Author: علی حسن

نیشنل ٹی 20 کپ کے کراچی میں آغاز سے قبل رینجنل ٹیموں کو مشکلات درپیش ہے۔

تفصیلات کے مطابق نیشنل ٹی ٹوئنٹی کپ کیلئے اٹھارہ ٹیموں نے کراچی میں پڑاو ڈال دیا ہے لیکن ایونٹ کے آغاز سے قبل ریجنل ٹیموں کو مشکلات کا سامنا کرنا پڑ رہا ہے۔

رینجنل پلئیر کا کہنا ہے کہ کم گراونڈز کی وجہ سے ٹریننگ پلانز متاثر ہونے لگے، ریجنز کی اکثر ٹیموں  کو رات دیر تک علم نہیں ہوتا اگلے دن پریکٹس ہے یا نہیں۔

کھلاڑی نے بتایا کہ جب سے کراچی آئے ہیں پریکٹس کا وقت تبدیل ہوتا رہتا ہے،  گراونڈز پر اسپائک شوز پہنے سے گراونڈ  انتظامیہ روک رہی ہے، جواز پوچھنے پر کہا جاتا ہے ایک دن کی ٹریننگ کیلئِے پچز خراب نہیں کراسکتے۔

دوسری جانب گراؤنڈ انتظامیہ کا کہنا ہے کہ پچ اس کنڈیشن کی نہیں کہ اسپائیک شوز کی اجازت دے سکیں، کھلاڑیوں کو انجری سے بچانے کیلئے فیلڈنگ ڈرلز کو ترجیح دی ہے۔

ٹیم آفیشلز کا کہنا ہے کہ انجری کے خطرات کے باوجود  کھلاڑی رسک لینے پر مجبور ہیں، واضح رہے کہ نیشنل ٹی ٹوئنٹی 24 دسمبر سے  کراچی میں شیڈول ہے۔

قومی جونیئر ہاکی ٹیم ہیڈکوچ کے بغیر ملائیشیا روانہ ہوگئی، حنیف خان نے سلیکشن معاملات پر احتجاج کرتے ہوئے ٹیم کے ساتھ جانے سے انکار کردیا۔

تفصیلات کے مطابق سلطان آف جوہر کپ ہاکی ٹورنامنٹ میں قومی جونیئر ہاکی ٹیم ہیڈکوچ کے بغیر ہی ملائیشیا روانہ ہوگئی، ہیڈ کوچ اولمپیئن حنیف خان نے پاکستان جونیئر ٹیم کیساتھ ملائیشیا جانے سے انکار کردیا۔

قومی جونیئر ہاکی ٹیم ہیڈکوچ نے کہا کہ پی ایچ ایف کے صدر کی ہدایت پر ٹیم اور مینجمنٹ کا انتخاب میں نے کیا، ٹیم کا اعلان کیا گیا تو 20 کی جگہ 21 کھلاڑی شامل تھے، متبادل کھلاڑیوں کو شامل کرنے کے لئے مجھ سے مشاورت تک نہیں کی گئی۔

انہوں نے کہا کہ پہلی بار قومی ٹیم میں تین گول کیپر شامل کئے گئے، پوچھنے پر کسی نے کوئی وضاحت نہیں دی، ہیڈ کوچ کی حیثیت سے ٹیم کی کارکردگی کی ذمہ داری مجھ پر عائد ہوتی ہے اور میں ایسی صورت میں ٹیم کے ساتھ ملائیشیا نہیں جاسکتا۔

واضح رہے کہ جوہر بارو ہاکی کپ 27 اکتوبر سے 4 نومبر تک ملائیشیا میں کھیلا جارہا ہے، جس کے لیے حنان شاہد کو کپتان مقرر کیا گیا ہے۔

آسٹریلیا ویمنز بگ بیش لیگ کے اس سیزن میں  پاکستانی نژاد امپائرز خدمات انجام دینگے۔

تفصیلاے کے مطابق تین پاکستانی نژاد آسٹریلوی امپائرز ویمنز بگ بیش لیگ میں امپائرنگ کریں گے، پاکستانی نژاد آسٹریلوی امپائرز احمد خان، سید ہمایوں اور محمد قریشی لیگ میں شامل ہیں۔

تینوں امپائرز مین بگ بیش لیگ میں فورتھ امپائر کی حیثیت سے بھی فرائض انجام دیں گے، اس کے علاوہ یہ تینوں امپائرز ویمنز نیشنل کرکٹ لیگ، ٹویوٹا سیکنڈ الیون اور انڈر ایج نیشنل چیمپئنز لیگ میں بھی امپائرنگ کریں گے۔

اسلام آباد: ’’ناروے کپ‘‘ کیلئے پاکستان اسٹریٹ چائلڈ فٹبال کے اسکواڈ کا اعلان کردیا گیا۔

 ناروے کپ میں فارورڈز کھیلنے کیلئے طفیل شنواری، فیصل، شامیر علی اور سعود، مڈ فیلڈرز کے لیئے عبدالوھاب، محمد علی، علی آصف، احمد رضا جبکہ ڈیفینڈرز کیلئے محمد عدیل، عابد علی، عبید اللہ، اسد ناصر شامل ہیں۔

گول کیپر عبداللہ اور ساحل گل  بھی ناروے کپ کیلئے اسکواڈ کا حصہ ہیں، پاکستان اسٹریٹ چائلڈ فٹبال ٹیم  27 جولائی کو ناروے کیلئے روانہ ہورہی ہے۔

قومی ٹیم اپنا پہلا میچ 30 جولائی کو ناروے کے کلب فریگ اوسلو  کے خلاف کھیلے گی۔

قومی ٹیم کی کپتانی طفیل شنواری کریں گے جنہیں قطر ورلڈ کپ میں سب سے زیادہ گول کرنے کا اعزاز حاصل ہے۔

واضح رہے کہ 30 ممالک سے اسٹریٹ چائلڈ ٹیمیں ایونٹ میں حصہ لیں گی، ناروے کپ 29 جولائی سے اوسلو میں شروع ہوگا۔

یاد رہے کہ قومی ٹیم نے ناروےکپ 2015 میں دوسری اور 2016 میں تیسری پوزیشن حاصل کی تھی۔