Author: ارباب چانڈیو

کراچی: پاکستان پیپلز پارٹی کے رہنماؤں منور وسان اور کلثوم چانڈیو نے پاکستان تحریک انصاف دعا بھٹو کا موبائل فون چھین لیا۔

سندھ اسمبلی میں بجٹ پیش کرنے کے دوران اپوزیشن کی جانب سے احتجاج کیا گیا جب کہ اسی دوران کلثوم چانڈیو اور دعا بھٹو میں لڑائی ہوئی۔ دونوں نے ایک دوسرے کو کھری کھری سنا دی۔

لڑائی کے دوران کلثوم چانڈیو نے دعا بھٹو کا موبائل فون چھین کر منور وسان کو سونپ دیا اور وہ پی ٹی آئی رہنما کا موبائل لے کر ایوان سے بھاگ گئے۔

سندھ اسمبلی پیپلز پارٹی کی کلثوم چانڈیو اور تحریک انصاف کی دعا بھٹو میں لڑائی دعا بھٹو کیمطابق کلثوم چانڈیو اور منور وسان انکا موبائل چھین کر فرار ہوگئے pic.twitter.com/lh9G5miebv

— Faizullah Khan فیض (@FaizullahSwati) June 14, 2022

دعا بھٹو نے اپنے بیان میں کہا کہ کلثوم چانڈیو کو احکامات ملے تھے کہ موبائل چھینا ہے، سندھ کو ویسے ہی کھا گئے ہو مانگ لیتے ویسے ہی دے دیتی، کلثوم چانڈیو نے موبائل چھین کر منور وسان کو دیا۔

انہوں نے کہا کہ پُرامن احتجاج کر رہےتھے، وزیر اعلیٰ مراد علی شاہ نے خود ہدایت دی  موبائل چھینو، کلثوم چانڈیو اسمبلی میں بیٹھ  کر دکھائے، جوتے نہ مارے تو اپنی ماں کی اولاد نہیں۔

پی ٹی آئی رہنما نے کہا کہ چوڑیل نے مجھے مارنے کی کوشش کی، ڈپٹی اسپیکر کے پاس گئے تو انہوں نے کہا کہ وہ دیکھتی ہیں، ابھی ہم تھانے جا رہے ہیں اور ایف آئی آر کٹوائیں گے۔

سندھ حکومت نے اتحادی جماعت ایم کیو ایم کا بڑا مطالبہ مان لیا ہے ایم کیو ایم ارکان کی ترقیاتی اسکیمز بجٹ میں شامل کی جائیں گی۔

اے آر وائی نیوز کے مطابق ایم کیو ایم اور پیپلز پارٹی کے درمیان مذاکرات میں مثبت پیش رفت ہوئی ہے اور سندھ حکومت نے ایم کیو ایم کا بڑا مطالبہ مان لیا ہے جس کے مطابق آئندہ مالی سال کے لیے سندھ کے بجٹ میں ایم کیو ایم کے اراکین اسمبلی کی ترقیاتی اسکیموں کو بھی شامل کیا جائیگا۔

اس حوالے سے ذرائع نے اے آر وائی نیوز کو بتایا ہے کہ سندھ حکومت بجٹ میں ایم کیوایم کی تجویز پر اسکیمز شامل کرے گی اور ایم کیو ایم ارکان اسمبلی کو ڈیولپمنٹ کمیٹی میں شامل کیا جائے گا۔

سندھ کا بجٹ 14 جون کو پیش کیا جائیگا اور ایم کیو ایم رہنماؤن نے بجٹ تجاویز دیے جانے کی تصدیق کی ہے۔

واضح رہے کہ سندھ اسمبلی میں ایم کیو ایم کے اراکین کی تعداد 21 ہے اور متحدہ کے اراکین اسمبلی کراچی اور حیدرآباد کے لیے ترقیاتی اسکیمز جمع کرائیں گے۔

واضح رہے کہ گزشتہ روز ایم کیو ایم پاکستان نے پیپلز پارٹی سے نئے مطالبات کر دیے تھے اور کراچی وحیدرآباد کے میئر کے ساتھ کراچی کے تین اضلاع سینٹرل، ویسٹ اور ایسٹ کی ایڈمنسٹریٹر شپ بھی مانگ لی ہے۔

مزید پڑھیں: ایم کیو ایم پاکستان نے پیپلزپارٹی سے نئے مطالبات کردیے

اس حوالے سے چیئرمین پیپلزپارٹی بلاول بھٹو سے وزیراعلیٰ سندھ مزاد علی شاہ اور وزرا نے ملاقات کی ہے، جس میں ایم کیو ایم کو بلدیاتی اداروں میں حصہ دینے سے متعلق گفتگو ہوئی۔

کراچی: متحدہ قومی موومنٹ (ایم کیو ایم) پاکستان کے وفد نے شریک چیئرمین پاکستان پیپلز پارٹی سے ملاقات کی ہے، جس میں دونوں جماعتوں نے مستقبل میں بھی ساتھ مل کر چلنے پر اتفاق کیا ہے۔

اے آر وائی نیوز کی رپورٹ کے مطابق سابق صدر آصف زرداری سے ایم کیوایم کے وفد نے بلاول ہاؤس میں ملاقات کی ہے، وفد میں خالد مقبول صدیقی، کنور نوید جمیل اور دیگر رہنما شامل تھے۔ ملاقات کے دوران سیاسی صورت حال پر تبادلہ خیال کیا گیا۔

ذرائع کا کہنا ہے کہ ملاقات میں صدر مملکت کی جانب سے آئینی کردار نہ ادا کرنے پر تنقید کی گئی، ایم کیو ایم رہنماؤں نے کہا کہ وزیراعظم نے نسرین جلیل کو گورنر بنانے کی سمری ارسال کر رکھی ہے، لیکن صدر تاخیری حربے استعمال کررہے ہیں۔

آصف زرداری نے ایم کیو ایم کو سندھ حکومت میں شمولیت کی دعوت دیتے ہوئے کہا کہ ایم کیوایم جب چاہیے سندھ کابینہ کا حصہ بن سکتی ہے، ہمارے دروازے کھلے ہیں۔

ملاقات میں ایم کیوایم کو کے ایم سی میں بھرپور نمائندگی دینے اور نیا بلدیاتی نظام مل کر لانے پر اتفاق کیا گیا ہے، جبکہ بلدیاتی نظام سے متعلق سلیکٹ کمیٹی کے فیصلوں کو آگے بڑھانے پر بھی اتفاق کیا گیا ہے۔

ذرائع کا کہنا ہے کہ ملاقات میں 48 گھنٹے میں بلدیاتی نظام کی تاریخ آگے بڑھانے پر بھی گفتگو کی گئی، ایم کیوایم اور پیپلز پارٹی نے مستقبل میں بھی ساتھ مل کر چلنے پر اتفاق کیا ہے۔

پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان سے نمائندہ اے آر وائی نیوز کے سوال پر دلچسپ جواب دے دیا۔

جمعیت علما اسلام (ف) کے سربراہ مولانا فضل الرحمان سے نمائندہ اے آر وائی نیوز نے سوال کیا کہ مولانا صاحب میں اس چینل سے وابستہ ہوں جو آپ سے بے پناہ محبت کرتا ہے۔

صحافی نے کہا کہ آپ سے سوال بھی محبت والا ہے کہ ’آپ عمران خان سے محبت کرتے ہیں یا نفرت؟‘

اس پر مولانا فضل الرحمان مسکرا دیے اور صحافی کے سوال کے جواب میں کہا کہ ’آپ مجھے یہ بتائیں کہ اے آر وائی کی لائٹنگ صحیح ہے ناں۔

فضل الرحمان کے دلچسپ جواب پر نیوز کانفرنس کے دوران قہقہے گونج اٹھے۔

مذکورہ ویڈیو کلپ گزشتہ روز سوشل میڈیا پر وائرل ہوا تھا جس پر سوشل میڈیا صارفین کی جانب سے بھی دلچسپ تبصرے کیے گئے تھے۔

یاد رہے کہ گزشتہ روز پی ڈی ایم کے سربراہ مولانا فضل الرحمان نے کراچی پریس کلب میں‌ میڈیا سے گفتگو کی تھی.

آپ عمران خان سے محبت کرتے ہیں یا نفرت؟ رپورٹر کا مولانا فضل الرحمان سے سوال pic.twitter.com/LCR5eUrHsP

— Nazir Shah (@SsyedHhussain) May 12, 2022