Author: بابر خان

لاہور میں سسرالیوں نے مبینہ طور پر بہو کو بالائی منزل سے نیچے پھینک دیا۔

اے آر وائی نیوز کے مطابق افسوسناک واقعہ گزشتہ رات لاہور کے علاقے نوناریاں چوک کے قریب شالیمار روڈ پر پیش آیا، متاثرہ خاتون مریم کو طبی امداد کے لیے اسپتال منتقل کردیا گیا ہے۔

واقعے کی سی سی ٹی وی فوٹیج بھی منظرعام پر آگئی جس میں متاثرہ خاتون کے گھر سے کچھ خواتین کے چیخنے کی آوازی بھی سنائی دیں اسی دوران خاتون کھڑکی سے نیچے گلی میں گر گئیں، خاتون کی چیخ و پکار پر اہل محلہ بھی موقع پر پہنچے۔

گلشن راوی پولیس نے متاثرہ خاتون کے بیان پر مقدمہ درج کرلیا۔

پولیس کا کہنا ہے کہ مقدمے میں خاتون کے شوہر شہزاد، دیور رومان اور ساس شازیہ نامزد ہیں۔

تفتیشی حکام کا کہنا ہے کہ شبہ ہے متاثرہ خاتون نے گھریلو ناچاقی پر خودکشی کی کوشش کی، واقعے کے حوالے سے مختلف پہلوؤں سے تحقیقات کی جارہی ہیں۔

لاہور: صوبائی دارلحکومت لاہور میں کافی شاپ کی بالائی منزل سے لڑکی نے کود کر خودکشی کرلی، لڑکی کو تشویشناک حالت میں اسپتال منتقل کردیا گیا ہے۔

تفصیلات کے مطابق لاہور کے علاقے تھانہ ڈیفنس بی کی حدود میں واقع کافی شاپ کی بالائی منزل سے لڑکی کود گئی۔

پولیس نے بتایا کہ لڑکی نیچے کھڑی گاڑی کی چھت پر گری ، لڑکی کو تشویشناک حالت میں اسپتال منتقل کردیا گیا ہے۔

گذشتہ ماہ گجرات میں 21 سالہ لڑکی نے دریائے چناب میں چھلانگ لگا کر خود کشی کرلی تھی، ریسکیو حکام کا کہنا تھا کہ جب ملاحوں نے دریائے چناب میں لڑکی کو ڈوبتے ہوئے دیکھا تو اسے بچانے کی کوشش کی لیکن وہ لڑکی زندہ بچانے میں کامیاب نہیں ہو سکے۔

لڑکی کا تعلق وزیر آباد سے تھا جو کہ گجرات کی ایک نجی یونیورسٹی میں زیر تعلیم تھی۔

لاہور کے علاقے چوہنگ میں ساس، سسر اور نند کو قتل کرنے کے الزام میں گرفتار ملزمہ نے تفتیش کے دوران میں اہم انکشافات کر دیے۔

پولیس کے مطابق ملزمہ کی شناخت فرح کے نام سے ہوئی جس نے 2010 میں پہلے شوہر کو راولپنڈی میں قتل کروایا تھا، پھر وقار نامی شخص سے شادی کر کے مقتول کی جائیداد پر قبضہ کر لیا۔

متعلقہ: شوہر نے بیوی کی ناک کو دانتوں سے کاٹ کر الگ کر دیا

پولیس نے بتایا کہ 13 سال بعد فرح نے ارسلان نامی نوجوان سے مل کر دوسرے خاوند وقار کے قتل کا منصوبہ بنایا، واقعے کے روز ملزمہ کا شوہر گھر پر موجود نہ ہونے کی وجہ سے بچ گیا۔

ملزمہ نے ارسلان کے ساتھ مل کر ساس، سسر اور نند کو قتل کیا، فرح دوسرے شوہر کو قتل کر کے ارسلان سے تیسری شادی کرنا چاہتی تھی۔