Author: علیم ملک

مہنگائی کے مارے عوام پر ایک بار پھر بجلی گرا دی گئی نیپرا نے بجلی 34 پیسے فی یونٹ مہنگی کردی یہ اضافہ مارچ کے ماہانہ فیول ایڈجسٹمنٹ کی مد میں کیا گیا ہے۔

اے آر وائی نیوز کے مطابق نیشنل الیکٹرک پاور ریگولیٹری اتھارٹی (نیپرا) نے ملک بھر کے صارفین پر بجلی گرا دی اور بجلی فی یونٹ 34 پیسے مہنگی کردی۔ یہ اضافہ مارچ کے ماہانہ فیول ایڈجسٹمنٹ کی مد میں کیا گیا ہے اس سے بجلی کے صارفین پر دو ارب 90 کروڑ روپے کا اضافی بوجھ پڑے گا۔

اس اضافے کا اطلاق لائف لائن اور کے الیکٹرک صارفین پر نہیں ہوگا اور بجلی صارفین کو یہ ادائیگی مئی کے بلوں میں کرنا ہوگی۔

پی ٹی آئی چیئرمین عمران خان 8 مختلف مقدمات میں ضمانت کے لیے اسلام آباد ہائیکورٹ پہنچے ہیں تاہم ان کی گاڑی کو عدالت کے مرکزی دروازے کے باہر روک لیا گیا ہے۔

اے آر وائی نیوز کے مطابق پاکستان تحریک انصاف کے چیئرمین اور سابق وزیراعظم عمران خان 8 مختلف مقدمات میں ضمانت کے لیے اسلام آباد ہائیکورٹ پہنچے ہیں تاہم ان کی گاڑی کو احاطہ عدالت میں داخل نہیں ہونے دیا گیا اور گاڑی کو عدالت کے مرکزی دروازے کے باہر روک لیا گیا ہے۔

سابق وزیراعظم کی گاڑی کو پولیس نے روکا ہے اور اس کا موقف ہے کہ عدالت نے گاڑی کے داخلے سے متعلق آگاہ نہیں کیا ہے ہائیکورٹ سے گاڑی کے داخلے کی اجازت ملے گی تب ہی اندر جانے دیں گے۔

اس موقع پر پولیس افسران اور بھاری نفری کے علاوہ قانون نافذ کرنے والے دیگر اداروں کے اہلکار بھی موجود ہیں جب کہ عمران خان کی گاڑی کے ہمراہ ان کا ذاتی سیکیورٹی اسکواڈ اور پی ٹی آئی رہنما بھی موجود ہیں۔

ملک میں جاری ڈیجیٹل مردم شماری کے لیے فیلڈ آپریشن کل سے دوبارہ شروع ہوگا عیدالفطر کی تعطیلات کے باعث کام 5 دن کے لیے روک دیا گیا تھا۔

اے آر وائی نیوز کے مطابق ملک میں جاری ڈیجیٹل مردم شماری کے لیے فیلڈ آپریشن جو عیدالفطر کی تعطیلات کے باعث 5 دن کے لیے روک دیا گیا تھا کل سے دوبارہ شروع ہوگا۔

ادارہ شماریات کا کہنا ہے کہ مردم شماری 30 اپریل تک مکمل ہونے کا امکان ہے اور اب تک 23 کروڑ 53 لاکھ 88 ہزار افراد کا شمار کیا جا چکا ہے۔

ادارہ شماریات کے مطابق وفاقی دارالحکومت اسلام آباد، جڑواں شہر راولپنڈی ملک کے 19 اضلاع میں مردم شماری کا کام تاحل مکمل نہیں ہوسکا ہے۔ کراچی، حیدرآباد اور کوئٹہ میں بھی مردم شماری کا کام باقی ہے۔

واضح رہے کہ اب تک کراچی اور حیدرآباد میں ہونے والی مردم شماری پر متحدہ قومی موومنٹ پاکستان اور جماعت اسلامی کی جانب سے شدید تحفظات کا اظہار کیا گیا ہے۔

حکومت مردم شماری بروقت مکمل کرنے میں ناکام ہوگئی۔

ترجمان ادارہ شماریات کے مطابق ڈیجیٹل مردم شماری کے تحت 97 فیصد سے زائد کام مکمل کرلیا گیا۔ پنجاب میں مردم شماری کا 99 فیصد سندھ میں 98 فیصد کام مکمل کرلیا گیا ہے۔

ترجمان کے مطابق بلوچستان میں 82 فیصد، کشمیر اور خیبرپختونخوا میں سو فیصد کام مکمل کر لیا گیا۔ اسلام آباد میں مردم شماری کا 90 فیصد کام مکمل کیا گیا ہے۔

ترجمان کا کہنا ہے کہ نامکمل 156 میں سے 131 اضلاع میں مردم شماری کا کام مکمل کرلیا گیا ہے۔

مردم شماری کی حتمی تاریخ میں تیسری مرتبہ توسیع کی گئی ہے. مردم شماری کی تاریخ میں 20 اپریل رکھی گئی ہے۔