Author: علی حسن

کراچی: قومی کرکٹ ٹیم کے کھلاڑی نے ریٹائرمنٹ کے بعد سیاست میں آنے کا اعلان کردیا۔

نمائندہ اے آر وائی نیوز سے بذریعہ ویڈیو لنک گفتگو کرتے ہوئے قومی ٹیم کے فاسٹ باؤلر کا کہنا تھا کہ میرا خاندان سیاست سے جڑا ہوا ہے، میں بھی کرکٹ سے ریٹائرمنٹ کے بعد سیاست شروع کروں گا۔

اُن کا کہنا تھا کہ جسامت کے لحاظ سے ٹرینر فٹنس ٹریننگ کراتے ہیں، کچھ کھلاڑی فٹنس سے زیادہ سکس پیکس پر توجہ دیتے ہیں ، مخصوص نوجوان کھلاڑی ڈولے اور سکس پیکس بنانا پسند کرتے ہیں۔

جنید خان کا کہنا تھا کہ دستیاب فاسٹ باؤلرز میں انگلینڈ میں کھیلنے کا میرا تجربہ زیاد ہے کیونکہ میں نے کافی عرصے کاونٹی کرکٹ کھیلی ہے،محمد عباس کے بعد میری پر فارمنس بھی سب کے سامنے ہے۔

مزید پڑھیں: دورہ انگلینڈ کیلئے قومی ٹیم میں عدم شمولیت پر جنید خان افسردہ ہوگئے

اُن کا کہنا تھا کہ ’دورۂ انگلینڈ کے لیے نامزد ہونے والے 29 کھلاڑیوں میں میرا نام شامل نہیں، اس پر مایوسی ہوئی، اکثر دوروں میں مجھے آخری میچز کھیلنے کو ملے، مسلسل نظر انداز اور موقع نہ ملنے کی وجہ سے پرفارمنس خراب ہوئی ہے‘۔

جنید خان کا کہنا تھا کہ ’نامورباؤلرز کی غیر موجودگی میں سعید اجمل اور میری جورڑی کامیاب رہی، انجری کے بعد مجھے کم کرکٹ کھیلنے کا موقع ملا، ایسےوقت پر موقع دیا گیا جب ہم کسی ایونٹ سے باہر ہوجاتے تھے‘۔

فاسٹ باؤلر کا کہنا تھا کہ انگلش بلے بازوں کو باونسر کرائی جائیں تو وہ پھنس سکتے ہیں، محمد عباس،نسیم شاہ اور شاہین شاہ آفریدی تیز شاٹ پچ کرانے کا گر بخوبی جانتے ہیں۔

کراچی: قومی کرکٹ ٹیم کے فاسٹ باؤلر سہیل تنویر نے ساتھی کھلاڑیوں کو خبردار کیا ہے کہ وہ سوشل میڈیا احتیاط سے استعمال کریں کیونکہ بکی سماجی رابطے کی ویب سائٹس سے بھی رابطہ کرسکتے ہیں۔

نمائندہ اے آر وائی نیوز سے  بذریعہ ویڈیو لنک گفتگو کرتے ہوئے کرکٹر سہیل تنویر نے ساتھی کھلاڑیوں کو خبردار کیا کہ ’موجودہ حالات میں کھلاڑی احتیاط سے سوشل میڈیا استعمال کریں، سوشل میڈیا کے ذریعے کھلاڑیوں کو فکسنگ کی آفر آسکتی ہے، مجھے آفر اس لیے نہیں آئی کیونکہ میں بہت سنبھل کے انٹرنیٹ استعمال کرتا ہوں‘۔

اُن کا کہنا تھا کہ ’ٹیم میں اگر سینئر موجود نہیں ہوں گے تو جونیئر کو سیکھنے کا موقع نہیں ملے گا،  دورۂ انگلینڈ کیلئے پاکستانی اسکواڈ میں شامل نہ ہونے پر افسوس ہے مگر مطمئن ہوں کہ سلیکٹرز نے میرے نام پر غور کیا،  سیلکشن پالیسی میں اب جونیئرز کو زیادہ موقع دیا جارہا ہے‘۔

آئی سی سی کی جانب سے عائد کی جانے والی پابندی پر سہیل تنویر کا کہنا تھا کہ ’بال جب تک شائن ہے فاسٹ بولرز کو سپورٹ کرے گی مگر اب تھوک سے اسے چمکانے پر پابندی عائد کردی گئی، انٹرنیشنل کرکٹ کونسل کوئی متبادل طریقہ متعارف کرائے وگرنہ فاسٹ باؤلرز کو ریورس سوئنگ کرانے میں مشکل پیش آئے گی‘۔

مزید پڑھیں: قومی کرکٹ ٹیم کی انگلینڈ روانگی کا شیڈول تیار

یہ بھی پڑھیں: سہیل تنویر کا ضرورت مندوں میں راشن تقسیم کرنے کا اعلان

اُن کا کہنا تھا کہ ’ویسے تو تین سال ہوگئے پاکستان کی جرسی زیب تن نہیں کی مگر ابھی ریٹائرمنٹ کا کوئی ارادہ نہیں ہے، میں ٹیسٹ کرکٹ نہیں کھیل رہا شاید اسی وجہ سے سلیکٹ نہیں ہوا، میری تمام توجہ ٹی ٹوئنٹی ورلڈ کپ پر مرکوز ہے‘۔

سہیل تنویر کا کہنا تھا کہ ’ اگر کھلاڑیوں کی ڈومیسٹک پرفارمنس کو عزت نہیں دیں گے تو فائدہ نہیں ہے، ڈھلتی عمر میں بھی کھلاڑیوں نے سری لنکن سیریز میں کم بیک کیا، جو کھلاڑی ٹیم کو جیتوا سکتے ہیں وہ اپنے وطن کے لیے کھیل بھی سکتے ہیں،  ہمارے یہاں کم بیک کسی بھی عمر میں بھی ہوسکتا ہے’۔