Author: ارباب چانڈیو

بلوچستان کے 2 اہم سیاسی رہنما پیپلزپارٹی میں شامل ہونے کیلئے رضامند ہوگئے۔

ذرائع کے مطابق سابق وزیراعلیٰ بلوچستان ثنااللہ زہری اور سابق وفاقی وزیر عبدالقادر بلوچ نے پی ‏پی میں شمولیت اختیار کرنے کے لیے رضامندی کا اظہار کیا ہے۔

عبدالقادربلوچ کی سابق صدرآصف زرداری اور بلاول بھٹو سے ملاقات ہوئی جس میں انہوں نے ‏پیپلزپارٹی میں شامل ہونےکا فیصلہ کیا۔

ثنااللہ زہری اور عبدالقادر بلوچ سمیت ن لیگ بلوچستان کےکئی اہم رہنما بھی پیپلزپارٹی میں شامل ‏ہوں گے۔

اس حوالے سے چنددنوں میں پریس کانفرنس منعقد کی جائے گی جس میں سیاسی رہنما پی پی ‏میں شمولیت کا اعلان کریں گے۔

واضح رہے کہ ثناءاللہ زہری اور عبدالقادر بلوچ ن لیگ کی پالیسیوں کے خلاف احتجاجاً پارٹی سے ‏علاحدہ ہو گئے تھے۔

کراچی: سندھ کابینہ کا اجلاس 15 جون کو طلب کرلیا گیا جس میں بجٹ تجاویز کی منظوری لی جائے گی۔

اے آر وائی نیوز کے مطابق سندھ کابینہ اجلاس میں تنخواہوں و پنشن میں اضافے سے متعلق سفارشات کی منظوری دے گی، سندھ کے ٹیکس ٹارگٹ، شرح کی تفصیلات سندھ کابینہ میں پیش کی جائیں گی۔

ذرائع کا کہنا ہے کہ یونیورسٹی آف میرپورخاص کا چارٹر بھی سندھ کابینہ میں پیش کیا جائے گا۔

واضح رہے کہ سندھ حکومت آئندہ مالی سال کا بجٹ 15 جون کو پیش کرے گی، سندھ کا بجٹ وزیر اعلیٰ مراد علی شاہ بطور وزیر خزانہ سندھ اسمبلی میں پیش کریں گے، بجٹ کا حجم 12 کھرب روپے سے زائد ہوگا۔

وزیر خزانہ سندھ 15 جون کو سہ پہر 3 بجے اسمبلی ایوان میں بجٹ پیش کریں گے، 16 جون کو پوسٹ بجٹ پریس کانفرنس سندھ اسمبلی آڈیٹوریم میں ہوگی۔

ذرائع کے مطابق بجٹ میں سرکاری ملازمین کی تنخواہوں، پنشن میں 10 سے 15 فیصد اضافے کا امکان ہے۔

علاوہ ازیں بجٹ میں گریڈ ایک سے 4 تک کے ملازمین کی گروپ انشورنس 3 لاکھ سے بڑھا کر 3 لاکھ ‏‏75000 کرنے کا فیصلہ کیا ہے۔

گریڈ 5 تا 10کےملازمین کی گروپ انشورنس 3 لاکھ 50 ہزار سے بڑھا کر 4 لاکھ37 ہزار500 کیا جا رہا ‏ہے۔

گریڈ19 کے ملازمین کی گروپ انشورنس 21لاکھ سےبڑھاکر26 لاکھ25ہزار اور گریڈ20کےملازمین کی ‏گروپ انشورنس 25 لاکھ سے بڑھا کر31لاکھ25ہزار کرنے کافیصلہ کیا گیا ہے۔

کراچی: محکمہ خزانہ سندھ نے پی ایچ ڈی ملازمین کو الاؤنس دینے سے معذرت کرلی۔

اے آر وائی نیوز کے مطابق محکمہ داخلہ سندھ کا کہنا ہے کہ پی ایچ ڈی ڈگری کے حامل ملازمین کو 25 ہزار الاؤنس نہیں دے سکتے، واضح رہے کہ گزشتہ ماہ سندھ ہائیکورٹ نے تمام پی ایچ ڈی ہولڈر سرکاری ملازمین کو ماہانہ 25 ہزار روپے الاؤنس دینے کا حکم دیا تھا۔

محکمہ داخلہ سندھ کا کہنا ہے کہ محکموں کے پی ایچ ڈی افسران کا الاؤنس 250 فیصد سے زائد ہے، عدالت کے فیصلے کے خلاف اپیل کی درخواست کردی ہے۔

محکمہ خزانہ سندھ کی جانب سے محکمہ قانون کو خط لکھا گیا ہے جس میں کہا گیا ہے کہ عدالت کے فیصلے سے خزانے پر بڑا بوجھ ہوگا، وفاق، دیگر صوبوں میں بھی پی ایچ ڈی الاؤنس کا طریقہ کار نہیں بدلا ہے۔

ترجمان محکمہ خزانہ سندھ کا کہنا ہے کہ سرکاری خزانے پر بوجھ روکنے کے لیے فیصلے پر نظرثانی اپیل کی جائے گی۔

واضح رہے کہ گزشتہ ماہ عدالت نے حکم دیا تھا کہ پی ایچ ڈی ہولڈرز افسران کو ماہانہ 25 ہزار روپے الاؤنس دیا جائے۔

عدالت میں سندھ حکومت نے موقف اختیار کیا تھا کہ صرف یونیورسٹیز میں پی ایچ ڈی ہولڈرز کو 25 ہزار روپے الاؤنس دیا جارہا ہے، دیگر سرکاری پی ایچ ڈی ہولڈرز کو 10 ہزار روپے ماہانہ دیے جاتے ہیں۔

اس پر سندھ ہائی کورٹ کا کہنا تھا کہ ایسا امتیازی سلوک کیوں کیا جا رہا ہے؟ سندھ ہائی کورٹ نے حکم پر عمل درآمد کروا کر رپورٹ پیش کرنے کی ہدایت کی تھی۔

سندھ حکومت نے‎ ‎وزیراعلیٰ پنجاب عثمان بزدار‎ ‎کی پیشکش مسترد‎ ‎کر‎ ‎دی۔

صوبائی وزیر سندھ سہیل انور سیال کا کہنا ہے کہ سندھ کے ارکان اسمبلی پنجاب کے بیراجز کا ‏دورہ نہیں کریں گے ہمارااحتجاج اورشکوہ ارساسےہےپنجاب کےدورےکی ضرورت نہیں۔

سہیل سیال نے کہا کہ وزیراعلیٰ چشمہ جہلم لنک کینال،ٹی پی لنک میں پانی چھوڑنےکاجواب دیں، ‏پنجاب میں غیرقانونی طورپرلنک کینال کھولےگئے۔

واضح رہے کہ عثمان بزدار نےسندھ کےارکان اسمبلی کوپنجاب کےدورےکی دعوت دی تھی۔

دوسری جانب محکمہ آبپاشی سندھ نے دعویٰ کیا ہے کہ سندھ کو3 ارب ڈالر کا نقصان دیا گیا، ‏سندھ کورواں سیزن میں 33 اعشاریہ ایم اےایف پانی ملناچاہیےتھا، سندھ کو30اعشاریہ89ایم اے ‏ایف پانی دیا گیا۔

وزیر آبپاشی سندھ نے پنجاب کے ماہرین کو سندھ کا دورہ کرنےکی پیشکش کر دی ہے۔