Author: علیم ملک

اسلام آباد : بجلی کمپنیوں کی نااہلی سے 16 ماہ میں سرکلر ڈیٹ 638 ارب روپے بڑھا جبکہ جولائی تا اکتوبر 2023 سرکلر ڈیٹ میں 396 ارب روپے اضافہ ہوا۔

تفصیلات کے مطابق بجلی کمپنیوں کی نااہلی سے پاورسیکٹر کے سرکلر ڈیٹ میں بڑا اضافہ ریکارڈ کیا گیا، ذرائع نے بتایا کہ بجلی کمپنیوں کے نقصانات اور کم ریکوریز سے 16 ماہ میں سرکلر ڈیٹ 638 ارب روپے بڑھا۔

ذرائع کا کہنا ہے کہ مالی سال 22-2023 میں نقصانات اور ریکوریز سے سرکلر ڈیٹ میں396ارب روپے اضافہ ہوا، جولائی تا اکتوبر 2023 میں بجلی کمپنیوں کی نااہلی سے سرکلر ڈیٹ 242 ارب روپے بڑھا۔

ذرائع نے کہا کہ مالی سال2022-23میں سرکلرڈیٹ میں بجلی کمپنیزکے نقصانات کاحصہ160ارب رہا جبکہ اسی دوران سرکلر ڈیٹ میں بجلی کمپنیوں کی ریکوریز کم ہونے کا حصہ 236ارب روپے رہا۔

ذرائع کے مطابق جولائی تااکتوبر2023بجلی کمپنیوں کےنقصانات کاسرکلر ڈیٹ میں حصہ77ارب روپے رہا، اسی دوران ریکوریز کم رہنے سےسرکلر ڈیٹ میں 165 ارب روپے اضافہ ہوا۔

اسلام آباد : پٹرول پر پی ایس او ایکسچینج ایڈجسٹمنٹ میں اضافے کے باعث شہری پٹرول پر10 روپے70 پیسے فی لیٹرکے ریلیف سے محروم ہوگئے۔

تفصیلات کے مطابق ڈالر کی ایڈجسٹمنٹ کے باعث عوام کو پیٹرولیم مصنوعات کی قیمتوں میں ریلیف نہ مل سکا، ذرائع نے بتایا کہ شہری پٹرول پر 10روپے70 پیسے فی لیٹر اور ہائی اسپیڈڈیزل پر فی لیٹر 20 پیسے کے ریلیف سے محروم ہوئے۔

ذرائع کا کہنا تھا کہ فی لیٹرپٹرول پرایکسچینج ایڈجسٹمنٹ میں 14روپے17 پیسےکااضافہ کیا گیا اور فی لیٹر پیٹرول پر پی ایس او ایکسچینج ایڈجسٹمنٹ3  روپے21 پیسے عائد کردی۔

ذرائع نے کہا ہے کہ اس سے قبل پٹرول پر پی ایس اوایکسچینج ایڈجسٹمنٹ 10.96روپےمنفی تھی۔

ذرائع نے مزید بتایا فی لیٹرڈیزل پر پی ایس او ایکسچینج ایڈجسٹمنٹ میں45 پیسے کا اضافہ کیا ہے اور پی ایس او ایکسچینج ایڈجسٹمنٹ بڑھا کر 2.67روپےکردی گئی ہے ، اس سےقبل فی لیٹرڈیزل پرپی ایس اوایکسچینج ایڈجسٹمنٹ2.22  روپےتھی۔

اسلام آباد: آئل اینڈ گیس ریگولیٹری اتھارٹی (اوگرا) نے ایل پی جی کی قیمت میں اضافہ کردیا۔

اوگرا نے دسمبر کے لیے ایل پی جی کی قیمت کا نوٹیفکیشن جاری کردیا ہے جس کے مطابق ایل پی جی 3 روپے 82 پیسے فی کلو مہنگی کردی جس کے بعد گھریلو سلنڈر 45 روپے 18 پیسے مہنگا ہوگیا ہے۔

ایل پی جی کے گھریلو سلنڈر کی قیمت 3 ہزار 7 روپے 35 پیسے مقرر کی گئی ہے۔

اوگرا کا کہنا ہے کہ ڈالر کی قدر میں 1.87 فیصد اضافے کے باعث ایل پی جی مہنگی ہوئی ہے۔

واضح رہے کہ نومبر میں ایل پی جی سلنڈر کی قیمت 2 ہزار 962 روپے 17 پیسے مقرر تھی۔

علاوہ ازیں اوگرا نے پیٹرولیم مصنوعات کی قیمتوں کے حوالے سے سمری تیار کرلی، جس کے تحت قیمتوں میں کمی کا امکان ہے۔

عالمی منڈیوں میں خام تیل قیمتوں میں اضافہ دیکھا جا رہا ہے، ڈالر کے مقابلے میں روپے کی بہتر قدر کی وجہ سے مارکیٹ ذرائع پیٹرولیم مصنوعات کی قیمتوں میں معمولی کمی کا امکان ظاہر کر رہے ہیں۔

وفاقی حکومت آج رات پیٹرولیم کی قیمتوں میں ردوبدل کا اعلان کرے گی، قیمتوں کا اطلاق یکم دسمبر 2023 سے ہوگا۔