Author: انور خان

کراچی: گورنمنٹ ڈگری کالج فار ویمن ناظم آباد کی 81 طالبات کو ایڈمٹ کارڈ نہ ملنے پر پرنسپل نے مقدمہ درج کروا دیا۔

پرنسپل شہلا شبیر نے ایف آئی آر نے مؤقف اپنایا کہ 3 روز قبل معلوم ہوا کہ طالبات کو ایڈمٹ کارڈ جاری نہیں کیے جا رہے، کالج سپرنٹنڈنٹ نفیس نے ان سے کیش رقم وصول کی تھی۔

یہ بھی پڑھیں: طلبا کو ایڈمٹ کارڈ نہ ملنے کی شکایت، میٹرک بورڈ کا اہم بیان

درج مقدمے کے متن میں کہا گیا کہ کالج سپرنٹنڈنٹ کی جانب سے 9 لاکھ روپے سے زائد کی رقم خرد برد کی گئی، رقم اے ڈی اے ون، ٹو اور تھری کی امتحانی فیس کی مد میں وصول ہوئی۔

شہلا شبیر نے پولیس کو بتایا کہ کالج سپرنٹنڈنٹ نے رقم بینک میں جمع کروانے کے خود وصول کی، اکتوبر 2024 میں والدین اور طالبات کیلیے نوٹس بھی لگایا گیا تھا کہ کالج کے کسی اسٹاف کو نقد رقم نہ دیں بلکہ بینک واؤچر لیں۔

ایف آئی آر میں کہا گیا کہ مزید طالبات کی جانب سے بھی شکایات آ رہی ہیں، 80 سے زائد طالبات کل امتحان میں شرکت نہیں کر سکیں گی۔

پرنسپل نے بتایا کہ تمام متاثرہ طالبات کے ایڈمٹ کارڈز بنا دیے گئے ہیں، امتحان میں شرکت کیلیے طالبات کو جاری کیے جا رہے ہیں۔

اس سے قبل جامعہ کراچی کے ناظم امتحانات نے کہا تھا کہ کالج کی طالبات کا سال ضائع نہیں ہوگا، کالج سپریٹینڈنٹ بھاگ گیا ہے فارم جمع ہی نہیں کروائے گئے۔

انہوں نے کہا کہ جامعہ کراچی سے الحاق کالج کی طالبات کو انصاف فراہم کیا جائے گا، کچھ دیر بعد متاثرہ طالبات کے ایڈمٹ کارڈ انہیں جاری کر دیے جائیں گے۔

کراچی: جامعات سے متعلق متنازع ترمیمی بل کے خلاف اساتذہ سندھ اسمبلی کے باہر احتجاج کر رہے ہیں جس کے باعث پولیس کی نفری طلب کر لی گئی۔

انجمن اساتذہ جامعہ اور فپواسا کا کہنا ہے کہ ترمیمی قبول نہیں کیا جائے گا لہٰذا فوری واپس لیا جائے، اساتذہ کو اعتماد میں لیے بغیر بل پیش کیا گیا۔

صدر انجمن اساتذہ جامعہ کراچی محسن علی نے کہا کہ جامعات کی خود مختاری کسی صورت متاثر نہیں ہونے دیں گے، ہم کسی صورت جامعات کی خود مختاری متاثر نہیں ہونے دیں گے۔

فپواسا نے کہا کہ دو ہفتوں سے جامعات احتجاج جاری ہے حکومت توجہ دینے کو تیار نہیں، اساتذہ کو اعتماد میں لیے بغیر بل پیش کیا گیا ہے۔

چند روز قبل وزیر اعلیٰ سندھ مراد علی شاہ نے قانون سازی کو واپس نہ لینے کا اعلان کرتے ہوئے کہا تھا کہ باہر سے وفد آیا ان کے نام پر ہوٹل اور ٹکٹ کے پیسے وی سی کھا گیا، میں اس وائس چانسلرکو نہیں نکال سکتا کیونکہ وہ عدالت چلے گئے اس کیلیے قانون سازی ضروری ہے۔

وزیر اعلیٰ کا کہنا تھا کہ اپنی غلطی تسلیم کرتا ہوں، ایسے بھی وائس چانسلرز منتخب ہوئے جو جنسی ہراسگی میں اور بعض وائس چانسلرز مالی فراڈ میں ملوث نکلے، پروفیسرز میدان میں آئیں وائس چانسلر بنیں کس نے روکا، یہ کہنا غلط ہے کہ بیوروکریٹس کیلیے وائس چانسلرز کی راہ ہموار کی۔

انہوں نے کہا تھا کہ بہت سارے وائس چانسلرز کے پاس فائنانشل اسکلز نہیں، انہوں نے جامعات کو تباہ کر دیا ہے، یہ صوبے کے بچوں کے پیسے ہیں، ہمیں فیڈرل ایچ ای سی سے خیرات نہیں چاہیے یہ رقم بھی خود دیں گے۔

سندھ بھر کی سرکاری جامعات کے اساتذہ ترمیمی ایکٹ کے خلاف سراپا احتجاج ہیں اور ان کا کہنا تھا کہ کسی بھی صورت سول سرونٹس جامعات میں وائس چانسلرز تعینات ہونے نہیں دیں گے۔

کراچی: سول اسپتال کے مختلف شعبوں میں بجلی کی فراہمی معطل ہو گئی۔

تفصیلات کے مطابق سندھ کا سب سے بڑا سرکاری اسپتال اندھیرے میں ڈوب گیا۔ سول اسپتال کے آرتھوپیڈک، اوٹی کمپلیکس، میڈیکل ون ٹو، سرجیکل ون ٹو میں بجلی کی فراہمی معطل ہو گئی۔

ایم ایس سول اسپتال ڈاکٹر خالد بخاری کا کہنا ہے کہ اندرونی فالٹ کی وجہ سے  بجلی فراہمی معطل ہوئی، سول اسپتال کی پی ایم ٹی  بہت پرانی ہوچکی ہے اب پی ایم ٹی تبدیل کرنے کیلئے کےالیکٹرک سے مدد کی درخواست کی۔

ان کا کہنا تھا کہ کےالیکٹرک کی ٹیم نے پہلے ہی کام شروع کر دیا ہے اور آئندہ چندگھنٹوں میں بجلی بحال ہو جائےگی۔