Author: اصغر عمر

کراچی : سٹی کورٹ میں لائے جانے والے 14 بندر کے بچوں میں سے ایک بچے نے محکمہ جنگلی حیات کے حکام کی دوڑیں لگوا دیں۔

تفصیلات کے مطابق کراچی سٹی کورٹ میں لائے جانے والے 14 بندر کے بچوں میں سے ایک عدالت سے بھاگ گیا ، محکمہ جنگلی حیات کی ٹیم بندر کے بچے کو پکڑنے کیلئے سٹی کورٹ میں موجود ہیں، مگر تاحال کامیابی نہ مل سکی۔

کراچی ٹال پلازہ پر دوران چیکنگ چار سدہ سےآنے والی بس سے 14 بندر برآمد کیے ، ملزمان پر صوبہ سندھ کے تحفظ جنگلی حیات قوانین کے تحت کاروائی عمل میں لائی گئی۔

کرمنل کیس رجسٹرڈ کرکے بعد ڈسٹرکٹ اینڈ سیشن جج کراچی ساؤتھ میں پیش کیا گیا، تفتیشی افیسر نےعدالت کو بندر کے بچوں کو خیبر پختونخواہ واپس بھیجنے کی درخواست کی۔

عدالت نے تفتیشی افسرکی بندروں کوخیبرپختونخوابھیجنےکی درخواست مستردکردی اور کہا بندر کےبچوں کےبہتر ماحول فراہم کرنےکیلئے چڑیا گھرانتظامیہ کے حوالے کیاجائے۔
.
معزز عدالت نے ملزمان پر ایک لاکھ جرمانہ بھی عائد کرنے کا حکم دے دیا۔

کراچی : سندھ ہائی کورٹ نے آن لائن سسٹم پر حاضری نہ لگانے والے اساتذہ کی تنخواہیں روکنے کا حکم دے دیا اور کہا تنخواہیں بند ہوں گی تو اساتذہ اس فون سے بھی حاضری لگائیں گے، جس سے میل اورفیمیل کی آواز تبدیل ہوتی ہے۔

تفصیلات کے مطابق سندھ ہائی کورٹ میں سندھ میں تعلیمی اصلاحات سے متعلق درخواست پر سماعت ہوئی، عدالت نے آن لائن سسٹم پر حاضری نہ لگانے والے اساتذہ کی تنخواہیں روکنے کا حکم دے دیا۔

عدالت نے اساتذہ کی آن لائن ایپ پر حاضری کو یقینی بنانے کی ہدایت کی ، جس پر سیکریٹری تعلیم نے بتایا کہ اکثر اساتذہ کے پاس اینڈروئیڈموبائل نہیں، تو کچھ ایپ کا بہانا بنا رہے ہیں۔

چیف جسٹس نے اظہار برہمی کرتے ہوئے کہا ایپ چلانا نہیں آتا، موبائل نہیں یہ سارے بہانے ہیں، سعودی عرب سے کوئی وائس کرتا ہے تو وہ سن لیتے ہیں، ان سے گھنٹوں گھنٹوں بات کرلیتے ہیں تب سگنل آرہے ہوتے ہیں۔

چیف جسٹس کا کہنا تھا کہ یہ سارے بہانے ہیں، جو حاضری نہیں لگا رہا ان سب کی تنخواہیں بند کریں ، تنخواہیں بند ہوں گی تو اساتذہ اس فون سے بھی حاضری لگائیں گے، جس سے میل اورفیمیل کی آواز تبدیل ہوتی ہے۔

عدالت نے آئندہ سماعت پرسیکریٹری تعلیم سے پیشرفت رپورٹ طلب کرتے ہوئے سیکریٹری آئی ٹی کو بھی اساتذہ کی حاضری سے متعلق سسٹم کو اپ ڈیٹ کرنے کی ہدایت کردی۔

کراچی: سندھ ہائی کورٹ نے 3 دن تک پی ٹی آئی رہنما حلیم عادل شیخ کو کسی بھی گمنام ایف آئی آر میں گرفتار کرنے سے روک دیا۔

پی ٹی آئی رہنما اور قائد حزب اختلاف سندھ اسمبلی حلیم عادل شیخ کی ممکنہ گرفتاری کے خلاف سندھ ہائیکورٹ میں درخواست دائر کی گئی۔

حلیم عادل شیخ کے بیٹے حسن عادل شیخ نے راج علی واحد ایڈووکیٹ کے توسط سے درخواست دائر کی جس میں آئی جی سندھ کو فریق بنایا گیا ہے۔

درخواست گزار نے کہا کہ پی ٹی آئی رہنماؤں کے خلاف کریک ڈاون جاری ہے اس لیے حلیم عادل شیخ روپوش ہیں، حلیم عادل شیخ کے خلاف جتنے مقدمات کا علم ہے ان میں ضمانت حاصل کر چکے ہیں۔

جسٹس عمر سیال پر مشتمل سنگل بینچ نے حلیم عادل شیخ کو ممکنہ گرفتاری سے روکتے ہوئے نوٹس جاری کردیے۔

عدالت نے کہا کہ تین دن تک حلیم عادل شیخ کو کسی بھی گمنام ایف آئی آر میں گرفتار نہ کیا جائے۔