Author: علی حسن

پاکستان کرکٹ بورڈ نے اعلان کیا ہے کہ سندھ اسکولز کرکٹ لیگ کا آغاز فروری میں ہوگا۔ لیگ ‏کے پہلے مرحلے میں کُل 239 میچز کھیلے جائیں گے جو صوبے کے 30 مختلف اضلاع میں منعقد ‏ہوں گے۔ جہاں 240 ٹیموں کے مجموعی طور پر 3850 کھلاڑی شرکت کریں گے۔

پہلے مرحلے کے اختتام پر لیگ کی 30 بہتریں ٹیموں کے مابین 24 میچز کھیلے جائیں گے۔ جہاں ‏ٹاپ کرنے والی چھ ٹیمیں سندھ چیمپئن شپ میں شرکت کریں گی۔

اس سلسلے میں پاکستان کرکٹ بورڈ کو سندھ حکومت کا مکمل تعاون حاصل ہوگا۔

یہ فیصلہ گزشتہ ہفتے کراچی میں منعقدہ اجلاس میں کیا گیا ، جہاں پاکستان کرکٹ بورڈ اور سندھ ‏حکومت کے نمائندگان نے شرکت کی تھی۔اجلاس میں ڈائریکٹر نیشنل ہائی پرفارمنس ندیم خان، ‏جنرل منیجر ڈومیسٹک جنید ضیاء،، چیئرمین سندھ کرکٹ ایسوسی ایشن عمران حسین اور چیف ‏سیکرٹری سندھ سید ممتاز علی شاہ سمیت دیگر احکام نے شرکت کی۔

چیف سیکرٹری سندھ کے مطابق سندھ اسکولز کرکٹ لیگ پر مجموعی طور پر 27 ملین روپے خرچ ‏ہوں گے۔ یہ تمام اخراجات سندھ حکومت برداشت کرے گی۔

اجلاس میں یہ بھی فیصلہ کیا گیا ہے کہ دونوں شراکت دار سندھ کے 17 مختلف کرکٹ گراؤنڈز کی ‏مشترکہ دیکھ بھال کریں گے۔ اس ضمن میں 57 ملین روپے پی سی بی اور 91 ملین روپے سندھ ‏حکومت خرچ کرے گی۔یہ گراؤنڈز کراچی، حیدر آباد، بدین، جامشورو، لاڑکانہ، میرپورخاص، ‏سانگھڑ، شہید محترمہ بے نظیرآباد اور شکار پور میں ہیں۔ان گراؤنڈز میں یہ رقم نیٹس، ہائی برڈ ‏پچز، پچ رولر اور ڈریسنگ روم کی مد میں خرچ کی جائے گی۔

کراچی: قومی ٹیسٹ کرکٹ ٹیم کے بلے باز کے دل کا آپریشن کرنے والے ڈاکٹر نے عابد علی کی گراؤنڈ واپسی سے متعلق اہم بیان جاری کردیا۔

اے آر وائی نیوز کے مطابق کراچی کے نجی اسپتال میں عابد علی کے دل میں دو اسٹنٹ ڈال دیے گئے ہیں، جس کے بعد انہیں ڈاکٹرز نے گراؤنڈ سے دور رہنے اور آرام کرنے کی ہدایت کی ہے۔

اب عابد علی کے طبیب ڈاکٹر حمید اللہ نے عابد علی کی صحت سے متعلق بریفنگ دی اور بتایا کہ عابد علی کو شروع میں مستقل آرام کرنا ہوگا، تین سے چھ ماہ بعد اُن کے دوبارہ ٹیسٹ کیے جائیں گے۔

ڈاکٹر حمید کا کہنا تھا کہ ٹیسٹ کی رپورٹ کے بعد ہی مستقبل میں کرکٹ کھیلنے یا نہ کھیلنے کے حوالے سے کچھ معلوم ہوسکے گا۔

مزید پڑھیں: عابد علی کے دل میں دوسرا اسٹنٹ ڈال دیا گیا

یہ بھی پڑھیں: عابد علی کے کیرئیر سے متعلق پی سی بی کا اہم فیصلہ

اسے بھی پڑھیں: عابد علی کی دل کی 2 رگیں بند ہونے کا انکشاف، ایسی حالت میں کرکٹ کھیلنا ‘معجزہ’ قرار

یاد رہے کہ ایک روز قبل قائد اعظم ٹرافی میچ کےدوران عابد علی کو دل میں تکلیف کے باعث اسپتال منتقل کیا گیا، جہاں داکٹرز نے اُن کے ٹیسٹ کیے تو دو رگیں بند ہونے کا انکشاف ہوا۔

ڈاکٹرز نے اس تمام صورت حال کے بعد فوری آپریشن کرنے کا اعلان کیا اور کل ایک جبکہ آج آپریشن کر کے دونوں بند رگوں کی جگہ اسٹنٹ لگا دیے۔ ماہرین نے دو رگیں بند ہونے کے باوجود تندرست رہنے اور مستقل کرکٹ کھیلنے کو معجزہ بھی قرار دیا تھا۔

پی سی بی کا کہنا ہے کہ عابد علی کے دل میں گزشتہ روز بھی اسٹنٹ ڈالا گیا تھا، ان کی حالت ‏تسلی بخش ہے اور وہ تیزی سے صحت یاب ہورہے ہیں۔ ڈاکٹرز کا کہنا تھا کہ عابد علی 2 ماہ ‏مکمل آرام کا مشورہ دیا ہے، اور دو ماہ بعد وہ معمول کی کرکٹ کھیل سکتے ہیں۔

پاکستان کرکٹ بورڈ کے چیف آپریٹنگ آفیسر سلمان نصیر نے کہا ہے کہ بائیو سیکیور ماحول کی ‏کوئی خلاف ورزی نہیں کی گئی کھلاڑیوں کو دبئی میں کویڈ19 وائرس لگا کچھ کھلاڑی مختلف لیگز ‏کھیل کر آرہے تھے۔

پاک ویسٹ انڈیز ون ڈے سیریز ملتوی ہونے پر سی او او نے کہا کہ گزشتہ ہفتے حالات کافی ٹف ‏رہے پھر معاملات میں مزید تبدیلی آتی رہی اس دوران کئی ٹیسٹ پاکستان ٹیم کے ہوتے رہے ‏ویسٹ انڈیز بورڈ کیساتھ رابطہ کرنے میں وقت کے فرق کی وجہ سے مشکل رہا۔

سی او او کے مطابق ویسٹ انڈیز کا کہنا تھا کہ کویڈ19 کی وجہ سے ٹیم اسٹرینتھ کمزور پڑگئی ‏ہے کیسز کی وجہ سے دیگر کھلاڑی بھی پریشان ہوگئے تھے کھلاڑی یہی چاہتے تھے کہ کرسمَس ‏کی چھٹیاں اہلخانہ کے ساتھ گزاریں۔

انہوں نے کہا کہ گزشتہ روز پاکستان اور ویسٹ انڈیز کے ٹیسٹ ہوئے تھے ویسٹ انڈیز 9 دسمبر ‏کو آنے سے قبل کویڈ19 ٹیسٹ دے چکی تھے پاکستان آنے کے بعد بھی دو مرتبہ ٹیسٹنگ ہوئی ‏تھی سیریز کیلئے مارکیٹنگ میں مزید بہتری لائی جاسکتی تھے۔

سلمان نصیر نے کہا کہ اب ون ڈے سیریز جون 2022 میں ری شیڈول کررہے ہیں کویڈ کے حالات ‏میں رہنا ایک مشکل مرحلہ بن چکا ہے ویسٹ انڈیز بورڈ سے ری شیڈول 3 ون ڈے میچز کی ‏سیریز پر بات کررہے ہیں۔

سی او او کا کہنا تھا کہ پی ایس ایل قریب تر ہے جس کے بعد آسٹریلیا نے پاکستان آنا ہے جب کہ ‏نیوزی لینڈ کیساتھ سیریز بھی اگلے سال شیڈول ہونے جارہی ہے آسٹریلیا اور پاکستان کرکٹ بورڈ ‏دورہ سے قبل معاملات کو حتمی شکل دیں گے سیکورٹی آفیشلز یقیناً مطمئن ہوکر واپس گئی ہے۔

کراچی کے ستر سالہ بزرگ ویلڈر نسیم الدین نے انگلینڈ کے کھلاڑی کو شکست دے کر ورلڈ ریکارڈ بنا ڈالا۔

اے آر وائی نیوز کے مطابق کراچی کے ستر سالہ بزرگ ویلڈر نسیم الدین نے مٹھی میں سیب رکھ کر توڑنے کے عالمی مقابلے میں انگلینڈ کو شکست دی۔

واضح رہے کہ گنیز بک آف ورلڈ ریکارڈ کی سالگرہ پر پوری دنیا میں ورلڈ ریکارڈ توڑنے کا سلسلہ جاری رہا، ستر سالہ نسیم الدین کو بھی خصوصی اجازت دی گئی تھی۔

نسیم الدین نے ایک منٹ میں 13 کے مقابلے میں اٹھارہ سیب توڑ ڈالے۔

گنیز بک آف ورلڈ ریکارڈ نے نسیم الدین کا ریکارڈ کی تصدیق کرتے ہوئے ای میل بھی جاری کردی۔

بزرگ شہری نسیم الدین کا کہنا تھا کہ ورلڈ ریکارڈ بنانے پر خوشی ہے، یقین نہیں آرہا کہ عالمی ریکارڈ اپنے نام کرلیا ہے۔

سیم الدین کا ریکارڈ بنانے کے بعد بتایا کہ ساری زندگی لوہے کے ساتھ کام کیا ہے اس لیے ہاتھ بھی لوہے کا ہی ہو گیا ہے، خواہش تھی کے میں پاکستان کا نام روشن کروں اور اللہ کا شکر ہے کہ اس میں کامیابی ملی۔

انہوں نے کہا کہ یہ ریکارڈ پاکستان کرکٹ ٹیم کے نام کرتا ہوں جنہوں نے پہلی مرتبہ ورلڈ کپ میں بھارت کو شکست دی۔ یہاں یہ امر قابل ذکر ہے کہ نسیم الدین پاکستان کے لئے مارشل آرٹس اور 73 عالمی ریکارڈ بنانے والے محمد راشد نسیم کے والد ہیں جبکہ ان کی پوتی بھی صرف 7 سال کی عمر میں ورلڈ ریکارڈ بنا چکی ہیں۔

واضح رہے کہ نسیم الدین کراچی میں ویلڈنگ کرتے ہیں اور یہی ان کا ذریعہ معاش ہے۔

کراچی: کرکٹ میچ کے دوران نوجوان کھلاڑی دل کا دورہ پڑنے سے انتقال کرگیا، رضوان کے اچانک انتقال پر اُس کے ساتھی بہت افسردہ ہیں۔

اے آر وائی نیوز کے مطابق نجی میڈیکل کالج کے گراؤنڈ میں بانٹوا کلب اور کمبائنڈ کلب کے درمیان کھیلے جانے والے نمائشی میچ کے دوران افسوسناک واقعہ پیش آیا۔

میچ کے دوران مقامی کلب کے نوجوان رضوان کو سینے میں درد کی شکایت ہوئی، جس پر اُسے فوری طور پر اسپتال منتقل کیا گیا، جہاں ڈاکٹرز نے اُسے ہنگامی طبی امداد فراہم کی مگر وہ جانبر نہ ہوسکا۔

اسپتال پہنچنے کے تھوڑی دیر بعد  ڈاکٹرز نے اُس کے انتقال کی تصدیق کی۔ ساتھی کھلاڑیو نے خدشہ ظاہر کیاکہ’رضوان کو جان لیوا ہارٹ اٹیک ہوا، جب اُسے اسپتال لے کر پہنچے اُس وقت تک بہت دیر ہوچکی تھی‘۔

مزید پڑھیں: کراچی: نائٹ میچ کے دوران نوجوان کھلاڑی انتقال کرگیا

دوسری جانب اسپتال ذرائع نے بھی نوجوان کھلاڑی کی موت کی وجہ جان لیوا ہارٹ اٹیک کو قرار دیا۔

یا رہے کہ اس سے قبل پانچ مئی کو شاہ فیصل کالونی نمبر تین کے 25 سالہ رہائشی حمزہ شاہد گھر کے قریب نائٹ میچ کھیلتے ہوئے اچانک زمین پر گر گئے تھے۔

حمزہ کو اُس کے اہل خانہ اسپتال لے کر پہنچے جہاں ڈاکٹرز نے موت کی تصدیق کی تھی۔  نوجوان کے چچا اپنے اطمینان کے لیے اُسے دوسرے نجی اسپتال لے کر پہنچے ، وہاں بھی ڈاکٹرز نے انتقال کی تصدیق کی تھی۔

اسپتال کی جانب سے جاری ہونے والے ڈیتھ سرٹیفیکٹ میں حمزہ کی وجہ موت ہارٹ اٹیک بتائی گئی ہے۔ اے آر وائی ویب سے گفتگو کرتے ہوئے مرحوم نوجوان کے چچا شکیل احمد نے بتایا کہ ’مذکورہ واقعہ یکم مئی کی رات پیش آیا‘۔ انہوں نے بتایا کہ حمزہ مکمل صحت مند تھا مگر عارضہ قلب کی ہماری فیملی ہسٹری ہے‘۔