Author: علی حسن

سندھ حکومت نے ساؤتھ ایشین کراٹےچیمپیئن شپ میں جیتنے والے سندھ کے کھلاڑیوں کے لیے 6 لاکھ روپے انعام کا اعلان کر دیا۔

سندھ حکومت نے ناروے کپ 2025 میں شرکت کے لیے جانے والی لیاری فٹبال اکیڈمی کی اسٹریٹ چلڈرن ٹیم کو 1 کروڑ 83 لاکھ روپے کا اسپانسرشپ کا چیک فراہم کر دیا۔

ساؤتھ ایشین کراٹے چیمپیئن شپ میں جیتنے والے پاکستانی کھلاڑیوں سے وزیر کھیل سندھ سردار محمد بخش مہر سے ملاقات کی جس میں وزیر کھیل سندھ نے کھلاڑیوں کی حوصلہ افزائی اورکامیابی پر مبارکباد پیش کی۔

ملاقات میں کھلاڑیوں نے اپنے جیتے گئے میڈلز وزیر کھیل کو پیش کیے۔

ایانا نوئل آرتھر 1 گولڈ، ثمرہ اعجاز پراچہ 1 برانز، اریشہ ندیم 1 سلور اور 1 برانز، عبدالرحمٰن 3 برانز، اور سحرش تصدیق نے 2 برانز میڈلز جیتے۔

سری لنکا میں ہونے والی ساؤتھ ایشین کراٹے چیمپیئن شپ میں شاندار کامیابی پر سندھ حکومت کا 6 لاکھ روپے انعام کا اعلان کیا۔

صوبائی وزیر نے کہا کہ ایانا نوئل، ثمرہ اعجاز، اریشہ ندیم، عبدالرحمٰن اور سحرش تصدق کی کامیابی پر ہمیں ناز ہے۔ سندھ حکومت کھیلوں میں خواتین کی شمولیت کی بھرپور حوصلہ افزائی کر رہی ہے، سندھ حکومت نوجوان کھلاڑیوں کے ٹیلنٹ کو ہر سطح پر سپورٹ کرے گی، پاکستانی پرچم دنیا میں بلند کرنے والے نوجوان کھلاڑیوں کو سلام پیش کرتا ہوں۔

وزیر کھیل کی جانب سے کھلاڑیوں کو مستقبل میں ہر ممکن معاونت کی یقین دہانی کروائی۔

پاکستان وائٹ بال کرکٹ ٹیم کے ہیڈ کوچ مائیک ہیسن سے دورہ بنگلہ دیش کے لیے نظر انداز بابر اعظم شاہین شاہ آفریدی سے متعلق اہم گفتگو کی۔

اے آر وائی نیوز کے مطابق دورہ بنگلہ دیش میں تین ٹی 20 میچوں کی سیریز کے لیے قومی ٹیم کا تربیتی کیمپ نیشنل اسٹیڈیم میں جاری ہے۔ جہاں کھلاڑی ہیڈ کوچ مائیک ہیسن کی نگرانی میں ٹریننگ کر رہے ہیں۔

ہیڈ کوچ مائیک ہیسن نے نیشنل اسٹیڈیم میں میڈیا سے گفتگو کرتے ہوئے دورہ بنگلہ دیش کے لیے اسکواڈ میں نظر انداز کیے گئے سینئر کھلاڑیوں بابر اعظم، شاہین شاہ آفریدی اور حسن علی سے متعلق بھی اظہار خیال کیا۔

مائیک ہیسن نے سابق کپتان بابر اعظم سے متعلق کہا کہ وہ وکٹ کیپنگ کے آپشن میں شامل نہیں ہیں اور نہ ہی بیٹر سے اس حوالے سے کوئی بات ہوئی ہے، وہ بطور اوپنر ٹیم میں جگہ بنانے کے لیے کام کر رہے ہیں۔

ان کا کہنا تھا کہ اوپننگ کے لیے فخر زمان اور صائم ایوب ہمارے آپشنز ہیں۔ اگر بابر اعظم ٹیم میں جگہ بنانے میں کامیاب ہو جاتے ہیں تو وہ صائم یا فخر کے ساتھ اوپن کریں گے۔

قومی ہیڈ کوچ نے ایک اور سابق کپتان فاسٹ بولر شاہین شاہ آفریدی سے متعلق کہا کہ وہ ایک ورلڈ کلاس بولر ہیں اور مجھے یقین ہے کہ وہ کچھ خامیوں کو دور کر کے ٹیم میں واپس آئیں گے۔

مائیک ہیسن نئے فاسٹ بولر سلمان مرزا کی سلیکشن پر کہا کہ انہیں حسن علی کی جگہ شامل کیا گیا ہے۔ تاہم وہ اس وقت بہت اچھی کرکٹ کھیل رہے ہیں اور ویسٹ انڈیز میں سینئر بولر ہمارے ساتھ ہوں گے۔

انہوں نے فاسٹ بولر حارث رؤف سے متعلق کہا کہ وہ انجری کی وجہ سے ہمارے ساتھ نہیں ہیں۔ ٹیم میں ایسے کھلاڑی کو زیادہ موقع دیا جائے گا، جو انٹرنیشنل پلان پر پورا اترے۔

ہیڈ کوچ نے یہ بھی کہا کہ ماڈرن ڈے کرکٹ میں آپ کو تیز کھیلنا ہوتا ہے۔ کسی بلے باز کو یہ نہیں کہا کہ وہ 150 کے اسٹرائیک ریٹ سے کھیلے۔ تاہم اگر ہم ٹی 20 فارمیٹ میں پیچھے ہیں تو اس کی وجہ ہماری بیٹنگ ہے۔ دورہ بنگلہ دیش کے لیے یہ کیمپ ایک ہفتہ جاری رہے گا۔ کچھ چیزوں پر ہم کام کرنے کی کوشش کر رہے ہیں۔

واضح رہے کہ دورہ بنگلہ دیش کے لیے نیشنل اسٹیڈیم میں جاری قومی ٹیم کے تربیتی کیمپ میں اسکواڈ میں شامل 15 کھلاڑیوں کے علاوہ نظر انداز کیے گئے سینئر کھلاڑی بابر اعظم، شاہین شاہ آفریدی، نسیم شاہ، محمد رضوان اور وسیم جونیئر کھلاڑی بھی شامل ہیں۔

https://urdu.arynews.tv/pakistan-team-training-begins-for-bangladesh-tour-babar-azam-and-shaheen-shah-afridi-also-part-of-the-camp/