنازعات کے حل کے کمیشن میں تعیناتیوں کی منظوری دے دی۔

پانچ افسران کی کنٹریکٹ پر ایم پی ون سکیل میں تعیناتی کی گئی ہے جب کہ پانچ افسران کی تین سال کے لئے کنٹریکٹ پر تعیناتی کی گئی ہے۔

عمرداد آفریدی، جاوید اقبال خان، محمد حمود الروف کی ٹی ڈی آر او میں محمد روف خان رفعت انعام بٹ کی کمیشن میں تعیناتی کی منظوری دی گئی۔

وزیراعظم کی منظوری کے بعد اسٹیبلشمنٹ ڈویژن نے نوٹیفکیشن جاری کردیا

 پولیس سروس کے محمد فخر سلطان کی خدمات وزارت مواصلات کے سپرد کی گئی ہے۔ فخر سلطان کو نیشنل ہائی وے اینڈ موٹروے پولیس میں تعینات کیا جائے گا۔

سیکرٹری اطلاعات عنبرین جان کے ایم ڈی پی ٹی وی کے اضافی چارج میں توسیع کردی گئی۔ ایم ڈی پی ٹی وی کے اضافی چارج میں 22 اکتوبر تک توسیع کی منظوری دی۔

چیف سائنٹیفک آفیسر ڈاکٹر مرتضی حسن کو چئیرمین پی اے آر سی کا اضافی چارج تفویض کیا گیا ہے۔ ڈپٹی سیکرٹری موسمیاتی تبدیلی راشد جاوید رانا کی خدمات ایف بی آر کو واپس بھیج دی گئی ہیں۔

اسٹیبلشمنٹ ڈویژن کی جانب سے تقررو تبادلوں کے نوٹیفکیشن جاری کر دیا ہے۔

بجلی کمپنیاں وفاقی حکومت سے اپنی ہی مختص کردہ رقم وصول کرنے میں ناکام ہو گئیں۔

دستاویز کے مطابق ڈسکوز کا سبسڈی کی رقم کی عدم وصولی سے سرکلر ڈیٹ میں اضافہ ہوا، ڈسکوز نے ٹیرف ڈفرنشل سبسڈی،زرعی سبسڈی، صنعتی سبسڈی کی رقم وصول ہی نہیں کی۔

 کمپنیوں نے گزشتہ دو مالی سالوں کی 189 ارب روپے سے زائد کی رقم وصول ہی نہیں کی جب کہ حیسکو نے 17 ارب 58 کروڑ، آئیسکو نے 50 ارب 14 کروڑ روپے کی سسبڈی وصول نہیں کی۔

 لیسکو نے 22 ارب 81 کروڑاور کیسکو نے 88 ارب 57 کروڑ روپے وصول ہی نہیں کئے۔ سیپکو نے اپنے حصے کی 9 ارب 95 کروڑ روپے وصول ہی نہیں کئے۔

لیسکو نے جواب دیا ہے کہ 22 ارب 81 کروڑ روپے کی سبسڈی ایڈجسٹ کرلی ہے۔

سیپکو کا موقف ہے کہ سبسڈی کی رقم وصول کرنے کے لیے کوششیں کررہے ہیں۔ کیسکو نے جواب دیا کہ رقم کی وصولی کے معاملے کو بلوچستان کے ہر فورم پراٹھا چکے ہیں۔

آئیسکو حکام کے مطابق مناسب وقت میں سبسڈی کی رقم وصول کرلیں گے۔ حیسکو کا کہنا ہے کہ واجبات کی وصولی کے لیے وزارت توانائی سے رابطے میں ہے۔