Author: علی حسن

پاکستان کرکٹ بورڈ کی مینجمنٹ کمیٹی کے سربراہ نجم سیٹھی نے کہا ہے کہ پاکستان ٹیم کا ورلڈ کپ کیلیے بھارت جانا حکومتی اجازت سے مشروط ہے۔

چیئرمین پی سی بی عبوری کمیٹی نجم سیٹھی نے میڈیا سے غیر رسمی گفتگو کرتے ہوئے کہا کہ ورلڈ کپ میں قومی ٹیم کو  بھارت جانا چاہیے یا نہیں یہ حکومت کا فیصلہ ہوتا ہے اگر حکومت کہے گی بھارت جائیں تو ہماری ٹیم جائیگی۔

نجم سیٹھی نے کہا کہ میرے آنے سے قبل نیشنل اسٹیڈیم کا نام تبدیلی کا فیصلہ ہوا تھا، ماضی میں قذافی اسٹیڈیم کا نام بدلنے کیلئے کہا گیا تھا پرانی سڑکیں اور بلڈنگ کے پرانے نام بدلنے نہیں چاہیئے۔

نجم سیٹھی کا کہنا تھا کہ یہ بھی تجویز آئی کہ قذافی اسٹیڈیم کا نام ایدھی اسٹیڈیم رکھنا چاہیے، لیکن میرے خیال سے نیشنل اسٹیڈیم کا نام بدلنا نہیں چاہیئے۔

پاکستان کرکٹ بورڈ کی مینجمنٹ کمیٹی کے سربراہ نے کہا کہ پی سی بی کی موجودہ کمیٹی کے پاس فل پاور ہے، مکی آرتھر کو میں لایا تھا اور ایک ٹیم بنائی تھی، مکی آرتھر کے دور میں ٹیم کی کارکردگی اچھی تھی،۔

انکا مزید کہنا تھا کہ ہم چیمپئنز ٹرافی بھی مکی آرتھر کے دور میں جیتے تھے، بابر اعظم کو پہچان دینے والا بھی مکی آرتھر ہے، مکی آرتھر پاکستان ٹیم کواچھا سمجھتا ہے۔

کراچی: پاکستان اور نیوزی لینڈ ٹیسٹ سیریز کی ٹیمیں پریکٹس کیلئے اسٹیڈیم پہنچ گئیں ہیں۔

تفصیلات کے مطابق کراچی میں موجود قومی ٹیم کے کچھ کھلاڑی اور نیوزی لینڈ کی ٹیم اسٹیڈیم پریکٹس پہنچ گئی ہے، کپتان بابراعظم پریکٹس  کیلئے آج لاہور سےکراچی پہنچیں گے۔

دونوں ٹیمیں 3 گھنٹے طویل سیشن میں حصہ لیں گی، ساجد خان بطور نیٹ بولر قومی ٹیم کے ہمراہ ٹریننگ کریں گے۔

یاد رہے کہ ٹیسٹ سیریز کی ٹرافی کی تقریب رونمائی اتوار کو ہوگی، پاکستان اور نیوزی لینڈ کے درمیان پہلا ٹیسٹ 26 دسمبر کو کراچی نیشنل اسٹیڈیم میں ہوگا اور دوسرا ٹیسٹ 3 جنوری کو ملتان میں شیڈول ہے تاہم اسے بھی کراچی منتقل کرنے پر غور کیا جارہا ہے۔

پاکستان اور کیوی ٹیم کے درمیان 10،12،14 جنوری کو ون ڈے میچز کھیلےجائیں گے۔