Author: بابر خان

لاہور کے جناح اسپتال میں طالبہ کو مردہ حالت میں چھوڑ کر جانے والے ملزم کو گرفتار کرلیا گیا۔

اے آر وائی نیوز کی رپورٹ کے مطابق گزشتہ روز لاہور کے علاقے نواب ٹاؤن کے ایک نجی میڈیکل کالج کی طالبہ کی لاش ملی تھی، لڑکی کی شناخت مریم کے نام سے ہوئی ور اس کا تعلق پنجاب کے ضلع گجرات سے تھا۔

واقعے کی سی سی ٹی وی فوٹیج منظرعام پر آنے کے بعد پتا چلا کہ لڑکی کی لاش دو نامعلوم افراد چھوڑ کر گئے تھے۔

فوٹیج ایک نوجوان کو لڑکی کو اٹھا کر کالج کے ایمرجنسی وارڈ میں داخل ہوتا دیکھا گیا جبکہ اس کا دوسرا ساتھی گاڑی میں بیٹھا انتظار کرتا رہا۔

پولیس نے طالبہ مریم کو کار میں اسپتال چھوڑنے والے مرکزی ملزم اسامہ کو گرفتار کرلیا، پولیس کا کہنا ہے کہ گرفتار ملزم لڑکی کا کلاس فیلو ہے۔

پولیس کا کہنا ہے کہ دوران تفتیش ملزم نے بتایا کہ مریم نامی لڑکی حاملہ تھی، اسقاط حمل کے دوران خون زیادہ بہہ جانے سے اس کی موت واقع ہوئی۔

مریم کے والد کا کہنا ہے کہ بیٹی ڈگری لینے گئی تھی لیکن اس کی موت کی اطلاع آگئی۔

پولیس کا کہنا ہے کہ مریم کی لاش پوسٹ مارٹم کے بعد ورثا کے حوالے کردی گئی ہے، اصل حقائق پوسٹ مارٹم رپورٹ کے بعد سامنے آئیں گے جبکہ دوسرے ملزم کی تلاش میں چھاپے مارے جارہے ہیں، ملزم کو جلد گرفتار کرلیا جائے گا۔

راولپنڈی کے علاقے شاہ خالد کالونی میں ٹک ٹاک ویڈیو سے مشہور ہونے کے چکر میں نوجوان ٹرین سے ٹکرا کر جاں بحق ہوگیا۔

نمائندہ اے آر وائی نیوز کے مطابق راولپنڈی کے علاقے شاہ خالد کالونی میں حمزہ نامی نوجوان نے ٹرین کی آمد کے عین وقت پٹری کے ساتھ چلنے کی ویڈیو ریکارڈ کرنے کی کوشش کی۔

نوجوان ویڈیو بنا رہا تھا کہ اسی دوران پیچھے سے ٹرین ہارن بجاتی ہوئی آئی مگر حمزہ کو اس کی کوئی فکر نہیں ہوئی اور وہ رفتار سے آنے والے انجن سے ٹکرا کر ایک طرف گر گیا۔

نوجوان کے سر میں شدید چوٹ آئی جس کے باعث وہ موقع پر ہی جاں بحق ہوگیا۔ حمزہ کی ٹرین سے ٹکر کی ویڈیو اے آر وائی نیوز نے حاصل کی مگر اُسے  خطرناک ہونے کی وجہ سے خبر کا حصہ نہیں بنایا جارہا۔

مزید پڑھیں: ٹک ٹاک ویڈیو بناتے ہوئے شہری اپنی زندگی سے ہاتھ دھو بیٹھا

یہ بھی پڑھیں: ٹک ٹاک کے شوق نے سیکیورٹی گارڈ کی جان لےلی

عینی شاہدین کے مطابق حمزہ نامی نوجوان راولپنڈی کے نورانی محلے کا رہائشی تھا اور وہ ویڈیو بنانے کے لیے شاہ خالد کالونی پہنچا تھا۔ پٹری کے پاس پہنچنے کے بعد نوجوان نے جب ہزارہ ایکسپریس نامی ٹرین کو دور سے آتا ہوا دیکھا  ویڈیو ریکارڈ کرنا شروع کی اور اسی دوران حادثہ پیش آگیا۔ واقعے کے بعد 1122 ریسکیو حکام نے لاش کو بے نظیر بھٹو اسپتال منتقل کیا۔

واضح رہے کہ ٹک ٹاک ویڈیو کے چکر میں نوجوان کی جان جانے کا یہ کوئی پہلا واقعہ نہیں، پاکستان سمیت دنیا بھر میں ٹک ٹاک استعمال کرنے والے نوجوان صرف ویوز کے چکر میں خطرناک اسٹنٹ کرتے ہیں جس کے دوران وہ اپنی جان بھی گنوا دیتے ہیں۔

فیصل آباد: پنجاب کے شہر فیصل آباد سے لاپتا ہونے والی دو سالہ بچی کی لاش تالاب سے برآمد کرلی گئی۔

اے آر وائی نیوز کی رپورٹ کے مطابق فیصل آباد کے علاقے ملکھا نوالہ کے رہائشی افضل کی کمسن بیٹی بدھ کو گلی میں کھیلتے ہوئے لاپتا ہوئی تھی، پولیس کا کہنا ہے کہ لاپتا بچی کی لاش تالاب سے برآمد ہوئی ہے۔

پولیس کے مطابق تھانہ صدر میں دو سال کی بچی کی گمشدگی کا مقدمہ درج کیا گیا تھا، بچی کی لاش کو پوسٹ مارٹم کے لیے الائیڈ اسپتال منتقل کردیا گیا ہے۔

لاہور سے اغوا ہونے والے 8 سالہ بچے کی لاش نالے سے برآمد

ادھر لاہور کے علاقے نشتر کالونی سے چند روز قبل اغوا ہونے والے آٹھ سال کے ارسلان کی لاش روہی نالہ سے برآمد ہوئی ہے۔

ذرائع کے مطابق نشترکالونی سےارسلان نامی بچہ چند روز قبل اغوا ہوگیا تھا،مقامی پولیس نے پہلے ٹال مٹول سے کام لیا اورمقدمہ نہیں درج کیا،بعدازاں ایس پی کی مداخلت پرمقدمہ درج کیا گیا۔

پولیس کا کہنا ہے شبہ ہے کہ ارسلان کوقتل کیاگیاہے،تمام پہلوؤں پرتفتیش کی جارہی ہے،سی سی پی اولاہورغلام محمود ڈوگر نے ایس پی ماڈل ٹاون سے رپورٹ طلب کرلی ہے۔