Author: بابر ملک

راولپنڈی میں نامعلوم مسلح افراد کی فائرنگ کے نتیجے میں ایڈیشنل آئی جی موٹروے شدید زخمی ہوگئے جب ‏کہ ان کے بھائی جاں بحق ہو گئے۔

پولیس کے مطابق واقعہ تھانہ نصیرآباد کی حدود میں پیش آیا جہاں نامعلوم مسلح افراد نے ایڈیشنل آئی جی ‏موٹروے سجاد افضل کی گاڑی کو نشانہ بنایا۔

مسلح افراد نے گاڑی پر فائرنگ کی جس کے نتیجے میں ایڈیشنل آئی جی موٹروےسجادافضل آفریدی زخمی اور ‏ان کے بھائی نعمان افضل جاں بحق ہوگئے۔

اطلاع ملنے پر پولیس اور امدادی ٹیمیں جائے وقوعہ پر پہنچ گئیں اور پولیس نے ملزمان کی گرفتاری کے لیے ناکہ ‏بندی کر دی ہے، ملزمان کی تلاش کے لیے بڑے پیمانے پر سرچ آپریشن جاری ہے۔

آئی جی پنجاب نے پولیس کےسینئرافسر کی گاڑی پرفائرنگ کا نوٹس لیتے ہوئے آرپی او راولپنڈی سے واقعےکی ‏رپورٹ طلب کر لی ہے۔ آئی جی پنجاب نے واقعے میں ملوث ملزمان کو جلدازجلد گرفتار کر کے سخت قانونی ‏کارروائی کا حکم دیا ہے۔

راولپنڈی کے علاقے پیرودھائی کے علاقے میں فائرنگ کا واقعہ پیش آیا، جس میں افغان شہری جاں بحق ہوگیا۔

اے آر وائی نیوز کی رپورٹ کے مطابق راولپنڈی کے علاقے پیرودھائی میں نامعلوم مسلح افراد کی فائرنگ سے ایک شخص جاں بحق ہوا۔

پولیس حکام کے مطابق مقتول کی شناخت عبدالستار کے نام سے ہوئی، جو افغان شہری تھا۔پولیس کی جانب سے کی جانے والی ابتدائی تحقیقات میں یہ بات سامنے آئی کہ مختیار کو خاندانی دشمنی کی بنیاد پر قتل کیا گیا ہے۔

پولیس کے مطابق ملزمان مقتول کے گھر مہمان بن کر آئے تھے، وہ مقتول کے سر اور سینے پر گولیاں مار کر فرار ہوگیے۔

پولیس نے جائے وقوعہ پہنچ کر مقتول کی لاش کو ضابطے کی کارروائی کے لیے اسپتال منتقل کیے جبکہ شواہد بھی اکھٹے کرلیے۔ پولیس حکام نے قتل کا مقدمہ درج کر کے ملزم کی گرفتاری کے لئے چھاپہ مار کارروائیاں شروع کردیں۔

راولپنڈی میں سنگدل ماں کی اسپتال میں زیر علاج نومولود کو قتل کرنے کی کوشش ناکام بنادی گئی۔

اے آر وائی نیوز کے مطابق راولپنڈی انسٹی ٹیوٹ آف کارڈیا لوجی (آرآئی سی) اسپتال میں سگی ماں کم سن بچے کو مارنے کی کوشش کررہی تھی کہ وارڈ نرس نے موقع پرپہنچ کربچے کی جان بچائی۔

راولپنڈی انسٹی ٹیوٹ آف کارڈیا لوجی میں ماں اور بچے کی سی سی ٹی وی فوٹیج سامنے آگئی۔

اسپتال ذرائع کے مطابق انتظامیہ کا کہنا ہے کہ بچے کی ماں سونیا بچے کو موت کے گھاٹ اتارنا چاہتی تھی، بچے کی عمر آٹھ ماہ ہے۔

اسپتال انتظامیہ نے بتایا کہ بچہ دل کے عارضے میں مبتلا ہے اور اسپتال میں زیر علاج ہے۔

ترجمان راولپنڈی پولیس کا کہنا ہے کہ آر آئی سی میں خاتون کی طرف سے اپنے بچے کا گلا دبانے کا واقعہ 14 اگست 2021 کا ہے۔

پولیس کے مطابق پولیس نے واقعہ پر فوری طور پر حسب ضابطہ کارروائی کا آغاز کیا تھا، خاتون سونیا بی بی کے شوہر منیر احمد نے پولیس کو دئیے گئے بیان میں بتایا کہ ہمارا پہلے بھی ایک بچہ نو سال زیر علاج رہنے کی وجہ سے فوت ہوگیا تھا۔

خاتون کے شوہر منیر احمد نے بتایا کہ بچے کی وفات کی وجہ سے میری بیوی کی دماغی حالت درست نہیں، ذرائع کا کہنا ہے کہ چائلڈ پروٹیکشن بیورو راولپنڈی کی ٹیم نے بچے کو حفاظتی تحویل میں لے لیا۔

راولپنڈی کے علاقے پیرو دھائی میں مدرسے کی طالبہ سے مبینہ زیادتی اور تشدد کا نشانہ بنانے والے ملزم کو گرفتار کرلیا گیا۔

اے آر وائی نیوز کے مطابق راولپنڈی پولیس نے پیرو دھائی میں مدرسہ کی طالبہ کو زیادتی کا نشانہ بنانے والے ملزم شاہ نواز احمد کو ایک اور مقدمے میں گرفتار کرلیا۔

پولیس کے مطابق ملزم نے گرفتاری سے بچنے کے لیے عبوری ضمانت کروائی تھی، ملزم کو مزاحمت کے مقدمے میں گرفتار کیا گیا ہے۔

دوسری جانب ڈی ایس پی سٹی نے متاثرہ طالبہ اور اس کی والدہ سے ان کے گھر میں ملاقات کی ہے۔

واضح رہے کہ متاثرہ طالبہ کی والدہ نے ایف آئی آر میں بتایا تھا کہ مدرسے سے فون آیا آپ کی بچی بے ہوش ہوگئی ہے اسے لے جائیں، جس کے بعد بچی نے گھر پہنچ کر بتایا کہ مدرسے کے استاد شاہنواز نے اس کے ساتھ زبردستی کی ہے۔

بچی کی والدہ نے پولیس کو بتایا کہ بیٹی کے مطابق استاد نے متعدد بار اس کے ساتھ زیادتی کی کوشش کی۔

ترجمان پولیس کا کہنا ہے کہ ملزم کو مقدمہ نمبر 21/893 بجرم 224/212 ت پ گرفتاری سے بچنے کے لیے مزاحمت کے مقدمے میں گرفتار کیا گیا۔

ملزم نے امروز 511/376 کی دفعات کے مقدمہ میں عبوری ضمانت کروائی تھی۔

سی پی او محمد احسن یونس کی ہدایات کے مطابق ایس ایس پی انویسٹی گیشن اور ایس پی راول نے مقدمات کی تفتیش اور براہ راست نگرانی کریں گے۔

پولیس کا کہنا ہے کہ مقدمات کی میرٹ پر تفتیش کو یقینی بنایا جائے گا۔

اسلام آباد: وزیراعظم عمران خان کی ہدایت پر مری میں ایک روز قبل خاتون کی واگزار کرائی گئی زمین پر مافیا نے دوبارہ قبضہ کرلیا۔

اے آر وائی نیوز کے مطابق گزشتہ روز اووسیز پاکستانی خاتون کی زمین پر قبضے کا وزیراعظم عمران خان نے نوٹس لیتے ہوئے انتظامیہ کو زمین واگزار کرانے کی ہدایت کی تھی۔

ضلعی انتظامیہ کے افسران نے مافیا سے قبضہ ختم کروادیا تھا۔

متاثرہ خاتون حاجرہ پروین کا کہنا ہے کہ ضلعی انتظامیہ کے افسران کے جانے کے بعد دوبارہ قبضہ ہوگیا، راجہ حنیف اور اس کے ساتھیوں نے رشتے داروں پر حملہ کیا، پولیس خاموش تماشائی بنی ہوئی ہے۔

متاثرہ خاتون نے فریاد کی کہ ہم زخمی ہیں، فوری مدد کی جائے، قبضہ مافیا کیا قانون سے بالاتر ہیں، دھمکیاں دی جارہی ہیں کہ کسی صورت بھی یہاں نہیں رہنے دیں گے۔

مزید پڑھیں: اوورسیز پاکستانی خاتون کی زمین پرقبضہ، وزیراعظم کا سخت نوٹس

خاتون نے وزیراعظم عمران خان سے اپیل کی ہے کہ قبضہ مافیا کے خلاف کارروائی عمل میں لائی جائے۔