Author: انور خان

کراچی : انٹر امتحان میں پرچے سوشل میڈیا پر لیک ہونے سے بچانے کے لئے بڑا اقدام سامنے آیا، سیکرٹری بورڈ کا تقرر کردیا گیا ، جو پرچہ آؤٹ ہونے کی اطلاع ٹیم کو دیں گے۔

تفصیلات کے مطابق کراچی میں انٹر امتحان میں پرچے سوشل میڈیا پر لیک سے بچاؤ کیلئے سیکرٹری انٹر بورڈ کی تقرری کردی گئی۔

نیشنل سائبرکرائم انویسٹی گیشن ایجنسی ٹیم کی معاونت کے لئے سیکرٹری کا تقرر کیا گیا ہے۔

امتحانات کے پہلے روز کسی سینٹر پر پرچہ لیک ہونےکی اطلاع نہیں ملی ، پرچوں کی ممکنہ لیک پر تحقیقات کیلئے چیئرمین انٹربورڈ نے این سی سی آئی اے کو خط لکھا تھا۔

بورڈ سیکرٹری پرچے کی سوشل میڈیا پر آؤٹ ہونے کی اطلاع ٹیم کو دیں گے اور بورڈ انتظامیہ کی شکایت پر سائبرکرائم ٹیم متعلقہ امتحانی سینٹر پر چھاپہ مارے گی۔

خیال رہے کراچی میں اعلیٰ ثانوی تعلیمی بورڈ کے تحت انٹر کے سالانہ امتحانات کا آغاز ہوگیا ہے، جس میں 1 لاکھ 26 ہزار 500 سے زائد طلبہ و طالبات صبح اور شام کی شفٹوں میں شریک ہو رہے ہیں۔

انٹر بورڈ کے امتحانات دو شفٹوں میں لیے جا رہے ہیں۔ صبح کی شفٹ میں 92 ہزار سے زائد طلبہ و طالبات شامل ہیں، جنہوں نے سائنس پری میڈیکل سمیت دیگر مضامین کا امتحان دینا ہے۔

صبح کی شفٹ کا امتحان صبح 9 بجے سے 12 بجے تک ہوگا۔

کراچی: انٹرمیڈیٹ سائنس, آرٹس کے امتحانات آج سے شروع ہو رہے ہیں، نقل میں ملوث طلبہ اور واٹس ایپ پر پرچہ اپ لوڈ کرنے والوں کے خلاف سخت کارروائی ہوگی، جب کہ ہر پرچے میں مخصوص کوڈ شامل کیا گیا ہے۔

تفصیلات کے مطابق اعلیٰ ثانوی تعلیمی بورڈ کے تحت انٹرمیڈیٹ سالانہ امتحانات کا آغاز آج سے ہو رہا ہے، آج صبح کی شفٹ میں گیارویں جماعت پری انجئیرنگ ریاضی میں فیل ہونے والے طلبہ کا پرچہ لیا جائے گا۔

انٹرمیڈیٹ امتحانات کا پہلا مرحلہ 29 مئی تک جاری رہے گا، سائنس پری میڈیکل، پری انجینئرنگ، ہوم اکنامکس کے امتحانات صبح 9 سے 12 بجے تک ہوں گے، سائنس جنرل کے امتحانات دوپہر کی شفٹ میں 2 سے 5 بجے تک لیے جائیں گے۔

امتحانات میں 1 لاکھ 26 ہزار 500 سے زائد طلبہ و طالبات شریک ہوں گے، مجموعی طور پر 182 امتحانی مراکز قائم کیے گئے ہیں، اور 36 مراکز کو انتہائی حساس قرار دیا گیا ہے۔

واٹس ایپ کے ذریعے نقل : چیئرمین بورڈ نے امتحانات سے قبل ہی انٹر کے طلبہ کو خبردار کر دیا

پرچہ آؤٹ ہونے سے روکنے کے لیے ہر پرچے میں مخصوص کوڈ شامل کیا گیا ہے، 16 سپر ویجیلینس ٹیمیں امتحانی مراکز کے دورے کر کے نگرانی کریں گی، موبائل فون، لیپ ٹاپ، ٹیبلٹس اور نقل کے مواد پر مکمل پابندی عائد کی گئی ہے، نقل میں ملوث طالب علم کو 3 سال کے لیے نااہل قرار دیا جائے گا۔

دفعہ 144 کے تحت فوٹو اسٹیٹ دکانیں اور غیر متعلقہ افراد پر پابندی عائد ہے، جب کہ پرچہ آؤٹ کیے جانے اور نقل کی روک تھام کے خلاف ایف آئی اے سے مدد طلب کی گئی ہے، چیئرمین انٹربورڈ غلام علی نے خبردار کیا ہے کہ واٹس ایپ پر پرچہ اپ لوڈ کرنے والوں کے خلاف سخت کارروائی ہوگی۔

ہنگامی صورت حال میں ریسکیو 1122 کی ایمبولینسیں تعینات ہوں گی، فرسٹ ایڈ کیمپس، فرسٹ ایڈ باکس اور ایمبولینس ہر امتحانی مرکز کے باہر موجود ہوں گے، جب کہ کمشنر آفس اور بورڈ آفس میں مانیٹرنگ سیلز قائم کر دیے گئے ہیں۔

کراچی: کینجھر جھیل سے کراچی کو پانی فراہم کرنے والی سائفن کی مرمت مکمل ہو گئی، شہر قائد کے باسیوں کے لیے خوش خبری ہے کہ آج سے پانی سپلائی بحال ہو جائے گی۔

تفصیلات کے مطابق واٹر کارپوریشن حکام نے کہا ہے کہ جامعہ کراچی میں پانی کی 84 انچ کی متاثرہ پائپ لائن کا مرمتی کام مکمل ہو گیا ہے۔

حکام واٹر کارپوریشن کے مطابق شہر کو آج سے پانی کی سپلائی بحال ہو جائے گی، واٹر کارپوریشن نے 96 گھنٹے کے مطلوبہ وقت میں مرمتی کام مکمل کیا، اپ اسٹریم اور ڈاؤن اسٹریم کو پہلے 8 انچ کھولا جائے گا۔

حکام نے بتایا کہ منگل کے روز جامعہ کراچی کی حدود میں پانی کی 84 انچ کی لائن میں ایک بڑا شگاف پڑا تھا، جس سے کراچی کے مختلف علاقوں میں پانی کی سپلائی معطل ہو گئی تھی، تاہم لائن کی بحالی کے بعد پانی سپلائی بھی بحال ہو رہی ہے۔

واٹر کارپویشن حکام کہتے ہیں کہ دن رات کی محنت کے بعد بوسیدہ پائپ تبدیل کر دی گئی ہے، 1971 کی آر سی سی لائن کے متاثرہ حصے کو تبدیل کر دیا گیا ہے، کراچی واٹر کارپوریشن کی جانب سے 94 گھنٹے کی ڈیڈ لائن دی گئی تھی، جو آج اتوار کے روز مکمل ہو گئی۔ ہفتے کے روز بھی عملے اور واٹر کارپوریشن کے حکام نے صورت حال کا تفصیلی جائزہ لیا تھا۔

واضح رہے کہ پانی کی یہ لائن دھابیجی سے 140 کلو میٹر طویل ہے، 1971 کی آر سی سی لائن انتہائی بوسیدہ ہو چکی ہے، سائفن لائن کی مدت مکمل ہو چکی ہے، اس اہم مرکزی لائن میں متعدد مرتبہ شگاف پڑا ہے۔