Author: انور خان

کراچی: سندھ حکومت نے سزا یافتہ قیدیوں کے بچوں کو تعلیم مکمل کرنے میں مدد دینے کا فیصلہ کرلیا ہے۔

اے آر وائی نیوز کے مطابق وزیر تعلیم سردار علی شاہ، وزیر جیل خانہ جات علی حسن زرداری کی زیر صدارت اجلاس ہوا جس میں قیدیوں کے بچوں کو تعلیم کے حصول میں مدد فراہم کرنے سے متعلق تجاویز پر تبادلہ خیال کیا گیا۔

وزیر تعلیم سردار شاہ نے کہا کہ کسی ایک انسان کی غلطی کی سزا اس کے خاندان کو نہیں ملنی چاہیے۔

انہوں نے کہا کہ قانون پر عمل درآمد کرانے کے ساتھ بچوں کو تعلیم دینا بھی ضروری ہے، سزا یافتہ قیدیوں کے بچوں کا اسکول سے یونیورسٹیز تک تعلیم دنیا کا پہلا ماڈل ہوگا۔

سردار شاہ کا کہنا ہے کہ یہ ماڈل پاکستان کی دیگر صوبوں کے جیلوں کے لیے بھی ایک راہ طے کرے گا، ہم سزا یافتہ قیدیوں کو تعلیم یافتہ اور محب وطن پاکستانی بنانا چاہتے ہیں۔

وزیر تعلیم نے مزید کہا کہ قیدی کے بچے کو ایک ذمہ دار شہری بنانا ہم اپنی ذمہ داری سمجھتے ہیں، انہیں تعلیم کے لیے معاونت فراہم کی جائے گی۔

اس موقع پر پیغام۔پاکستان کی طرف سے سزا یافتہ قیدیوں کے بچوں کی تعلیم میں مدد کے حوالے سے تحاویز پیش کی گئیں۔

کراچی : تمام سرکاری کالجز میں سیکیورٹی خدشات کے پیش نظر سی سی ٹی وی کیمرے نصب کرنے کا فیصلہ کرلیا گیا۔

تفصیلات کے مطابق محکمہ کالج سندھ نے سیکیورٹی خدشات کے پیش نظر کراچی کے تمام سرکاری کالجز میں سی سی ٹی وی کیمرے نصب کرنے کا فیصلہ
کرلیا۔

محکمہ کالجز نے مراسلے میں کہا ہے کہ سیکیورٹی خدشات اور چوری کی بڑھتی ہوئی وارداتوں کی روشنی میں تمام کالجز کے اندر بار گیٹوں پر سی سی ٹی وی کیمرائیں نصب کی جائیں۔

محکمہ کالجز سندھ کا کہنا تھا ک یہ ضروری ہے کہ ہم سرکاری اثاثوں، طلباء اور عملے کی فول پروف سیکیورٹی کو یقینی بنانے کے لیے فعال اقدامات کریں۔

مراسلے میں مزید کہا گیا کہ سختی سے ہدایت کی جاتی ہے کہ کالجز کی حدود کے اندرونی اور بیرونی دونوں حصوں کا احاطہ کرنے کے لیے CCTV کیمرے نصب کیے جائیں۔

محکمہ کالج سندھ نے کہا کہ سی سی ٹی کیمرائیں ایک مضبوط سیکورٹی فریم ورک اورسہولت فراہم کرے گا۔

کراچی : انٹر سال اول کے نتائج کی تحقیقاتی رپورٹ نے فیل ہونے والے طلبا کی امیدوں پر پانی پھیر دیا، جس میں کہا ہے کہ کاپیوں میں درست مارکنگ کی گئی ہے۔

تفصیلات کے مطابق انٹر بورڈ کے تحت 11 ویں جماعت کے نتائج کے معاملے کی تحقیقات کیلئے کمیٹی نے رپورٹ تیار کرلی۔

کمیٹی ذرائع نے بتایا کہ طلبا کے ساتھ ناانصافی نہیں ہوئی درست مارکنگ کی گئی ہے اور کسی بھی طالبعلم کی کاپی میں کوئی غلط مارکنگ نہیں ملی۔

کمیٹی کا کہنا تھا کہ اساتذہ کی جانب سے مارکنگ میں سختی بھی نہیں کی گئی، رپورٹ چیئرمین انٹر بورڈ کے حوالے کی جائے گی۔.

ذرائع نے کہا کہ گورنمنٹ کالج جوہر کے پرنسپل نعیم خالد کمیٹی کے سربراہ تھے، 21 رکنی نتائج تحقیقاتی کمیٹی نے تقریباً 250 کاپیاں چیک کیں۔

مزید پڑھیں : کراچی میں انٹرمیڈیٹ فرسٹ ایئر کے طلبا کے نمبر کیوں کم آئے؟ قائم مقام چیئرمین انٹربورڈ کے اہم انکشافات

یاد رہے کراچی میں انٹرسال اول کے نتائج متنازع ہوگئے تھے ، نتائج میں کامیابی کاتناسب پری میڈیکل میں تینتس فیصد جب کہ پری انجینئرنگ میں انتیس فیصد رہا۔

انٹرمیڈیٹ پری میڈیکل فرسٹ ایئر کے طلبہ نےانٹر بورڈ آفس کے باہر احتجاج کیا اور نتائج پرنظرثانی کا مطالبہ کیا، طلبہ کا کہنا تھا کہ میٹرک میں پچیاسی فیصد سے زائد نمبر لینےوالوں کو پچاس فیصد سےبھی کم نمبرز دیےگئے جبکہ کئی مضامین میں فیل بھی کردیا گیا ہے۔

طلبہ کے احتجاج پرسندھ حکومت حرکت میں آئی اور چیئرمین انٹر بورڈ امیر قادری کو عہدے سے ہٹا کر اضافی چارج چیئرمین میٹرک بورڈ شرف علی شاہ کو دے دیا گیا اور ساتھ ہی تحقیقاتی کمیٹی بھی بنا دی گئی تھی۔