Author: انجم وہاب

کراچی: بلین مارکیٹ میں سونے کی فی اونس قیمت میں 15 ڈالر کا اضافہ ریکارڈ کیا گیا جس کے باعث مقامی صرافہ بازاروں میں بھی فی تولہ اور دس گرام کی قیمتیں بڑھ گئیں۔

تفصیلات کے مطابق انٹرنیشنل مارکیٹ میں ٹریڈنگ کے دوران سونے کی فی اونس قیمت 15 ڈالر اضافے کے ساتھ 1505 ڈالر تک پہنچ گئی جس کی وجہ سے پاکستان بھر کی گولڈ مارکیٹس میں ریٹ بلند سطح پر پہنچے۔

آل پاکستان جیولرز ایسوسی ایشن کے چیئرمین محمد ارشد کے مطابق 26 دسمبر کو سونے کی فی تولہ اور دس گرام کی قیمت میں بالترتیب 100 اور 857 روپے اضافہ ریکارڈ کیا گیا۔

حالیہ اضافے کے بعد کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اورکوئٹہ کی تمام صرافہ مارکیٹوں میں سونے کی لین دین 87ہزار900 روپے فی تولہ کے ساتھ ہوئی۔

اسی طرح دس گرام کی قیمت بھی اضافے کے بعد 75 ہزار 360 روپے تک پہنچ گئی۔ دوسری جانب چاندی کی فی تولہ قیمت میں 100 روپے اضافہ ریکارڈ کیا گیا۔ حالیہ اضافے کے بعد فی تولہ اور دس گرام چاندی کی قیمت بالترتیب 1070 اور 917 روپے پر پہنچ گئی۔

کراچی: پاکستان بھر کے صرافہ بازاروں میں سونے کی بڑھتی ہوئی قیمتوں کا سلسلہ تھم نہ سکا اور آج بھی معمولی اضافہ دیکھا کیا گیا۔

تفصیلات کے مطابق انٹرنیشنل مارکیٹ میں ٹریڈنگ کے دوران سونے کی فی اونس قیمت میں چالیس سینٹ کا اضافہ ہوا جس کے بعد ریٹ 1479 ڈالر پر پہنچ گئے۔

آل پاکستان جیولرز ایسوسی ایشن کے چیئرمین محمد ارشد کے مطابق بلین مارکیٹ میں ریٹ بڑھنے سے مقامی صرافہ بازاروں میں قیمتوں میں معمولی اضافہ ہوا۔

سونے کی فی تولہ قیمت میں 50  روپے جبکہ دس گرام کی قیمت میں 43 روپے کا اضافہ ہوا جس کے بعد قیمتیں بالترتیب 85 ہزار 900 اور 73 ہزار 45 روپے تک پہنچ گئیں۔

مزید پڑھیں: سونے کی فی تولہ قیمت میں پھر اضافہ

کراچی، حیدرآباد، سکھر، لاہور، ملتان، فیصل آباد، کوئٹہ، پشاور، اسلام آباد، راولپنڈی کے بازاروں میں سونے کی فی تولہ اور دس گرام کی خرید و فروخت نئے ریٹ کے ساتھ ہوئی۔

یاد رہے کہ  گزشتہ روز عالمی مارکیٹ میں ٹریڈنگ کے دوران سونے کی قیمت تین ڈالر اضافے کے بعد 1479 ڈالر فی اونس تک پہنچ گئی تھی جس کی وجہ سے مقامی بازاروں میں بھی ریٹ بڑھ گئے تھے۔ مقامی صرافہ بازاروں میں سونے کی فی تولہ اور دس گرام کی قیمتوں میں بالترتیب 500 اور 428 روپے اضافہ ریکارڈ کیا گیا تھا۔

کراچی: بلین مارکیٹ میں سونے کی قیمت میں فی ڈالر اضافے کے بعد مقامی صرافہ بازاروں میں بھی قیمتوں کو پر لگ گئے۔

تفصیلات کے مطابق عالمی مارکیٹ میں ٹریڈنگ کے دوران سونے کی قیمت تین ڈالر اضافے کے بعد 1479 ڈالر فی اونس تک پہنچ گئی جس کے پاکستان بھر کی مارکیٹوں پر منفی اثرات مرتب ہوئے۔

آل پاکستان جیولرز ایسوسی ایشن کی رپورٹ کے مطابق بین الاقوامی مارکیٹ میں اضافے کے بعد مقامی صرافہ بازاروں میں سونے کی فی تولہ اور دس گرام کی قیمتوں میں بالترتیب 500 اور 428 روپے اضافہ ریکارڈ کیا گیا۔

حالیہ اضافے کے بعد ملک بھر کے مقامی صرافہ بازاروں میں سونے کی فی تولہ قیمت 85 ہزار 850 اور دس گرام 73 ہزار 602 روپے پر پہنچ گئی۔

آج بتاریخ 20 دسمبر 2019 کے ریٹ

فی تولہ : 85,850 روپے

دس گرام: 73,602 روپے

کراچی، حیدرآباد، سکھر، لاہور، ملتان، فیصل آباد، کوئٹہ، پشاور، اسلام آباد، راولپنڈی کے بازاروں میں سونے کی فی تولہ اور دس گرام کی خرید و فروخت نئے ریٹ کے ساتھ ہوئی۔

یاد رہے کہ مقامی صرافہ بازاروں میں 13 دسمبر کو سونے کی فی تولہ اور دس گرام کی قیمت میں بالترتیب 100 اور 85 روپے کا اضافہ ریکارڈ کیا گیا تھا جس کے بعد قیمتیں بالترتیب 84ہزار 600 اور 72 ہزار 530 روپے تک پہنچ گئیں تھیں۔