قطر : بیوی نے شوہر کے موبائل میسجز پڑھ لیے، شوہر کی بے وفائی پر خاتون کی جہاز میں ہنگامہ آرائی پر پرواز بیچ سفر میں ہی اتارنا پڑی۔
تفصیلات کے مطابق مرد حضرات اپنا فون بیویوں کی پہنچ سے دور رکھیں، کہیں آپ کے ساتھ بھی ایسا نہ ہوجائے، قطر سے انڈونیشیا جانے والے جہاز میں ایرانی میاں بیوی اپنے بیٹوں کے ہمراہ سفر کر رہے تھے کہ اس دوران شوہر کی آنکھ لگ گئی۔
برطانوی نشریاتی ادارے بی بی سی کے مطابق ایرانی خاتون نے شوہر کے فنگر پرنٹ سے اس کا موبائل فون آن کرلیا اور اس میں موجود میسیجز پڑھ لئے، کسی غیرخاتون کے نامناسب میسجز پڑھتے ہی خاتون غصے سے بے قابو ہوگئیں۔
بس پھر کیا تھا سارے ٹرپ کا ستیا ناس ہوگیا، شوہر کی بے وفائی پر برہم خاتون نے جہاز میں ہنگامہ مچا دیا، دھوکہ دیتے ہو؟ شرم نہیں آئی؟ خاتون نے عملے کی سنی نہ مسافروں کی، شوہر سے ہاتھا پائی کرتی رہی۔
طیارے میں 284 مسافر سوار تھے جنہیں مذکورہ حالات میں پریشانی کا سامنا کر نا پڑا، صورتحال قابو سے باہر ہونے پرجہاز کو بھارتی شہر چنائی کے ائیرپورٹ پر ہنگامی لینڈنگ کرنا پڑی، جہاں دونوں میاں بیوی اور ان کے بیٹوں کو اتار کر جہاز اپنی منزل کی جانب روانہ ہوگیا۔
کراچی : سردیوں کی آمد کے ساتھ ہی بازاروں میں سردی کی سوغاتیں بھی نظر آنے لگیں ہیں، موسم سرما میں خشک میوہ جات قدرت کا بہترین تحفہ ہیں۔
خشک میوہ جات ذہنی اور جسمانی توانائی کا سبب بنتے ہیں اور یہ غذائیت سے بھر پور ہوتے ہیں، ان میوہ جات میں بادام، پستہ،اخروٹ، کاجو، مونگ پھلی، چلغوزے، خوبانی، ناریل، کشمش، انجیر اور دیگر شامل ہیں۔
طبی لحاظ سے میوہ جات صحت کیلیے انتہائی فائدہ مند ہیں،جس کی تفصیل کچھ اس طرح سے ہے۔
بادام: یہ کیلشیئم سے بھرپور ہوتا ہے دماغ، جگر اور آنتوں کے امراض کیلئے بے حد مفید ہے، بادام بواسیر اور اعصابی کمزوری اور گھٹیا کی بیماری میں بھی فائدہ مند ہے، بادام کے تیل کو چہرہ پر لگانے سے چہرہ ترو تازہ رہتا ہے۔
پستہ : اس کے علاوہ پستہ بھی اہمیت کا حامل میوہ ہے جو جسمانی وزن کو کم اور کولیسٹرول کو نارمل رکھتا ہے اس کے علاوہ دل کے امراض کے لئے بھی مفید ہے۔
اخروٹ : اس کی تاثیر گرم ہوتی ہے اس میں فولاد، کیلشیم، پوٹاشیم، پروٹین، زنک،فائبر، سوڈیم، سلینیم اور میگنیشیم پایا جاتا ہے، جو شوگر، بلڈ پریشر اور حاملہ خواتین کیلئے بے حد فائدہ مند ہے، اس کے علاوہ اخروٹ کیے تیل کی مالش جوڑوں کے درد کے لئے مفید ہے۔
مونگ پھلی: سردیوں کے موسم میں ملنے والی سوغات مونگ پھلی اخروٹ کا متبادل تصور کی جاتی ہے مونگ پھلی دیگر میواجات کی نسبت سستے داموں دستیاب ہے، ذیابیطس میں اس کا استعمال فائدہ مند ہے، طبی اعتبار سے یہ مقوی اعصاب ہے۔
انجیر : اس کا ذکر قرآن پاک میں بھی ہے، قدرت نے اس پھل میں بیش بہا خزانے پوشیدہ رکھے ہیں ہاضمہ کی بہتری، گردہ اور مثانے کے امراض میں بے حد مفید اور چہرے کی رنگت کو صاف رکھتا ہے، حکماء قبض، معدے میں تیزابیت اور بواسیر کے مریضوں کو اس کے استعمال کی تاکید کرتے ہیں۔
چلغوزہ : موسم سرما میں اس کو بڑی اہمیت حاصل ہے، چلغوزہ پٹھوں کی مضبوطی، مقوی دل اور مثانے میں پتھری کو ختم کرنے میں بہت پر اثر ہے، بدن کو طاقت مہیا کرتا ہے اور گردوں کے امراض کو دور کرنے میں اس کا کوئی ثانی نہیں،
سردیوں نے انٹری دی تو گرم کپڑے ،مشروبات اور خشک میوہ جات کی طلب بڑھ گئی، سردیوں کی آمد کے ساتھ ہی دکانوں میں چلغوزے، مونگ پھلی، انجیر،کاجو، کشمش، بادام، پستہ اور دیگر میوہ جات نے شہریوں کےدل للچا دیئے، خشک میوے مہنگے ضرور ہیں لیکن سردیاں ان سوغات کے بغیر ادھوری ہیں۔
لاہور : پاکستان ٹیم کے کپتان سرفراز احمد نے کہا ہے کہ گھر پر کھیلنے کا مزا ہی الگ ہے، سیکیورٹی اداروں کی جتنی تعریف کی جائے کم ہے، بہت جلد پاکستان میں ٹیسٹ میچ بھی کھیلا جائےگا۔
یہ بات انہوں نے ٹی ٹوینٹی سیریز میں شاندار کامیابی کے بعد لاہور میں میڈیا سے گفتگو کرتے ہوئے کہی، سرفراز احمد کا کہنا تھا کہ پاکستان میں کامیاب میچ آرگنائز کرانے پر پاک فو ج، حکومت اور عوام کا شکریہ ادا کرتا ہوں، قذافی اسٹیڈیم میں اتنی بڑی تعداد میں شائقین کی آمد خوشی کا باعث ہے۔
انہوں نے کہا کہ عمر امین نے آج بہت اچھی پرفارمنس دی اور فہیم اشرف نے بھی جس طرح آتے ہی لگا تار دو گیندوں پر چھکے لگا ئے یہ قابل تعریف ہے۔
ان کا کہنا تھا کہ یہ بہت اچھی بات ہے کہ پوری ٹیم کو ہوم گراؤنڈ پر کھیلنے کا موقع ملا، گھرمیں کھیلنا بہت اہمیت رکھتا ہے، اپنے ملک میں پرفارم کرنے سے داد بھی زیادہ ملتی ہے، نئے لڑکے بہت اچھا پرفارم کررہے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: پاکستان نے سری لنکا کو ٹی ٹوینٹی سیریز کے آخری میچ میں بھی 36 رنز سے شکست دے کر وائٹ واش کردیا، سری لنکا کی ٹیم 20 اوورز میں نووکٹوں کے نقصان پر 144 رنز بنا سکی۔
تفصیلات کے مطابق لاہور کے قذافی اسٹیڈیم میں کھیلے جانے والے سیریز کے تیسرے اور آخری ٹی ٹوئنٹی میچ میں پاکستان نے سری لنکا کو 36رنز سے شکست دے دی۔ محمد عامر نے 13 رنز دے کر چار کھلاڑیوں کو پویلین بھیجا۔
شعیب ملک51 اور عمرامین 45 رنز بناکر نمایاں رہے، حسن علی، عمادوسیم اور حفیظ نے ایک، ایک کھلاڑی کو آؤٹ کیا۔
بہترین کارکردگی پر شعیب ملک مین آف دی میچ قرار پائے اس کے علاوہ مین آف دی سیریز کا ایوارڈ بھی شعیب ملک کے نام رہا۔
اس سے قبل پاکستان نے تین وکٹوں کے نقصان پر 180رنز بنائے تھے اور اس کے تین کھلاڑی آؤٹ ہوئے، میچ کی خاص بات شعیب ملک کی جارحانہ بیٹنگ تھی انہوں نے 51 رنز اسکور کیے۔
نویں وکٹ: بیسویں اوور کی اگلی بال پر ہی پراسانا محمد عامر کی گیبند پر کیپر سرفراز احمد کے ہاتھوں کیچ آؤٹ ہوگئے انہوں نے 16رنز اسکور کیے۔
آٹھویں وکٹ: سری لنکا کے سشیتھ پتھیرانا بیسویں اوور کی دوسری بال پر محمد عامر کی بال پر محمد حفیظ کے ہاتھوں کیچ آؤٹ ہوگئے انہوں نے 14رنز اسکور کیے۔
ساتویں وکٹ: سترہویں اوور کی آخری بال پر سری لنکن کپتان تھیسارا پریرا حسن علی کی بال پر شاداب خان کے ہاتھوں کیچ آؤٹ ہوگئے انہوں نے دس رنز اسکور کیے۔
چھٹی وکٹ: سولہویں اوور کی چوتھی بال پر محمد عامر نے چتورنگا دی سلوا کو کلین بولڈ کردیا، انہوں نے 21 رنز اسکور کیے۔
پندرہواں اوور: سری لنکا نے میچ کے پندرہ اوور میں 104 رنز اسکور کیے اور اس کے 5 کھلاڑی آؤٹ ہوئے۔
پندرہویں اوور کی پہلی بال پر سری لنکا ٹیم نے 100 رنز مکمل کرلئے
پانچویں وکٹ: چودہویں اوور کی دوسری بال پر سری لنکا کے داسون شناکا فہیم اشرف کی بال پر 54رنز بنا کرعماد وسیم کے ہاتھوں کیچ آؤٹ ہوگئے،چودہ اوور کے اختتام پر سری لنکا کا مجموعی اسکور 99رنز ہے۔
تیرہواں اوور: کھیل کے تیرہویں اوور میں سری لنکا کے داسون شناکا نے 32 بالز پر شاندارنصف سنچری اسکور کی۔
دسواں اوور: کھیل کے دس اوور مکمل ہوگئے، سری لنکا نے دس اوور میں 66 رنز اسکور کیے اور اس کے چار کھلاڑی آؤٹ ہوئے۔
چوتھی وکٹ: نویں اوور کی چوتھی بال پر مہیلا اوداوتے فہیم اشرف کی بال پر بابر اعظم کے ہاتھوں کیچ آآؤٹ ہوگئے انہوں نے گیارہ رنز اسکور کیے۔
پانچ اوور : میچ کے پانچویں اوور میں سری لنکا کا اسکور 32 رنز تین کھلاڑی آؤٹ ہے۔
تیسری وکٹ: چوتھے اوور کی چوتھی بال پر دنوشکا گوناتھیلاکا محمد حفیظ کی بال پر نو رنز بنا کر آؤٹ ہوگئے، سری لنکا کا مجموعی اسکور 21 رنز ہے
دوسری وکٹ: تیسرے اوور کی آخری بال پر سدیرا سماراوکرانا صرف چار رنز بنا کر عماد وسیم کی بال پر بابر اعظم کے ہاتھوں کیچ آؤٹ ہوگئے۔
پہلی وکٹ : دوسرے اوور میں محمد عامر کی دوسری بال پر سری لنکا کے اوپنر دلشان موناویرا صرف ایک رن بنا کر آؤٹ ہوکر پویلین لوٹ گئے۔
بیسواں اوور: کھیل کے آخری اوور میں پاکستان کا مجموعی اسکور 179 رنز ہے اور اس کے تین کھلاڑی آؤٹ ہوئے، اس طرح پاکستان نے سری لنکا کو جیت کیلئے 180رنز کا ہدف دے دیا
انیسویں اوور : تیسری وکٹ۔ میچ کے انیسویں اوور کی چوتھی بال پر شعیب ملک 24بالز پر 51رنز بنا کر ویکوم سنجایا کی بال پر چتورنگا دی سلوا کے ہاتھوں کیچ آؤٹ ہوگئے،
اٹھارہوں اوور: کھیل کےاٹھارہویں اوور میں پاکستان کا مجموعی اسکور 147 رنز ہے اور اس کے دو کھلاڑی آؤٹ ہوئے ہیں۔ میچ کی خاص بات شعیب ملک کی جارحانہ بیٹنگ ہے۔
پندرہواں اوور: کھیل کے پندرہویں اوور کے اختتام پر قومی ٹیم کا مجموعی اسکور 108 رنزہے اور اس کے دو کھلاڑی آؤٹ ہوکر جا چکے ہیں۔ بابراعظم 22رنز اور شعیب ملک 6رنز کے ساتھ کریز پر موجود ہیں۔
کھیل کے 13.1 اوور میں قومی ٹیم نے 100رنز مکمل کرلئے، اس مجموعی اسکور میں دو کھلاڑی پویلین لوٹے۔
بارہواں اوور: دوسری وکٹ۔ پہلی بال پر عمر امین ایسورو اوڈانا کی بال پر 45رنز بنا کر تھیسارا پریرا کے ہاتھوں کیچ آؤٹ ہوگئے۔پاکستان کا مجموعی اسکور 91 رنز ہے، نئے آنے والے کھلاڑی شعیب ملک ہیں۔
دسواں اوور: پاکستان کا مجموعی اسکور 71رنزہے اور اس کا ایک کھلاڑی آؤٹ ہوا ہے۔
آٹھواں اوور:پہلی وکٹ۔میچ کے آٹھویں اوور کی آخری بال پر فخر زمان دلشان موناویر کی بال پر31 رنز بناکر آؤٹ ہوگئے، میچ کا مجموعی اسکور57رنز ہے، نئے آنے والے کھلاڑی بابراعظم ہیں۔
پانچواں اوور: کھیل کے پہلے پانچ اوورز میں پاکستان کا مجموعی اسکور 37رنز ہے اور اس کا کوئی کھلاڑی آؤٹ نہیں ہوا، پاکستان کی جانب سے عمر امین14 رنز اور فخر زمان 23رنز کے ساتھ کریز پر موجود ہیں۔
پاکستان ٹیم : کپتان سرفراز احمد ہیں، دیگر کھلاڑیوں میں عمر امین ، فخر زمان، بابر اعظم، محمد حفیظ، شعیب ملک، شاداب خان، عماد وسیم، فہیم اشرف، حسن علی اور محمد عامر شامل ہیں۔
PAK XI: U Amin, F Zaman, B Azam, S Malik, M Hafeez, S Ahmed, S Khan, I Wasim, F Ashraf, H Ali, M Amir https://t.co/Gm91odSycM#PAKvSL
سری لنکا ٹیم : کپتان تھیسارا پریرا ہیں دیگر کھلاڑیوں میں دلشان موناویرا، دنوشکا گوناتھیلاکا، سدیرا سماراوکرانا، مہیلا اوداوتے، چتورنگا دی سلوا، داسون شناکا، سشیتھ پتھیرانا، سیکوگ، پراسانا، ایسورو اوڈانا اور ویکوم سنجایا شامل ہیں۔
SL XI: D Munaweera, D Gunathilaka, Samarawickrama, M Udawatte, C de Silva, T Perera, D Shanaka, S Pathirana, S Prasanna, I Udana, V Sanjaya
تیسرے ٹی ٹوینٹی میچ میں سری لنکا کی ٹیم نے ٹاس جیت کر پہلے فیلڈنگ کا فیصلہ کیا تھا۔
ٹاس کے بعد میڈیا سے گفتگو کرتے ہوئے پاکستانی کرکٹ ٹیم کے کپتان سرفراز احمد نے کہا کہ ہوم گراؤنڈ پر کھیلنا اور انٹرنیشنل کرکٹ ٹیم کی واپسی پر بہت خوشی ہے۔
انہوں نے کہا کہ احمد شہزاد اور عثمان شنواری کی جگہ محمد عامر اور عمر امین کو موقع دیا گیا ہے، فخر زمان کے ساتھ اوپننگ کے لیے عمر یامین کو منتخب کیا گیا ہے۔
سری لنکن ٹیم کے کپتان تھیسارا پریرا نے کہا کہ تمام کھلاڑی پاکستان آکر بالکل مطمئن ہیں، مجھے اپنی ٹیم کی قیادت پر فخر ہے۔
محمد عامر آج پہلی بار ہوم گراونڈ پر پرفارم کر رہے ہیں
مایہ ناز فاسٹ بولر محمد عامر آج پہلی بار ہوم گراونڈ پر پرفارم کر رہے ہیں، غیر ملکی سرزمین پر ہوش اڑانے والے عامر آج ہوم گراؤنڈ پر ایکشن میں پاکستانی اسپیڈ گن محمد عامر حریفوں کے چھکے چھڑانے پہلی بار پاک سر زمین پرجلوہ گر ہورہے ہیں۔
دوہزار نو میں ڈیبیو کرنے والے چیمپئن بولر محمد عامر پاکستان میں اپناپہلا انٹرنیشنل میچ کھیل رہے ہیں عامر تیس ٹیسٹ، چھتیس ون ڈے اور اکتیس ٹی ٹوئنٹی میچز میں پاکستان کی نمائندگی کرچکے ہیں۔
عامر نے تمام انٹرنیشنل میچز غیر ملکی سرزمین پر کھیلے۔ عامر تینوں فارمیٹ میں ایک سو چوراسی وکٹیں لے چکے ہیں۔
پاکستان اور سری لنکا کی ٹیمیں گزشتہ رات دبئی اور ابوظہبی سےلاہور کے علامہ اقبال ایئرپورٹ پہنچیں تو پنجاب حکومت اور پی سی بی کے اعلیٰ حکام نے ان کا پرتباک استقبال کیا۔
قومی کرکٹ ٹیم رات 1 بجکر 52 منٹ پر نجی ایئرلائن کی پرواز کے ذریعے دبئی سے لاہور جبکہ سری لنکا کی ٹیم 2 بجکر 15 منٹ پر ابوظہبی سے لاہور پہنچی۔
علامہ اقبال انٹرنیشنل ایئرپورٹ پر ٹیموں کی حفاظت کے لیے فوج، پولیس، رینجرز نے سیکورٹی کے انتظامات سنبھال رکھے تھے جبکہ ایئرپورٹ سے مال روڈ پر واقع نجی ہوٹل تک تمام داخلی اور خارجی راستوں پر سخت سیکورٹی تعینات تھی۔
دونوں ٹیموں کو بلٹ پروف گاڑیوں میں بٹھا کر سخت سیکورٹی کے حصار میں نجی ہوٹل تک پہنچایا گیا، ہوٹل پہنچنے پرشائقین کرکٹ نے تالیاں بجاکر مہمان ٹیم کا والہانہ استقبال کیا۔
علاوہ ازیں سری لنکا کے وزیرکھیل بھی اپنے 24 رکنی وفد کے ساتھ لاہور پہنچے ہیں جبکہ ٹیم کے ہمراہ آنے والوں میں شعیب ملک کی اہلیہ اور مشہور بھارتی ٹینس اسٹار ثانیہ مرزا بھی تھیں۔
پاکستان کرکٹ بورڈ کے چیئرمین نجم سیٹھی نے سماجی رابطے کی ویب سائٹ پر اپنے ایک ٹویٹ میں وقت کی تبدیلی کے حوالے سے آگاہ کرتے ہوئے کہا کہ ’اندھیرے کے باعث میچ شام 7 کے بجائے 6 بجے شروع ہوگا‘۔
Match will start at 6 pm instead of 7 pm today because of smog and dew at night. Ceremonies will start at 5 pm. Come one, Come all!
قذافی اسٹیڈیم کے اطراف میں سیکیورٹی کے سخت انتظامات کیے گئے ہیں، پنجاب پولیس کے 10 ہزار اہلکاروں کے علاوہ دیگر حساس اداروں کے اہلکاروں کو بھی تعینات کیا گیا ہے جبکہ دنوں ٹیموں کے کھلاڑیوں کی سیکیورٹی کے لیے بھی سخت اقدامات کیے گئے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد : چیئرمین پی ٹی آئی عمران خان نے کہا ہے کہ نواز لیگ کی کوشش ہے جمہوریت ڈی ریل ہو، میراجرم صرف دھاندلی کیخلاف بات کرناہے۔
ان خیالات کا اظہار انہوں نے ایک نجی ٹی وی کو انٹرویو دیتے ہوئے کیا، عمران خان نے کہا کہ احتساب عدالت میں جو کچھ ہوا اس سےجمہوریت کوشکست ہوئی، حکومت سپریم کورٹ کا فیصلہ نہیں مانتی،یہ جمہوریت نہیں، چیئرمین سینیٹ کو پتہ ہونا چاہیے یہ جمہوریت نہیں ہوتی۔
ان کا کہنا تھا کہ ملک میں کہیں بھی مجرم کو پارٹی سربراہ بنانےکیلئے بل پاس نہیں ہوتا، قوم کا پیسہ بچانےکی بجائے مجرموں کو بچایا گیا۔
پنجاب اسمبلی سپریم کورٹ کے فیصلے کےخلاف بل پاس کرتی ہے، میراجرم صرف دھاندلی کےخلاف بات کرناہے، مجرمہ کو40گاڑیوں کا پروٹوکول دیا گیا، دنیا میں کہیں مجرمہ کا استقبال کرنے وزیر نہیں جاتے۔
ایک سوال کے جواب میں انہوں نے کہا کہ چیئرمین نیب کی تقرری سے متعلق مشاورت نہیں کی گئی، کیا شفاف الیکشن کی بات کرنادہشت گردی ہے۔
ہائیکورٹ الیکشن کمیشن میں پیش ہونے کا کہے گا تو پیش ہوجاؤں گا، مجھے نکالا تو یہ نہیں کہوں گا کہ مجھے کیوں نکالا؟ چیئرمین پی ٹی آئی کا کہنا تھا کہ شہبازشریف کے ڈراموں کاوقت ختم ہوچکا ہے، پنجاب میں تبدیلی کے نام پر پولیس کو ڈاکیا بناکر رکھ دیا گیا۔
انہوں نے مزید کہا کہ نوازشریف اورزرداری ایک دوسرے کی وجہ سے بچے رہے، منی لانڈرنگ میں پکڑےجائیں توپیسہ فریزہوجاتا ہے، یہ دونوں اب تک مک مکا کرکے چلتے رہے،1970کے بعد سے ملک میں آج تک شفاف الیکشن نہیں ہوئے۔
واشنگٹن : امریکی صدر ڈونلڈ ٹرمپ نے کہا ہے کہ ایران جوہری ڈیل سے دستبردار نہیں ہورہے، پاسداران انقلاب پر سخت پابندیاں لگا کر ایران کے جوہری ہتھیاروں تک راستہ ہرحال میں روکیں گے۔ ایرانی صدرحسن روحانی کا کہنا ہے کہ امریکا آج جتنا تنہا ہے پہلے کبھی نہیں تھا، تنہا جوہری ڈیل ختم نہیں کرسکتا۔
تفصیلات کے مطابق امریکی صدر نے تہران پالیسی کا اعلان کردیا، امریکی صدر ڈونلڈ ٹرمپ نے ایران پالیسی کا اعلان کرتے ہوئے کہا ہے کہ ایران جوہری ڈیل سے دستبردار نہیں ہورہے، پاسداران انقلاب پر سخت پابندیاں لگائیں گے۔
انہوں نے کہا کہ ایران سےمتعلق پالیسی پرنظرثانی کی ہے، ایران کے جوہری ہتھیاروں تک راستہ ہرحال میں روکیں گے۔ کانگریس سےکہوں گاایران ڈیل کی خامیوں کا جائزہ لے، وائٹ ہاؤس میں پالیسی کا اعلان کرتے ہوئے ٹرمپ نے پاسداران انقلاب پر دہشت گردوں کی معاونت کا الزام بھی لگایا۔
انہوں نے کہا کہ ظلم کےشکارایرانی عوام سے اظہاریکجہتی کرتےہیں، ایران جوہری ہتھیار حاصل نہ کرےاس کیلئے اقدامات کر رہےہیں۔
ٹرمپ کا کہنا تھا کہ ایران کی جانب سےبڑھتےہوئےخطرات کےباعث پابندیاں عائد کی گئی تھیں، یہ پابندیاں سابق امریکی انتظامیہ نےایران پرعائد کی تھیں، ایران کے ساتھ جوہری معاہدہ امریکا کا بدترین فیصلہ تھا، ایران مشرق وسطیٰ میں دہشت گردنیٹ ورک کوسپورٹ کررہاہے، 1979میں تہران میں امریکی سفارت خانے کے واقعے کو بھلایا نہیں جاسکتا۔
امریکی صدر نے واضح کیا کہ تہران جوہری ڈیل پر روح کے مطابق عمل نہیں کررہا، معاہدہ کسی بھی وقت ختم کرسکتے ہیں۔
امریکا تنہا جوہری ڈیل ختم نہیں کرسکتا، حسن روحانی
دوسری جانب ڈونلڈ ٹرمپ کی تہران پالیسی پر ایرانی صدر حسن روحانی نے اپنے ردعمل میں کہا ہے کہ امریکا آج جتنا تنہا ہے پہلے کبھی نہیں تھا، امریکا تنہا جوہری ڈیل ختم نہیں کرسکتا۔
ایرانی صدرکا کہنا تھا کہ برطانیہ، جرمنی اور فرانس نے بھی جوہری معاہدے پر کاربند رہنے کا فیصلہ کیا ہے۔
کراچی : برصغیرکے معروف فلمی گلوکار کشور کمار کو دنیا سے گزرے تیس برس بیت گئے لیکن ان کے گانے آج بھی مقبول عام ہیں۔
چھ سو سے زائد گانے اور آٹھ فلم فیئر ایوارڈز حاصل کرنے والے بالی ووڈ کے لیجنڈری گلوکار کشورکمار کو دنیا سے رخصت ہوئے تین عشرے گزر گئے لیکن وہ اپنی گائیکی کی بدولت آج بھی لوگوں کے دلوں میں زندہ ہیں۔
کشور کمار4 اگست 1929 کو پیدا ہوئے ان کا اصل نام ابھاس کمارتھا، وہ ایک بہترین اداکار بھی تھے انہوں نے مختلف فلموں میں اداکاری کے جوہر دکھا کر خود کو اس میدان میں بھی منوایا۔
فلم پڑوسن میں نبھائے گئے ان کے کردار کو سب سے زیادہ شہرت ملی، کوئی انہیں سنگیت کا ساگر تو کوئی انہیں کِشور دا کہتا تھا، اداکاری ہو یا گلوکاری دونوں فنون پر ہی انہیں مکمل عبورحاصل تھا۔
ویڈیو دیکھیں: ان کا گایا ہو ایک بےمثال گیت ’’ پیار دیوانہ ہوتا ہے، مستانہ ہوتا ہے‘‘ قارئین کی نذر
انہوں نے اپنے کیریئر کا آغاز1946 میں فلم ’شکاری‘ میں اداکاری سے کیا اور پہلا گانا 1948ء میں فلم ضدی کے لیے گایا، چالیس سال کے کیریئر میں کشور کمار نے پانچ سو سے زائد فلموں میں چھ سو سے زائد گانے گائے۔ انہیں بہترین گانوں پرآٹھ بارفلم فیئرایوارڈسے بھی نوازا گیا۔
وہ مقبول پلے بیک سنگرکے علاوہ نغمہ نگار، موسیقار، اداکار ،ہدایت کاراورفلم سازبھی تھے، انہوں نے اپنے دور کے تمام سپراسٹارز کو اپنی آواز عطا کی۔ ان کے گانے آج بھی سننے والوں کو سحرمیں جکڑ لیتےہیں۔
بالی ووڈ کو اپنی آواز سے امر گیت دینے والے کشور کمار نے مرنے کے بعد بھی مداحوں کو اپنا گرویدہ بنا رکھا ہے۔ کشور کمارنے اداکارہ مدھو بالا اور لینا چندر وارکر سے شادیاں کیں۔ وہ 13اکتوبر1987کو 58سال کی عمر میں دل کا دورہ پڑنے سے انتقال کرگئے۔
کراچی : پیپلز پارٹی کے رہنما مولابخش چانڈیو نے کہا ہے کہ عمران خان کو وہ بات قبول ہے جو ان کی مرضی کے مطابق ہو وہ کبھی وزیر اعظم نہیں بن سکتے، جو رعاییتیں شریف خاندان کو ملیں اتنی آج تک کسی کو نہیں ملیں، لیکن اس بارمیاں صاحب مظلوم نہیں بنیں گے۔
ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے گفتگو کرتے ہوئے کہی۔ مولابخش چانڈیو نے کہا کہ پی ٹی آئی کے چیئرمین عمران خان کو صرف وہ بات قبول ہوتی ہے جو ان کی مرضی کے مطابق ہو۔
خان صاحب جس پارلیمنٹ کو برا بھلا کہتے تھےاسی اسمبلی میں واپس بھی آئے، پیپلزپارٹی نے خان صاحب کے لانگ مارچ کی کبھی حمایت نہیں، ہم نےاس وقت بھی پارلیمنٹ کا ساتھ دیا تھا۔
انہوں نے کہا کہ عمران خان وزیر اعظم بن گئے تو کچھ نہیں ہوگا اور ویسے بھی عمران خان جیسی باتیں کرنے والا شخص وزیراعظم نہیں بن سکتا اور نہ بننا چاہیئے کیونکہ عمران خان کا رویہ وزیراعظم والانہیں۔
ایک سوال کے جواب میں ان کا کہنا تھا کہ آصف زرداری ٹھیک کہتے ہیں کہ نواز شریف نے ان کیخلاف انتقامی کارروائیاں کیں، میاں صاحب نے آصف زرداری پر کئی مقدمات بنائے لیکن ان کو عدالتوں نے باعزت بری کردیا۔
مولابخش چانڈیو کا کہنا تھا کہ کیا سرمایہ داروں نے سیاست میں آنےکا ٹھیکہ لے رکھا ہے؟ خورشید شاہ نے اگر کبھی نوکری کی ہے تو کون سا جرم کیا ہے۔
انہوں نے کہا کہ جس ملک کے ادارےخراب ہوں گے وہ کیسےترقی کرےگا، جہاں آئین ٹھیک نہ ہو وہاں ادارے کیسےکام کریں گے اور کس چیزکا استحکام آئے گا؟
کراچی : بوہری جماعت کے روحانی پیشوا سیف الدین نے کہا ہے کہ حکومت نے سیکیورٹی کے بہترین انتظامات کئے، سندھ سے محبت و امن کاپیغام لے کر واپس جاؤں گا۔
یہ بات انہوں نے کراچی میں آصف زرداری اور بلاول بھٹو کی بوہری جماعت خانہ آمد کے موقع پر ان سے ملاقات میں کہی، ملاقات میں وزیراعلیٰ سندھ سید مراد علی شاہ اور سینیٹرسلیم مانڈوی والابھی شریک تھے۔
ملاقات میں مذہبی اور باہمی دلچسپی کےامور پر تبادلہ خیال کیاگیا، بوہری جماعت کےروحانی پیشوا نے کہا کہ صوبہ سندھ صوفیوں بزرگوں کی دھرتی ہے، سندھ دھرتی کو اپنا دوسرا گھر سمجھتا ہوں، سیکیورٹی کے بہترین انتظامات پر سندھ حکومت کے تعاون کا تہہ دل سے مشکور ہوں۔
اس موقع پر آصف علی زرداری کا کہنا تھا کہ ہم اپنی دھرتی پر آنے پر آپ کو خوش آمدید کہتے ہیں، سندھ دھرتی مہمان نوازی کی ایک اعلیٰ مثال ہے، سندھ دھرتی کی پہچان محبت سچائی مہمان نوازی، صوفی ازم ہے۔
بلاول بھٹو زرداری نے کہا کہ مجھے بہت خوشی ہوئی کہ ایک روحانی پیشوا کی سندھ میں آمد ہوئی، سندھ محبت کے پرچار کی دھرتی ہے۔
کراچی : پاکستان سمیت دنیا بھر میں بزرگوں کا عالمی دن منایا گیا، عالمی دن کےموقع پر سیمینارز، ورکشاپس اور مختلف نوعیت کی تقریبات منعقد کی گئیں۔
تفصیلات کے مطابق اقوام متحدہ کے تحت پاکستان سمیت دنیا بھر میں بزرگوں کا عالمی دن منایا گیا، اس دن کے منانے کا مقصد بزرگ افراد کی ضروریات ان کے مسائل اورتکالیف کے بارے میں معاشرے کو آگاہی فراہم کرنا اور لوگوں کی توجہ بزرگ افراد کے حقوق کی طرف دلواناہے۔
اقوام متحدہ کی جنرل اسمبلی نے چودہ دسمبر انیس سو نوے کو اس دن کو باقاعدہ طور پر منانے کی منظوری دی تھی، بزرگوں کے عالمی دن کے موقع پر ملک کے مختلف شہروں میں سیمینارز، ورکشاپس اور مختلف نوعیت کی تقریبات منعقد کی جاتی ہیں جن میں ضعیف افراد کی دیکھ بھال اور ان کے حقوق سے متعلق آگاہی دی جاتی ہے۔
بزرگ زمانے کی تپتی دھوپ میں سایہ دار شجر کی مانند ہوتے ہیں، شفیق احساس، گھر کا سائبان، جھریوں بھرے چہرے پر کئی برس کی خوشیاں اورغموں کو سمیٹے ہمارے بزرگ جن کے ہاتھوں میں ایک نسل پروان چڑھی ہوتی ہے۔
ان کی خدمات کا اعتراف ہمارے لئے ممکن نہیں ہے۔ دنیا بھر میں سرکاری سطح پر بزرگوں کا خاص اہمیت اورعزت تو دی جاتی ہے تاہم پاکستان میں بزرگ افراد کے لئے قوانین تو نظر آتے ہیں لیکن عملاّ کچھ نہیں ہوتا۔
آرام کرنے کی عمر میں پینشن کے لئے دھکے کھانے ہو یا سرکاری اسپتال میں علاج کروانا ہو ضیعف العمری میں بھی کسی امتحان سے کم نہیں اور کہیں وقت کی ستم ضریفی کہ زندگی بھر اولاد کے لئے خوشیاں سمیٹنے والے ماں باپ اکثر اولڈ ہوم کی نظر ہوجاتے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
