Author: علی حسن

 آسٹریلوی کرکٹ ٹیم کے ٹیسٹ بیٹر عثمان خواجہ نے پاکستان کرکٹ ٹیم کے سابق کپتان بابر اعظم اور ٹی ٹوئنٹی کے کپتان شاہین شاہ آفریدی کی بیٹنگ اور بولنگ سے متعلق اپنی رائے کا اظہار کیا ہے۔

پاکستان کے خلاف ٹیسٹ سیریز سے قبل پاکستانی نژاد آسٹریلوی کرکٹ ٹیم کے ٹیسٹ بیٹر عثمان خواجہ نے لاہور ٹیسٹ میں شاہین آفریدی اور ڈیوڈ وارنر کے آخری ٹاکرے کو اسپرٹ آف کرکٹ کی بہترین مثال قرار دیا ہے۔

عثمان خواجہ نے کہا کہ دونوں کھلاڑیوں نے میدان میں بھرپور مقابلہ کیا، ایک چرف شاہین آفریدی نے تیز باولنگ کی تو دوسری طرف ڈیوڈ وارنر نے شاندار بیٹنگ کی، ڈیوڈ وارنر کو آؤٹ کر کے شاہین نے مسکرا کر ہاتھ ملایا۔

Babar Azam is the best Batsman of the World in All 3 Formats, Usman Khawaja#Pakistan #BabarAzam #PAKvsAUS pic.twitter.com/8Xi3v8xtnQ

— Ali Hasan 🏅 (@AaliHasan10) November 30, 2023

 عثمان خواجہ کا کہنا تھا کہ پاکستان اور آسٹریلیا کی گزشتہ ٹیسٹ سیریز ہر اعتبار سے شاندار تھی، اس مرتبہ بھی پاکستان کی مضبوط بیٹنگ لائن اپ آسٹریلیا آرہی ہے۔

آسٹریلوی بیٹر کا کہنا تھا کہ شاہین آفریدی کے پاس رفتار اور سوئنگ کے لیے بہترین کلائی ہے، ان کی بولنگ کی رفتار 150 اور کبھی تو 160 تک ہوتی ہے، بطور اوپنر شاہین آفریدی کا سامنا کرنا آسان نہیں ہوگا۔

پاکستان بمقابلہ آسٹریلیا ٹیسٹ سیریز، قومی ٹیم سڈنی روانہ ہوگئی

 عثمان خواجہ نے بابر اعظم سے متعلق کہا کہ اسکیپر کا شمار دنیا کے بہترین بیٹرز میں ہوتا ہے، عبداللہ شفیق اور امام الحق بھی بہترین بیٹرز ہیں لیکن بابر اور اسمتھ کا موازنہ ایسے ہی جیسے کوہلی اور اسمتھ کا موازنہ کیا جاتا ہے۔

واضح رہے کہ پاکستان اور آسٹریلیا کے درمیان تین ٹیسٹ میچوں کی سیریز کا پہلا ٹیسٹ 14 دسمبر سے شروع ہو گا جس کے لیے پاکستانی ٹیم براستہ دبئی آسٹریلیا کے لیے روانہ ہو گئی ہے۔

قومی ٹیم کی قیادت شان مسعود کر رہے ہیں جبکہ ٹیم میں بابر اعظم، سرفراز احمد، محمد رضوان، شاہین شاہ آفریدی، نعمان علی، صائم ایوب، امام الحق، ابرار احمد کے علاوہ دیگر کھلاڑی بھی شامل ہیں۔

آسٹریلوی اسپنر  ٹوڈ مرفی نے کہا ہے کہ بابراعظم کے خلاف باولنگ کرنے کے لیے پرجوش ہوں۔

پرائم منسٹر الیون کے اسپنر ٹوڈ مرفی نے پاکستان کے دورہ آسٹریلیا سے پہلے جاری بیان میں کہا ہے کہ بابراعظم کا شمار دنیا کے بہترین بیٹرز میں ہوتا ہے ان کے خلاف باولنگ کرنے کے لیے پرجوش ہوں۔

آسٹریلوی اسپنر کا کہنا تھا کہ پاکستان کے بہترین باولرز اور بیٹرز آسٹریلیا آرہے ہیں، سابق کپتان رکی پونٹنگ کے بیان سے میں اتفاق نہیں کرتا، کوئی بھی ٹیم اپنا کمزور باولنگ اٹیک آسٹریلیا نہیں بھیجتی ہے۔

ان کا کہنا تھا کہ پاکستان کی باولنگ لائن اپ میں نوجوان فاسٹ اور اسپن باولرز ہیں، پاکستان کے خلاف کھیلنا ایک چیلنج سے کم نہیں ہوگا، اس سیریز میں نیتھن لائن سے بہت کچھ سیکھنے کا موقع ملے گا۔

واضح رہے کہ پاکستان اور پرائم منسٹر الیون کے مابین میچ 6 دسمبر سے کینبرا میں کھیلا جائے گا۔

کراچی:  پاکستان کرکٹ بورڈ (پی سی بی) نے بیٹر اعظم خان پر عائد کردہ جرمانے کا جائزہ لینے کے بعد اسے ختم کردیا ہے۔

کراچی وائٹس کے کھلاڑی اعظم خان پر نیشنل ٹی ٹوئنٹی کپ میں لاہور بلوز کے خلاف نیشنل بینک اسٹیڈیم میں ہونے والے میچ کے دوران  پی سی بی کے ضابطہ اخلاق کی خلاف ورزی پر 50 فیصد میچ فیس کا جرمانہ میچ آفیشلز نے عائد کیا تھا۔

اعظم خان نے پی سی بی کے ضابطہ اخلاق کے آرٹیکل 2.4 کی خلاف ورزی کی تھی اورایک امپائر کی ہدایت کے باوجود وہ اس ضابطہ اخلاق کی پابندی کرنے میں ناکام رہے تھے۔

واضح رہے کہ کھلاڑی اور ٹیم آفیشلز کو اس بات کی  اجازت نہیں ہے کہ وہ کوئی ایسی چیز پہنیں اور دکھائیں یا اپنے ذاتی پیغامات اپنے سازوسامان کے ذریعے پیش کریں ۔ اس کے لیے پلیئر یا ٹیم آفیشلز ایسوسی ایشن اور پی سی بی کرکٹ آپریشنز ڈپارٹمنٹ کی پیشگی منظوری ضروری ہے۔

یاد رہے کہ یشنل ٹی20 کپ کے دوران کراچی وائٹس کی نمائندگی کرتے ہوئے اعظم خان فلسطین کا لوگو اپنے بلے پر لگایا اور مظلوم فلسطینیوں کی حمایت کی تھی جس پر پی سی بی جرمانہ عائد کیا تھا۔

بورڈ کی جانب سے کرکٹر پر جرمانہ ہونے کے بعد سماجی رابطے کی سائٹ ٹوئٹر (ایکس) پر فینز نے پاکستان کرکٹ بورڈ کو آڑے ہاتھوں لینا شروع کردیا تھا۔

پاکستان کرکٹ بورڈ کو مداحوں نے تنقید کا نشانہ بناتے ہوئے اعظم خان پر جرمانے کی شدید مذمت کی تھی جبکہ صارفین نے ذکا اشرف کی برطرفی کا بھی مطالبہ کیا ہے۔