Author: علیم ملک

ملکی تاریخ میں پہلی بار آٹے کا 20 کلو کا تھیلا 3100 روپے تک پہنچ گیا ہے اور کراچی کے شہری سب سے مہنگا 155 روپے کلو آٹا خریدنے پر مجبور ہیں۔

اے آر وائی نیوز کے مطابق ادارہ شماریات نے آٹے کی قیمتوں کے اعداد وشمار جاری کردیے ہیں جس کے مطابق ملک کی تاریخ میں آٹا کی قیمت ریکارڈ بلندی پر پہنچ گئی ہے اور 20 کلو آٹے کا تھیلا 3100 روپے میں فروخت ہو رہا ہے۔ شہر قائد کے باسی سب سے مہنگا آٹا خریدنے پر مجبور ہیں اور وہ ایک کلو آٹا 155 روپے میں خرید رہے ہیں۔

ادارہ شماریات کے مطابق ایک ہفتےمیں کراچی میں آٹے کا 20 کلو کا تھیلا 200 روپے مزید مہنگا ہوا۔ ملتان میں بھی ایک ہفتے میں 20 کلو آٹے کی تھیلے میں 200 روپے اضافہ ہوا اور قیمت 2600 تک پہنچ گئی۔ اسی مدت کے دوران پشاور میں 100 روپے اضافے سے 2750 اور حیدرآباد میں 80 روپے اضافے سے 20 کلو آٹا 2800 روپے میں فروخت ہو رہا ہے۔

حالیہ ہفتے کوئٹہ میں آٹے کا 20 کلو کا تھیلا 30 روپے تک مہنگا ہوا اور وہاں کے شہری 2780 روپے میں خرید رہے ہیں۔ خضدار میں 20 کلو آٹا 2850 روپے تک دستیاب ہے۔ لاڑکانہ میں 2640، سکھر میں 2600 جب کہ بنوں میں 2550 میں دستیاب ہے۔

ملک میں سب سے سستا آٹا اب بھی صوبہ پنجاب میں دستیاب ہے جہاں اسلام آباد، راولپنڈی، سیالکوٹ، فیصل آباد، سرگودھا، بہاولپور میں شہری 20 کلو آٹے کے لیے 1295 روپے ادا کر رہے ہیں جب کہ گوجرانوالہ میں آٹے کا20 کلو کا تھیلا 2533 میں دستیاب ہے۔

اسلام آباد: عمران خان کے خلاف کیسز سے متعلق وفاقی حکومت نے پاکستان تحریک انصاف کا مطالبہ مان لیا ہے۔

تفصیلات کے مطابق پاکستان تحریک انصاف کی جانب سے وفاقی حکومت سے کہا گیا تھا کہ توشہ خانہ کیس کی سماعت جوڈیشل کمپلیکس جی الیون میں منتقل کردیں، جسے وفاقی حکومت نے منظور کرلیا ہے۔

ایڈیشنل کمشنر کی جانب سے باقاعدہ نوٹی فیکیشن جاری کردیا گیا ہے جس کے مطابق توشہ خانہ کیس کی سماعت جوڈیشل کمپلیکس جی الیون میں ہوگی۔

یہ بھی پڑھیں: کیپٹن صفدر کے بیانات پر مریم نواز کا دوٹوک جواب

واضح رہے کہ پی ٹی آئی نے سیکیورٹی خدشات کے تحت ایف ایٹ عدالتوں کی سماعت جوڈیشل کمپلیکس منتقل کرنےکا مطالبہ کیا تھا۔

نوٹی فیکیشن جاری ہونے کے بعد جوڈیشل کمپلیکس کے کورٹ نمبرایک میں توشہ خانہ کیس کی سماعت ہوگی۔

سیکیورٹی پلان مرتب

دوسری جانب توشہ خانہ کیس میں عمران خان کی پیشی کےموقع پر سیکیورٹی پلان مرتب کرلیا گیا ہے پانچ ہزار پولیس اہلکارسیکیورٹی کےفرائض سرانجام دیں گے، اس کے علاوہ پنجاب پولیس بھی جوڈیشل کمپلیکس میں تعینات رہے گی۔

توشہ خانہ کیس کی سماعت کے موقع پر کسی غیرمتعلقہ شخص کی جوڈیشل کمپلیکس میں داخلے پرپابندی عائد ہوگی،صرف پاسزرکھنےوالےافراد کو داخلہ ہوسکے گا۔

سماعت کے موقع پر جوڈیشل کمپلیکس کے دونوں اطراف کی سٹرکوں کوبھی بند کردیا جائے گا۔