Author: انور خان

کراچی: جامعہ کراچی بی اے لاء سال اول و دوئم سالانہ امتحانات برائے 2019 کے نتائج کا اعلان کردیا گیا۔

تفصیلات کے مطابق ناظم امتحانات جامعہ کراچی ڈاکٹر سید ظفر حسین کے مطابق بی اے لا سال اول و دوئم سالانہ امتحانات برائے 2019 کے نتائج کا اعلان کردیا گیا ہے۔

نتائج کے مطابق بی اے لا سال اول کے امتحانات میں 127 طلبا شریک ہوئے۔

نتائج میں 104 طلبا کو کامیاب قرار دیا گیا جبکہ 23 طلبہ ناکام قرار پائے، کامیابی کا تناسب 81.89 فیصد رہا۔

نتائج کے مطابق بی اے لاء سال اول کے امتحانات میں 127 طلبہ شریک ہوئے،104 طلبہ کو کامیاب قراردیا گیا جبکہ 23 طلبہ ناکام قرارپائے۔کامیابی کا تناسب 81.89 فیصدرہا۔

بی اے لا سال دوئم کے امتحانات میں 87 طلبا شریک ہوئے، 69 طلبہ کو کامیاب قرار دیا گیا جبکہ 18 طلبہ ناکام قرار پائے، کامیابی کا تناسب 79.31 فیصد رہا۔

وزیر تعلیم و محنت سندھ سعید غنی نے کہا کہ صوبہ سندھ میں کوووڈ کے خاتمہ تک ایس او پیز ‏کے تحت تعلیمی ادارے 50 فیصد ہی بچوں کو بلانے پر پابند ہوں گے۔

میڈیا سے گفتگو کرتے ہوئے سعیدغنی نے کہا کہ وفاقی وزیر تعلیم کی جانب سے ایک جانب 100 ‏فیصد بچوں کی اجازت کا اعلان کیا جاتا ہے تو دوسری جانب ایس او پیز پر عمل درآمد کا بھی کہا ‏جارہا ہے اور جو حالات اس وقت ہمارے تعلیمی اداروں بالخصوص نجی تعلیمی اداروں میں ہے اس ‏میں یہ کسی صورت ممکن نہیں کہ 100فیصد بچوں کو ایک ساتھ بلایا جاسکے۔

انہوں نے کہا کہ ہم صوبے بھر میں اساتذہ کی خالی اسامیوں کو یوسی کی سطح پرٹیسٹ اور ‏انٹرویو کے بعد میرٹ پر بھرتیاں کرنے جارہے ہیں جبکہ اساتذہ کی ٹراسفر کی پالیسی کو بھی ‏شفاف بنایا جارہا ہے اور اس حوالے سے تین کیٹگریز بنائی گئی ہیں اساتذہ اب خود پورٹل کے ‏ذریعے درخواست دیں گے اور انہیں کسی قسم کی کوئی درخواست براہ راست دینے کی ضرورت ‏نہیں ہوگی۔

وزیرتعلیم نے کہا کہ صوبے بھر کے 7 ہزار ایسے اسکولز جو اساتذہ کی گذشتہ کئی سالوں سے ‏بھرتیوں پر پابندی کے باعث بندش کا شکار ہیں ان میں ٹرانسفر کا عمل شروع کیا گیا ہے البتہ باقی ‏مانندہ ٹراسفرز نئے تعلمی سال کے بعد اگست میں ہوں گے سندھ میں 6 ہزار اسکولز کو کلاسٹر ‏کرکے وہاں ایک ایک سیکنڈری اسکول کے حوالے سے بھی کام کا آغاز کردیا گیا ہے اور 2 ہزار ‏سیکنڈری اسکولز کے لئے رواں سال مختلف منصوبے بنائے گئے ہیں اس سال پی ایس ٹی اساتذہ کا ‏گریڈ 9 سے بڑھا کر 14 کردیا گیا ہے۔

ان کا کہنا تھا کہ پرائمری ٹیچر بھرتی ہونے والے اساتذہ کا پرموشن ضرور ہوگا لیکن وہ پرائمری ٹیچر ‏ہی رہے گا ایم کیو ایم اگر سینیٹ کے الیکشن میں پیپلز پارٹی کا ساتھ دے گی تو اسے سیاسی ‏فائدہ ہوگا اور اسے سندھ میں ٹیکنوکریٹ اور خواتین کی نشست کے حصول میں آسانی ہوگی اور ‏پیپلز پارٹی کو فائدہ وفاق کی سیٹ کے لئے ہوگا۔

کراچی:الیکشن کمشین نے سندھ سے سینیٹ الیکشن 2021 کے امیدواروں کی حتمی فہرست جاری ‏کر دی۔

تفصیلات کے مطابق کراچی کی 7جنرل نشستوں پر10امیدوار انتخاب لڑیں گے۔ جنرل نشست پر ‏فیصل سبزواری، فیصل واوڈا، صدرالدین شاہ اور پی پی سے شیری رحمان،سلیم مانڈوی والا،جام ‏مہتاب،شہادت اعوان، تاج حیدر،صادق میمن، دوست علی جیسر جنرل الیکشن لڑیں گے۔

ٹیکنوکریٹ کی2 نشستوں پر 4امیدوارحصہ لیں گے۔ پی پی کے فارق ایچ نائیک،کریم خواجہ، پی ٹی ‏آئی کے سیف اللہ ابڑو امیدوار ہیں۔ تحریک لبیک پاکستان پہلی مرتبہ سینیٹ الیکشن میں حصہ ‏لےرہی ہے، یشااللہ خان ٹیکنو کریٹ کی سیٹ پر امیدوار ہیں۔

خواتین کی 2 نشستوں پر امیدواروں کےدرمیان مقابلہ ہوگا۔ پیپلزپارٹی کی پلوشہ، رخسانہ شاہ اور ایم ‏کیوایم کی خالدہ اطیب امیدوار ہیں۔

الیکشن کمیشن نے سندھ سے سینیٹ کی نشتوں کے لیے امیدواروں کا فارم 54جاری کر دیا ہے تاہم ‏سینیٹ امیدواروں کی حتمی فہرست 26فروری کو جاری ہوگی۔