Author: انجم وہاب

کراچی: بلین مارکیٹ میں قیمت میں کمی کے بعد پاکستان بھر میں سونے کے بھاؤ ایک بار پھر کم ہوگئے۔

تفصیلات کے مطابق بین الاقوامی مارکیٹ میں ٹریڈنگ کے دوران سونا 1 ڈالر کمی کے بعد 1499 ڈالر فی اونس پر بند ہوا، بلین مارکیٹ میں کمی کے مثبت نتائج مقامی صرافہ بازاروں پر بھی نظر آئے۔

آل پاکستان جیولرز ایسوسی ایشن کے چیئرمین محمد ارشد کے مطابق حالیہ کمی کے بعد مقامی صرافہ بازاروں میں سونے کی فی تولہ اور دس گرام قیمتوں میں بالترتیب 250 اور 215 روپے کمی ریکارڈ ہوئی۔

کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ 86 ہزار 900 اور دس گرام کی لین دین 74 ہزار 502 روپے کے ساتھ ہوئی۔

یاد رہے کہ گزشتہ روز مقامی صرافہ بازاروں میں سونے کے ریٹ بڑھے تھے، فی تولہ 100 روپے اضافے کے بعد 87 ہزار 150 تک پہنچ گیا تھا اسی طرح 10 گرام کی قیمت میں بھی 86 روپے کا اضافہ ریکارڈ کیا گیا تھا۔

کراچی: اسٹیٹ بینک نے زرمبادلہ کے ذخائر میں اضافے کی رپورٹ جاری کردی جس کے مطابق زرمبادلہ کے ذخائر 15 ارب 89 کروڑ ڈالر تک پہنچ گئے۔

نمائندہ اے آر وائی انجم وہاب کے مطابق اسٹیٹ بینک کی جانب سے جاری کردہ رپورٹ میں بتایا گیا ہے کہ مجموعی ذخائر 15 ارب75 کروڑ سے بڑھ کر 15 ارب 89 کروڑ ڈالر تک پہنچ گئے۔

اسٹیٹ بینک کے مطابق مرکزی بینک کےذخائرمیں تقریباً14کروڑڈالرکااضافہ ہوا، جس کے ساتھ ہی کاروباری ہفتے کے اختتام پر ذخائر بڑھ کر 8 ارب 46 کروڑ سے 8 ارب 60 کروڑ ڈالر ہو گئے۔ اعلامیے کے مطابق جبکہ کمرشل بینکوں کےذخائر7ارب28کروڑسےبڑھ کر7ارب 29 کروڑڈالر ہیں جبکہ ملک کے مجموعی ذخائر 15 ارب 89 کروڑ ڈالر تک پہنچ گئے۔

مزید پڑھیں: زرمبادلہ کے ذخائر 11 ماہ کی بلند ترین سطح پر پہنچ گئے، ترجمان اسٹیٹ بینک

دوسری جانب انٹربینک میں روپے کی قدر مستحکم ہوئی اور ڈالر دو پیسے کمی کے بعد 156.23 پر بند ہوا۔

قبل ازیں ادارہ شماریات کی جانب سے کرنٹ اکاؤنٹ خسارے سے متعلق رپورٹ جاری کی گئی، جس میں بتایا گیا کہ مالی سال کے ابتدائی دہ ماہ میں خسارہ گزشتہ سال کی نسبت 54 فیصد کم رہا۔

وفاقی ادارہ شماریات کی جانب سے رواں مالی سال کے2ماہ کی کرنٹ اکاؤنٹ خسارے سے متعلق تفصیلی رپورٹ کے مطابق رواں سال جولائی تا اگست کرنٹ اکاؤنٹ خسارہ ایک ارب29کروڑڈالررہا جبکہ گزشتہ مالی سال کےپہلے2ماہ میں کرنٹ اکاؤنٹ خسارہ2ارب85کرورڈالر ریکارڈ کیا گیا تھا۔

کراچی: وفاقی ادارہ شماریات نے رواں مالی سال کے دو ماہ کی کرنٹ اکاؤنٹ خسارے کی رپورٹ جاری کردی جس میں خسارے میں کمی بتائی گئی ہے۔

وفاقی ادارہ شماریات کی جانب سے رواں مالی سال کے2ماہ کی کرنٹ اکاؤنٹ خسارے سے متعلق تفصیلی رپورٹ جاری کی گئی جس میں بتایا گیا کہ کرنٹ اکاؤنٹ خسارےمیں54فیصدکمی ہوئی۔

رپورٹ کے مطابق رواں سال جولائی تا اگست کرنٹ اکاؤنٹ خسارہ ایک ارب29کروڑڈالررہا جبکہ گزشتہ مالی سال کےپہلے2ماہ میں کرنٹ اکاؤنٹ خسارہ2ارب85کرورڈالر ریکارڈ کیا گیا تھا۔

ادارہ شماریات کی رپورٹ کے مطابق رواں مالی سال افراط زر (جی ڈی پی) تناسب میں کرنٹ اکاؤنٹ خسارےکی شرح 2.8فیصدرہی جبکہ گزشتہ مالی سال یہ شرح 5.5 فیصد تھی۔ رپورٹ کے مطابق اگست اور جولائی میں تجارتی خسارہ 4 ارب 60 کروڑ ڈالر ہوگیا  جبکہ گزشتہ مالی سال میں تجارتی خسارہ 6 ارب 78 کروڑ ڈالر کی سطح پر تھا۔

مزید پڑھیں: پاکستان کے کرنٹ اکاؤنٹ خسارے میں 32 فی صد کمی

اسی طرح رپورٹ میں بتایا گیا کہ رواں سال اگست میں کرنٹ اکاؤنٹ خسارےکی مالیت صرف61کروڑڈالررہی، بیرونی ادائیگیوں کے خسارے میں 54 فیصد سے زائد جبکہ تجارتی خسارے میں  32 فیصد سے زائد کمی ہوئی، بیرونی ادائیگیوں کے توازن میں بہتری تجارتی خسارے میں 1 ارب 55 کروڑ ڈالر کی کمی ہوئی،  اسی طرح تجارتی خسارے میں 2 ارب 17 کروڑ ڈالر کی کمی ریکارڈ ہوئی۔

کراچی: بلین مارکیٹ میں سونے کی قیمت میں اضافے کے بعد مقامی صرافہ بازاروں میں بھی بھاؤ بڑھ گئے۔

تفصیلات کے مطابق انٹرنیشنل مارکیٹ میں ٹریڈنگ کے دوران سونے کی فی اونس قیمت میں تین ڈالر اضافہ ہوا جس کے بعد قیمت 1500 ڈالر تک پہنچ گئی۔

آل پاکستان جیولرز ایسوسی ایشن کے چیئرمین محمد ارشد کے مطابق بین الاقوامی مارکیٹ میں ہونے والے اضافے کے منفی اثرات مقامی مارکیٹوں پر بھی نظر آئے۔

بلین مارکیٹ میں ہونے والے حالیہ اضافے کے بعد مقامی صرافہ بازار میں سونے سونا 100روپےاضافےکےبعد87150 روپے فی تولہ کے ساتھ فروخت کیا گیا جبکہ 10گرام سونےکی قیمت 86روپےبڑھ کر74717روپے تک پہنچ گئی۔

مزید پڑھیں: سونے کی قیمتوں میں کمی ریکارڈ

کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ اور دس گرام کی لین دین نئے ریٹ کے ساتھ ہوئی۔

یاد رہے کہ دو روز قبل بلین مارکیٹ میں ٹریڈنگ کے دوران سونے کی قیمت میں 5 ڈالر کمی ہوئی تھی جس کے اچھے اثرات مقامی صرافہ بازاروں پر ہوئے اور قیمتوں میں کمی ریکارڈ کی گئی تھی۔

کراچی: فیڈرل بورڈ آف ریونیو کے ریجنل ٹیکس آفس نے پرنٹنگ پریس اور اشتہارات کے کاروبار کرنے والے نادہندگان کو نوٹس جاری کردیے۔

ریجنل ٹیکس آفس 2 کے مطابق پرنٹنگ پریس اور اشتہارات کے کاروبار کرنے والے 474 ایسے تاجروں کی نشاندہی ہوئی جو ٹیکس نیٹ میں شامل نہیں اور نہ ہی وہ فائلر ہیں۔

ایف بی آر حکام کے مطابق پرنٹنگ پریس، شادی کارڈ اور آفس ورک کی چھپائی سمیت دیگر پیکنگ میٹریل بنانے والے تاجروں کو نوٹس جاری کیے گئے جس میں اُن کو ٹیکس نیٹ میں آنے کی ہدایت کی گئی۔

نوٹس میں کہا گیا ہے کہ پرنٹنگ پریس کے کاروبار کرنے والے منافع تو کماتے ہیں لیکن اُس حساب سے ٹیکس نہیں دیتے، ایف بی آر   نے  فائلر اور نان فائلر سے نیشنل ٹیکس نمبر اور دیگر اہم تفصیلات طلب کرلیں۔

یاد رہے کہ تحریک انصاف کی حکومت نے ملکی معیشت کو مستحکم اور مضبوط کرنے کے لیے نادہندگان کو ٹیکس نیٹ میں لانے کا فیصلہ کیا، جس کے لیے خصوصی اقدامات بھی کیے گئے جبکہ اُس سے قبل ایمنسٹی اسکیم بھی متعارف کرائی گئی تھی۔

مشیر خزانہ عبدالحفیظ شیخ نے گزشتہ دنوں بتایا تھا کہ حکومتی اقدامات کیوجہ سے ٹیکس وصولی میں اضافہ ہوا، ٹیکس وصولیاں مقررہ اہداف کے مقابلے میں 90 فی صد تک ہوئیں، جب کہ ریونیو کلیکشن میں 25 فی صد اضافہ ہوا۔ اُن کا کہنا تھا کہ ملکی معیشت سے متعلق حکومتی اقدامات کی تفصیلات بتاتے ہوئے کہا کہ پچھلے سال 19 لاکھ جب کہ اس سال 25 لاکھ ٹیکس فائلر بنے ہیں، فائلرز کی تعداد میں 25 فی صد اضافہ کیا گیا۔