اے آر وائی نیوز کی خبر کام کر گئی پاکستانی ایتھیلیٹ صاحب عصرہ کو امپورٹڈ اسپائیکس جوتے مل گئے جس کے بعد وہ ایشین گیمز کی تیاری کر سکیں گی۔
اے آر وائی نیوز نے گزشتہ دنوں یہ خبر دی تھی کہ پاکستانی ایتھلیٹ صاحب عصرہ کو برطانیہ سے تحفتاً اسپائکس جوتے بھیجے تھے جن کی مالیت 55 ہزار روپے تھی تاہم اس کی قیمت سے زیادہ 68 ہزار اس پر ٹیکس لگا دیا گیا تھا۔
صاحب عصرہ جس نے ایشین گیمز کی تیاری کرنی تھی اتنا بھاری ٹیکس عائد ہونے پر اس کی پریشانی بڑھ گئی اس موقع پر اے آر وائی نیوز خاتون ایتھلیٹ کی زبان بنا اور خبر نشر کی جس نے حکام بالا کی توجہ اس جانب مبذول کرائی۔
خاتون ایتھلیٹ کا کہنا ہے کہ اس خبر کے بعد چیف کلیٹر سندھ کسٹمز نے مجھے سے رابطہ کیا اور پنجاب کے چیف کلیکٹر کسٹمز سے مسئلہ حل کرنے پر تبادلہ خیال کیا۔
صاحب اسرا نے بتایا کہ اس کے بعد گزشتہ شب انہیں بغیر ٹیکس ادا کیے اسپائیکس جوتے مل گئے۔
جتنے کے جوتے نہیں اس سے زیادہ ٹیکس! پاکستانی ایتھلیٹ مشکل میں پڑ گئیں
پاکستانی اسپرنٹر اسپائکس جوتے ملنے پر بہت خوش ہیں اور ان کا کہنا ہے کہ اب وہ ایشین گیمز کی بھرپور تیاری کر سکیں گی۔
سربراہ پاک فضائیہ کی حمزہ خان کو عالمی جونیئر اسکواش چیمپئن شپ جیتنے پر مبارکباد
اسلام آباد: سربراہ پاک فضائیہ ایئر چیف مارشل ظہیر احمد بابر سدھو نے حمزہ خان کو آسٹریلیا کے شہر میلبورن میں منعقدہ ورلڈ جونیئر اسکواش چیمپئن شپ، 2023 جیتنے پر مبارکباد دی۔
اسکواش کے نوجوان کھلاڑی حمزہ خان نے آسٹریلیا کے ساحلی علاقے میلبورن میں کھیلے گئے فائنل میچ میں مصر کے محمد زکریا کو 3-1 کے اسکور سے شکست دے کر ٹائٹل اپنے نام کیا۔
ائیر چیف نے 37 برس بعد ٹائٹل پاکستان واپس لانے پر نوجوان چیمپئن کو مبارکباد دی، ان کا مزید کہنا تھا کہ اس فتح نے 1986ء میں جان شیر خان کی ورلڈ اسکواش چیمپئن شپ میں فتح کی یاد تازہ کر دی۔
ایئر چیف مارشل ظہیر احمد نے اس جیت کو اسکواش کے کھیل میں پاکستان کی ایک شاندار واپسی قرار دیا کہا کہ پوری قوم کو اس باصلاحیت کھلاڑی کی شاندار کارکردگی پر فخر ہے جس نے اسکواش کے کھیل میں سبز ہلالی پرچم سربلند کیا۔
سربراہ پاک فضائیہ، ائیر چیف مارشل ظہیر احمد بابر سدھو نے بطور صدر پاکستان اسکواش فیڈریشن یہ کہا کہ پاک فضائیہ نے ہمیشہ ملک میں اسکواش کے فروغ کے لیے بھرپور کردار ادا کیا ہے۔
حمزہ خان نے 37 سال بعد اسکواش میں پاکستان کا نام بلند کر دیا
انہوں نے اس عزم کا بھی اعادہ کیا کہ پاک فضائیہ، پی ایس ایف کے شانہ بشانہ قوم کے لیئے ایسی مزید فتوحات کا سلسلہ جاری رکھتے ہوئے اس مقصد کے لیئے بہترین صلاحیتوں کے حامل نوجوان کھلاڑیوں کی معاونت جاری رکھے گی۔
ائیر چیف نے کہا کہ پاکستان اسکواش فیڈریشن کے سینئر نائب صدر ائیر وائس مارشل کاظم حماد اور کنٹیجینٹ مینیجر ائیر کموڈور (ریٹائرڈ) آفتاب صادق قریشی کی جانب سے کی گئی بھرپور کاوشوں اور کھلاڑیوں کو معیاری تربیت کی فراہمی کے ساتھ ساتھ اسکواش کے کھیل میں باصلاحیت نوجوانوں کی معاونت کے انکے غیر متزلزل عزم کو سراہا۔
ائیر چیف نے نوجوان کھلاڑیوں کو بین الاقوامی معیار کی تربیت اور کوچنگ کی سہولیات فراہم کرنے پر کوچنگ سٹاف کی محنت کی تعریف کی۔
انہوں نے اسکواش کے کھیل میں پاکستان کی کھوئی ہوئی ساکھ بہال کرنے کے لیے پی ایس ایف انتظامیہ کی جانب سے کی گئی بھرپور کوششوں کی بھی تعریف کی۔
جتنے کے جوتے نہیں اس سے زیادہ ٹیکس! پاکستانی ایتھلیٹ مشکل میں پڑ گئیں
برطانیہ سے اسپورٹس جوتے پاکستان پہنچتے ہی مزید مہنگے ہوگئے، صاحب عصرہ کے اسپائکس کی قیمت پچپن ہزار روپے جب کہ ٹیکس اڑسٹھ ہزار روپے عائد کر دیا گیا۔
اے آر وائی نیوز کے مطابق برطانیہ سے تحفتاً بھیجے جانے والے ایتھلیٹکس اسپائکس پاکستان پہنچتے ہی مزید مہنگے ہوگئے، اسپائکس جوتے کی قیمت پچپن ہزار روپے ہے جبکہ اس پر اڑسٹھ ہزار روپے کا ٹیکس عائد کردیا گیا ہے۔
پاکستانی ایتھلیٹ صاحب عصرہ کی مشکلات اس وقت بڑھ گئیں جب نجی کوریئر کمپنی نے بھاری ٹیکس کی ادائیگی کا مطالبہ کردیا۔
اس حوالے سے گفتگو کرتے ہوئے صاحب عصرہ نے بتایا کہ برطانیہ سے ایک جاننے والے نے تحفتاً جوتے بھیجےہیں، بھاری ٹیکس کی ادائیگی کرنا ممکن نہیں۔
صاحب عصرہ نے کہا کہ ایشین گیمز کی تیاریاں شروع کرنی ہیں جس میں اب مسئلہ ہوگا، سو میٹر سمیت ریلے ریس کی بھی تیاری کرنی ہے۔
واضح رہے کہ صاحب عصرہ ساوتھ ایشین گیمز 2019 کی سلور میڈلسٹ ہیں، خاتون ایتھلیٹ ملکی سطح پر بھی کافی میڈلز جیت چکی ہیں، کوئٹہ میں ہونے والے نیشل گیمز میں انھوں نے 3 گولڈ میڈلز جیتے ہیں۔
مصباح الحق کا ورلڈکپ کیلیے ٹیم کو اہم مشورہ
پاکستان کے سابق کپتان مصباح الحق نے مشورہ دیا ہے کہ پاکستان ٹیم بھارت جاتی ہےتوصرف کرکٹ پر فوکس کرے۔
میڈیا سے گفتگو میں مصباح الحق نے کہا کہ بھارت میں ہم بہت کرکٹ کھیل چکےہیں پاکستان ٹیم بھارت کی کنڈیشن میں اچھا کھیل سکتی ہے میچز کےحساب سے پلیئنگ الیون منتخب کرنا ہوگی۔
انہوں نے کہا کہ سیاست اور کھیل کو الگ رکھنا چاہیے بدقسمتی سے پاک بھارت تنازعہ میں کھیل کا کوئی نہیں سوچتا ہے دونوں ممالک کے شائقین کرکٹ چاہتے ہیں ایشیا کپ کیلئے بھارت کو بھی پاکستان آکر کھیلنا چاہیے۔
دورہ سری لنکا سے متعلق ان کا کہنا تھا کہ پاکستان کے پاس اچھا موقع ہے کہ ٹیسٹ سیریز میں پرفارم کرے ماضی میں پاکستان کی اچھی پرفارمنس نہیں رہی، سری لنکا میں ہم نے پہلے سیریز برابر کی اگر ہمارے اسپنرز اچھا پرفارم کریں گے تو ہم جیت سکتے ہیں۔
پی سی بی میں ذمہ داری ملنے سے متعلق انہوں نے واضح کیا کہ مجھ سے پی سی بی مینجمنٹ میں شامل ہونے سے متعلق رابطہ نہیں ہوا، چیٸرمین کی تبدیلی پر پہلے بھی کہا کہ با بار تبدیلی سے بے یقینی کی صورتحال پیدا ہوتی ہے تبدیلی سے کھلاڑیوں کی پرفارمنس متاثر ہوتی ہے یہ بار بار تبدیلی کا مسٸلہ ختم ہونا چاہیے۔
پاکستان ہاکی کا سنہرا دور جلد لوٹے گا: سیکریٹری جنرل پی ایچ ایف
کراچی: پاکستان ہاکی فیڈریشن کے سیکریٹری جنرل حیدر حسین نے کہا ہے کہ پاکستان ہاکی کا سنہرا دور جلد لوٹے گا، پاکستان ہاکی کو اولمپکس اور ورلڈ کپ کے میدان میں کھڑا کرنے کے لیے پُرعزم ہوں۔
تفصیلات کے مطابق پاکستان ہاکی فیڈریشن کے سیکریٹری جنرل حیدر حسین نے گورنر سندھ کامران ٹیسوری کے ساتھ کراچی میں ملاقات کی ہے، گورنر سندھ کی جانب سے سیکریٹری پی ایچ ایف حیدر حسین کو قومی کھیل میں خدمات پر تعریفی سند دی گئی۔
گورنر سندھ کامران ٹیسوری نے کہا کہ اولمپک کوالیفائر ایونٹ کی میزبانی پاکستان کے لیے اعزاز ہے، پی ایچ ایف کوشش کرے کہ اس ایونٹ کے ایک دو میچز کراچی میں کرائے جائیں، حیدر حسین نے کراچی میں گراس روٹ لیول پر مثالی کام کیا ہے۔
انھوں نے امید ظاہر کی کہ حیدر حسین پاکستان ہاکی کا کھویا ہوا مقام واپس لانے کی پوری کوشش کریں گے، گورنر سندھ نے حیدر حسین کو انٹرنیشنل ایونٹ کے سلسلے میں مکمل تعاون کی یقین دہانی بھی کرائی۔
پی ایچ ایف سیکریٹری جنرل حیدر حسین نے کہا کہ پاکستان ہاکی کا سنہرا دور جلد لوٹے گا، میں پاکستان ہاکی کو اولمپکس اور ورلڈ کپ کے میدان میں کھڑا کرنے کے لیے پُرعزم ہوں، اور ہم مل کر قومی کھیل کی بحالی میں اپنا کردار ادا کریں گے۔
قومی ٹیم کے کھلاڑیوں کا ’سیناریو بیس‘ پریکٹس میچ جاری
کراچی: دورہ سری لنکا کے لیے پاکستان کرکٹ ٹیم کا کراچی کے ہائی پرفارمنس سینٹر کے تربیتی کیمپ میں ’سیناریو بیس‘ پریکٹس میچ جاری ہے۔
اے آر وائی نیوز کے مطابق دورہ سری لنکا کے سلسلے میں پاکستان کرکٹ ٹیم کے تربیتی کیمپ کے دوسرے روز کھلاڑی سیناریو بیس پریکٹس میچ کھیل رہے ہیں۔
سیناریو بیس پریکٹس میچ میں ایک ٹیم کے کپتان بابر اعظم اور دوسری ٹیم کو امام الحق لیڈکر رہے ہیں، گراؤنڈ میں کھلاڑیوں کی نیٹ پریکٹس بھی جاری ہے۔
پاکستان کے دورہ سری لنکا کے حوالے سے اہم خبر آگئی
تربیتی کیمپ میں قومی ٹیم کے کپتان بابر اعظم، محمد رضوان، سرفراز احمد اور نسیم شاہ سمیت دیگر کھلاڑی کیمپ میں شریک ہیں اس کے علاوہ شان مسعود نے کیمپ جوائن کرلیا جبکہ حسن علی کل کیمپ جوائن کریں گے۔
واضح رہے کہ پاکستان کرکٹ ٹیم کا تربیتی کیمپ جمعہ تک جاری رہے گا، قومی کرکٹ ٹیم ہفتے کی رات کو دورہ سری لنکا کے لیے روانہ ہو گی۔
ثمینہ بیگ، نائلہ کیانی کے عزم کے آگے نانگا پربت بھی نہ ٹھہر سکا!
چلاس: پاکستان کی خاتون کوہ پیماؤں ثمینہ بیگ، نائلہ کیانی نے نانگا پربت کو سر کرلیا، دس پاکستانیوں سمیت دس دیگر غیرملکی کوہ پیمائوں نے قاتل پہاڑ کی عرفیت سے مشہور نانگا پربت کو سر کیا۔
اے آر وائی نیوز کے مطابق دس پاکستانیوں سمیت چالیس سے زائد غیرملکی کوہ پیماؤں نے نانگا پربت کو سر کرنے کی مہم میں حصہ لیا، ثمینہ بیگ، نائلہ کیانی، واجد اللہ نگری کے علاوہ رضوان داد، عید محمد، احمد بیگ، وقار علی، سعید کریم، لیاقت کریم، سوزین اور شاہ دولت بھی اپنی مہم میں کامیاب رہے، الپائن کلپ آف پاکستان کے مطابق آج صبح 11 بجے تمام کوہ پیماؤں نے نانگاپربت کو سر کیا۔
مشہور خاتون کو پیماہ ثمینہ بیگ آج صبح 11 بجکر 8 منٹ پر وہ نانگا پربت پہاڑ کی بلندی پر پہنچیں، ثمینہ بیگ اس سے قبل کےٹو اور ماؤنٹ ایوریسٹ سر کر چکی ہیں، ثمینہ بیگ کو 8 ہزار میٹر بلند پہاڑ سر کرنے والی پہلی پاکستانی خاتون کوہ پیماہ ہونے کا اعزاز حاصل ہے۔
اس کے علاوہ نائلہ کیانی نے بھی نانگا پربت کی چوٹی پر کامیابی سے پہنچ کر ناقابل یقین کارنامہ سر انجام دیا، نائلہ دنیا کی سات بلند ترین چوٹیوں کو سر کرنے والی پاکستانی خاتون بھی ہیں۔
نوجوان کوہ پیما واجد اللہ نگری نے دنیا کی نویں بلند چوٹی نانگا پربت پر قومی پرچم لہرایا، واجد اللہ نگری نے دیامر بیال سیکشن سے اپنی مہم جوئی کا آغاز کیا تھا۔ واجد اللہ نگری نے یہ کارنامہ اپنی پہلی کوشش میں ہی سرانجام دے کر ملک و قوم کا نام روشن کیا، اس پہلے واجد اللہ نگری راکا پوشی، گولڈن پیک اور کے ٹو سمیت دیگر پہاڑوں کو کامیابی سے سر کرچکے ہیں۔
واضح رہے کہ چند دن قبل پاکستانی کوہ پیما ساجد سد پارہ نے پاکستان کی دوسری بلند ترین چوٹی نانگا پربت کو بغیر آکسیجن سر کر کے تاریخی کارنامہ سر انجام دیا تھا۔
اسنوکر چیمپئن کی وطن واپسی، ایئرپورٹ پر کوئی استقبال کے لیے نہیں آیا
کراچی: اسنوکر ایشین انڈر 21 ٹائٹل جیتنے کے بعد چیمپئن احسن رمضان کراچی پہنچ گئے، انہوں نے فائنل میں ایرانی حریف کو ہرایا ہے۔
تفصیلات کے مطابق احسن رمضان نے پہلی مرتبہ ایشین چیمپئن شپ میں شرکت کی جہاں پاکستان کیوئسٹ کا فائنل میں ایرانی حریف سے مقابلہ ہوا، احسن رمضان نے ایرانی حریف کو شکست دیتے ہوئے ایشین انڈر 21 ٹائٹل اپنے نام کرلیا۔
احسن رمضان سابق ورلڈ چیمپئن بھی رہ چکے ہیں، وطن واپسی پر احسن رمضان کا استقبال کرنے کوئی ائیرپورٹ نہیں آیا، احسن رمضان گلے میں میڈل اور ہاتھ میں ٹرافی تھامے ائیرپورٹ سے باہر آئے جبکہ اب کے ہمراہ پاکستان کے دوسرے کیوئسٹ حارث طاہر بھی وطچ واپس آگئے ہیں۔
ایشین چیمپئن شپ میں ریفری کے فرائص سر انجام دینے والے ندیو کپاڈیہ بھی ان کے ساتھ موجود تھے، نوید کپاڈیہ پاکستان بلئرڈ اینڈ اسنوکر ایسوسی ایشن کے ترجمان بھی ہیں۔
احسن رمضان نے وطن واپسی ک بعد اے آر وائی ست گفتگو کرتے ہوئے کہا کہ انسان کو محنت کا صلہ ملتا ہے، پاکستان کی واحد ٹیم ہے جو کوچ کے بغیر میڈلز جیتی ہے، میں ورلڈ کپ کا فائنل بھی کھیل چکا ہوں اسی لیے پریشر میں کھیلنا آتا ہے۔
چیمپئن احسن رمضان نے کہا کہ افسوس اس بات کا نہیں کہ کوئی استقبال کیلئے نہیں آیا، میرے ہاتھ میں ٹرافی اور گلے میں گولڈ میڈل ہے، میں اس اعزاز کیساتھ خوش ہوں۔
انہوں نے کہا کہ گورنمنٹ سے کوئی امیدیں وابستہ نہیں ہیں، یہی کہنا چاہوں گا کہ حکومت کو اللہ ہدایت دے، ہم بھی چاہتے ہیں کہ بین الاقوامی کوچ ہمارے ساتھ ہوں، اگر یہ نہیں کرسکتے تو ہمیں باہر ٹریننگ کیلئے بھیجا جائے۔
فی الحال پروفیشنل سرکٹ میں جانے کا کوئی ارادہ نہیں، پاکستان کیلئے مزید میڈلز جیتنا اصل مقصد ہے، اگر پروفیشنل کا موقع ملا تو اس میں بھی گولڈ میڈل ضرور جیتوں گا۔
اب تک کتنے پاکستانی عازمین حج سعودی عرب پہنچ گئے؟
اسلام آباد: ترجمان وزارت مذہبی امور کا کہنا ہے کہ اب تک 46 ہزار سے زائد پاکستانی عازمین حج سعودی عرب پہنچ چکے ہیں، مکہ اور مدینہ منورہ میں 272 ڈاکٹرز اور طبی عملہ 24 گھنٹے علاج کی سہولیات فراہم کر رہا ہے۔
تفصیلات کے مطابق ترجمان وزارت مذہبی امور کا کہنا ہے کہ اب تک 46 ہزار سے زائد پاکستانی عازمین حج سعودی عرب پہنچ چکے ہیں۔
ترجمان کا کہنا ہے کہ مکہ مکرمہ میں پاکستانی عازمین کی تعداد 30 ہزار اور مدینہ منورہ میں 16 ہزار ہے۔
ترجمان کے مطابق پاکستان سے مدینہ منورہ کے لیے پروازوں کا سلسلہ ختم ہوچکا ہے، اب سے 21 جون تک تمام سرکاری حج پروازیں جدہ میں اتریں گی۔
حج سے قبل 42 ہزار سے زائد عازمین کرام کو مدینہ منورہ کی زیارت مکمل کروائی جائے گی، پرائیوٹ حج اسکیم کی جانب سے بھی عازمین کی آمد شروع ہوچکی ہے اور اب تک 3 ہزار سے زائد عازمین مکہ مکرمہ پہنچ گئے ہیں۔
ترجمان کے مطابق 35 حج گروپ آرگنائزرز کی مانیٹرنگ مکمل کر لی گئی ہے، نجی حج اسکیم کی 2 شکایات کا ازالہ کیا گیا، شعبہ گمشدگی و بازیابی نے راستہ بھولنے والے 18 عازمین حج کو ان کی رہائش گاہوں تک پہنچایا۔
ترجمان کا مزید کہنا ہے کہ حج میڈیکل مشن کے تحت مکہ اور مدینہ میں 2 اسپتال اور 12 ڈسپنسریوں کے ذریعے طبی سہولیات کی فراہمی جاری ہے، مکہ اور مدینہ منورہ میں 272 ڈاکٹرز اور طبی عملہ 24 گھنٹے علاج کی سہولیات فراہم کر رہا ہے۔
پاکستانی عازمین کرام کا پہلا گروپ مدینہ منورہ سے مکہ پہنچ گیا
773 مکہ مکرمہ: پاکستانی عازمین کرام کا پہلا گروپ مدینہ منورہ سے مکہ پہنچ گیا مکہ میں ڈی جی حج مشن عبدالوہاب سومرو نے عازمین کا استقبال کیا۔
اے آر وائی نیوز کے مطابق عازمین کو مکہ آمد پر روایتی انداز میں کجھور، قہوہ اور جوس پیش کیا گیا ڈی جی حج عبدالوہاب سومرو نے کہا عازمین حج اللّٰہ کے مہمان ہیں انکی دل و جان سے خدمت کریں گے۔
انہوں نے بتایا کہ مکہ میں عازمین حج کے طویل قیام کے دوران تمام سہولیات فراہم کرینگے، اللہ کے مہمانوں کیئے عزیزیہ میں رہائشوں کا انتظام کیا ہے، عازمین حج کو مدینہ منورہ میں 3 سے پانچ اسٹار کی رہائش فراہم کر رہے ہیں جبکہ مکہ مکرمہ میں عزیزیہ اور بطحا قریش نامی علاقوں میں رہائشی عمارات کا بندوبست کیا گیا ہے۔
ڈائریکٹر حج مکہ فہیم آفریدی نے کہا کہ پاکستانی عازمین کیلئے عزیزیہ سے حرم تک خصوصی بس سروس فراہم کی ہے، تمام پاکستانی عازمین حج کیلئے کھانے کا بہترین انتظام کیا گیا ہے۔
فہیم آفریدی نے بتایا کہ مکہ میں بھی ناشتے سمیت 3 وقت کا کھانا فراہم کر رہے ہیں، عازمین حج کی صحت کا مکمل خیال رکھا جائے گا، عازمین کی مکمل غذائی ضروریات کو پورا کرنے کیلئے دوپہر کو فروٹ اور رات کو میٹھا بھی کھانے کے ساتھ دیا جا رہا ہے۔
انہوں نے مزید کہا کہ مدینہ منورہ پہنچنے والے تمام عازمین حج 8 دن قیام کے بعد مکہ مکرمہ پہنچیں گے، براستہ جدہ، مکہ مکرمہ کی پروازیں 4 جون سے شروع ہونگی، ان عازمین کو حج کے بعد مدینہ روانہ کیا جائے گا۔