Author: انجم وہاب

اسلام آباد / کراچی / لاہور / کوئٹہ / پشاور: مقامی صرافہ بازاروں میں سونے کی قیمتوں میں حالیہ اضافے کے بعد تمام سابقہ ریکارڈ ٹوٹ گئے۔

تفصیلات کے مطابق مقامی صرافہ بازاروں میں سونے کی فی تولہ قیمتوں میں ایک بار پھر اضافہ ریکارڈ کیا گیا جس کے بعد قیمتیں بلند ترین سطح پر پہنچ گئیں۔آل پاکستان جیولرز ایسوسی ایشن کے چیئرمین محمد ارشد کے مطابق مقامی صرافہ بازاروں میں 1700 روپے اضافے کے بعد سونے کی فی تولہ قیمت 86ہزار 100 روپے تک پہنچ گئی اسی طرح 10 گرام کی قیمت بھی 1400 روپے سے زائد اضافے کے ساتھ 73ہزار 816 روپے تک پہنچ گئی۔

آج کے بھاؤ

فی تولہ : 86،100 روپے

دس گرام: 73،816روپے

یاد رہے کہ گزشتہ روز بلین مارکیٹ میں ٹریڈنگ کے دوران سونے کی قیمت میں 3 ڈالر کا اضافہ ہوا تھا جس کے بعد قیمت 1467 فی اونس تک پہنچ گئی تھی۔ بلین مارکیٹ میں اضافے کے بعد مقامی صرافہ بازاروں میں سونے کی فی تولہ قیمت میں 400 اور دس گرام کی قیمت میں 343 روپے کا اضافہ ریکارڈ ہوا۔

مزید پڑھیں: سونے کی فی تولہ قیمت میں پھر اضافہ

گزشتہ روزکراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین فی تولہ 84ہزار 400 جبکہ دس گرام 72 ہزار 360 روپے کے ساتھ ہوئی تھی۔

یہ بھی یاد رہے کہ دو اگست کو مقامی صرافہ بازاروں میں سونے کی فی تولہ قیمت 1 ہزار روپے کا اضافہ ریکارڈ کیا گیا تھا۔

کراچی: فیڈرل بورڈ آف ریونیو (ایف بی آر) نے 2018 کے ٹیکس گوشوارے جمع کرانے کی تاریخ میں ایک بار پھر توسیع کردی۔

ایف بی آر کے ترجمان کی جانب سے جاری ہونے والے بیان کے مطابق ٹیکس سال 2018 کے انکم ٹیکس گوشوارے جمع کرانے کی تاریخ میں 9اگست 2019 تک توسیع کردی گئی۔

ایف بی آر کے مطابق وہ لوگ جو غیر منقولہ جائیداد یا 1000 سی سی کی گاڑی رکھتے ہیں وہ بھی انکم ٹیکس آرڈیننس 2001 کے تحت ریٹرن جمع کرائیں گے۔

یاد رہے کہ اس سے قبل ایف بی آر کی جانب سے ٹیکس ریٹرن جمع کرنے کی آخری تاریخ 2 اگست مقرر کی گئی تھی البتہ فیڈرل بورڈ آف ریونیو کے حکام نے تاریخ میں ایک بار پھر توسیع کا فیصلہ کیا۔

گزشتہ حکومت میں مقررہ تاریخ گزر جانے کے بعد ریٹرن فائل کرنے والے شخص کو اضافی رقم بطور جرمانہ ادا کرنا پڑتی تھی اس کے علاوہ آڈٹ کے مرحلے سے بھی گزرنا پڑتا تھا البتہ تحریک انصاف نے گزشتہ معاشی سال میں بھی ریٹرن جمع کرانے والوں کو سہولت دی۔

یہ بھی یاد رہے کہ حکومت نے آئندہ مالی سال 2020-2019 کے لیے 70 کھرب 22 ارب روپے کا بجٹ پیش کیا گیا۔ جس میں سے ٹیکس وصولی کا ہدف 550 ارب روپے مختص کیا گیا۔ حکومت پاکستان نے ملکی معیشت کو مضبوط اور مستحکم کرنے کے لیے لوگوں کو ٹیکس نیٹ میں لانے کا فیصلہ کیا جس کے تحت مختلف اقدامات بھی کیے جارہے ہیں۔اس ضمن میں سب سے پہلے 14 مئی کو ٹیکس ایمنسٹی اسکیم متعارف کرائی گئی تھی جو تین جولائی کو ختم ہوئی۔

کراچی / اسلام آباد / کوئٹہ / لاہور: بین الاقوامی بلین مارکیٹ میں سونے کی فی اونس قیمت مین 32 ڈالر کا اضافہ ہوا جس کے بعد مقامی صرافہ بازاروں میں قیمتوں کر پر لگ گئے۔

تفصیلات کے مطابق انٹرنیشنل مارکیٹ میں ٹریڈنگ کے دوران سرمایہ کاروں نے سونے کی لین دین میں دلچسپی ظاہر کی جس کے باعث قیمتوں میں اضافہ ریکارڈ کیا گیا۔بلین مارکیٹ میں سونے کی فی ڈالر قیمت 32 ڈالر اضافے کے بعد 1437 ڈالر فی اونس تک پہنچ گئی۔

بلین مارکیٹ میں اضافے کے منفی نتائج مقامی صرافہ بازاروں میں بھی دیکھنے کو ملے اور قیمتوں میں اضافہ ریکارڈ کیا گیا۔

آل پاکستان جیولرز ایسوسی ایشن کے چیئرمین محمد ارشدکے مطابق مقامی صرافہ بازاروں میں سونے کی فی تولہ اور دس گرام کی قیمتوں میں بالترتیب 1000 اور 856 روپے کا اضافہ ہوا۔

کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین اضافے کے بعد فی تولہ 84 ہزار  اور دس گرام 72 ہزار 16 روپے کے ساتھ ہوئی۔

یاد رہے کہ گزشتہ روز بلین مارکیٹ میں سونے کی فی اونس قیمت میں 26 ڈالر کمی ہوئی تھی جس کے بعد مقامی صرافہ بازاروں میں فی تولہ 900 اور دس گرام 700 روپے کم ہوا تھا۔

اسلام آباد / کراچی: بین الاقوامی بلین مارکیٹ میں سونے کی فی اونس قیمت میں 26 ڈالر کمی ہوئی جس کے بعد مقامی صرافہ بازاروں میں بھی قیمتیں نیچے کی طرف آئیں۔

تفصیلات کے مطابق انٹرنیشنل مارکیٹ میں ٹریڈنگ کے دوران سونے کی فی اونس قیمت 26 ڈالر کمی کے بعد 1405 تک پہنچ گئی، بین الاقوامی مارکیٹ میں کمی کے نتائج مقامی صرافہ بازاروں پر نظر آئے۔

پاکستان جیولرز ایسوسی ایشن کے چیئرمین محمد ارشد کے مطابق مقامی صرافہ بازار میں سونے کی فی تولہ اور دس گرام کی قیمتوں میں بالترتیب 900 اور 770 روپے کی کمی ہوئی۔

کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین کمی کے بعد فی تولہ 83 ہزار  اور دس گرام 71 ہزار 660 روپے کے ساتھ ہوئی۔

یاد رہے کہ 26 جولائی کو  انٹرنیشنل مارکیٹ میں کاروباری ہفتے کے آخری دن ٹریڈنگ کے دوران سونے کی فی اونس قیمت 7 ڈالر کمی ہوئی تھی جس کے بعد قیمت 1419 فی ڈالر تک پہنچی تھی۔

بلین مارکیٹ میں کمی کے باوجود مقامی صرافہ بازاروں میں سونے کے ریٹ میں کوئی ردوبدل نہیں ہوا تھا اور لین دین تولہ 84 ہزار 350 اور دس گرام 72 ہزار 316 روپے کے ساتھ ہوئی تھی۔