راولپنڈی : پاک آسٹریلیا آرمی کرکٹ سیریز پاکستان آرمی نے جیت لی۔ دوسرے میچ میں پاکستان آرمی نے آسٹریلیا آرمی کو سات وکٹ سے ہرادیا۔
آرمی چیف جنرل راحیل شریف مہمان خصوصی تھے۔ راولپنڈی کے آرمی کرکٹ اسٹیڈیم میں کھیلے گئے میچ میں آسٹریلیا آرمی ٹیم نے پہلے بیٹنگ کرتے ہوئے ایک سو تینتس رنز بنائے۔
مطلوبہ ہدف پاکستان آرمی نے باآسانی تین وکٹ پر حاصل کرکے آرمی کرکٹ سیریز اپنے نام کرلی۔ آرمی چیف جنرل راحیل شریف مہمان خصوصی تھے۔ آرمی چیف نے میچ کے اختتام پر کھلاڑیوں میں انعامات تقسیم کئے۔
کھٹمنڈو : نیپال میں بھونچال نےتباہی مچادی۔ سات اعشایہ نوشدت کےزلزلے سے ہلاکتیں انیس سو تک جاپہنچی ہزاروں زخمی ہوئے۔
ملک بھرمیں سڑکیں،بجلی اورٹیلی فون کا نظام درھم برھم ہوگیا، نیپال میں سب کچھ معمول کےمطابق چل رہا تھا۔ اچانک زمین ہلی اور بھونچال آگیا۔
عمارتیں گرنے لگیں اورپھرچیخ وپکار مچ گئی، چھوٹےسےپہاڑی ملک نیپال میں سات اعشاریہ نوشدت کے زلزلے نے تباہی مچادی۔
سب سے زیادہ دارلحکومت کٹھمنڈو متاثر ہوا، کٹھمنڈو میں نومنزلہ عمارت گرگئی سیکڑوں لوگ ملبے میں پھنس گئے۔ لوگوں نےاپنی مددآپ کے تحت زخمیوں اورلاشوں کونکالا۔
زلزلے سےاسپتال بھی گرگئےتوزخمیوں کو سڑکوں پرطبی امداد دی گئی،چھٹیوں پرگئےڈاکٹراورنرسیں بھی مدد کونکل آئیں، زلزلےسےکٹھمنڈوکاتاریخی میناربھی گرگیاجس کےملبےمیں پچاس افراد دب گئے۔
اسی سال میں یہ نیپال میں آنے والا بدترین زلزلہ تھا۔ زلزلےسےبلندترین چوٹی ماؤنٹ ایورسٹ بھی متاثرہوئی۔ جہاں برفانی تودے گرنےسےکم ازکم آٹھ کوہ پیما ہلاک ہوگئے۔
کراچی : پاکستان پیپلزپارٹی آج لیاری میں سیاسی قوت کا بھرپور مظاہرہ کریگی،پیپلزپارٹی کے شریک چئیرمین آصف زرداری جلسےخطاب کریں گے۔
کراچی میں پیپلز پارٹی کے تحت ککری گراؤنڈ لیاری میں جلسے کے انتظامات کو حتمی شکل دی جا چکی ہے۔حفاظتی اقدامات کے پیش نظر مخصوص راستوں کے علاوہ جلسہ گاہ کی طرف جانے والے تمام راستوں کو کنٹینرز لگا کر سیل کردیا گیا ہے۔
جلسے کے دوران پولیس کی بھاری نفری سمیت قانون نافذ کرنے والے اداروں کے اہلکار سیکیورٹی پر مامور ہوں گے۔ دو ہزار آٹھ کے بعد یہ پہلا موقع ہے جب ککری گراؤنڈ میں پیپلز پارٹی اپنی سیاسی قوت کا مظاہرہ کرے گی۔
جلسہ میں سابق صدر آصف علی زرداری، وزیر اعلیٰ سندھ قائم علی شاہ اور دیگر رہنما کارکنان سے خطاب کریں گے۔ اس حوالے جیالوں میں کافی جوش و خروش پایا جا رہا ہے۔
کراچی : سائٹ ایریا میں نامعلوم افراد کی فائرنگ سے ایک پولیس اہلکار جاں بحق ،دوسراموٹرسائیکل حادثے میں زخمی ہوگیا ہے۔
پولیس حکام کے مطابق دونوں اہلکار سائٹ بی تھانے میں تعینات تھے اور دوران ڈیوٹی سائٹ اے تھانے جارہے تھے کہ نامعلوم افراد نے غنی چورنگی کے قریب نشانہ بنایا۔
ملزمان کی فائرنگ سے ایک اہلکار جاں بحق جبکہ دوسرا موٹر سائیکل گرنے سے زخمی ہوگیا جسے طبی امداد کیلئے سول اسپتال منتقل کردیا گیا۔
شہید پولیس اہلکار کی شناخت عادل نواز جبکہ صداقت نامی اہلکار زخمی ہوا، پولیس کے مطابق حملہ آوروں کی تعداد چھ تھی جو تین موٹر سائیکلوں پر سوار تھے اہلکاروں کی جوابی فائرنگ سے ایک ملزم زخمی بھی ہوا۔
واردات کے بعد تمام ملزمان فرار ہونے میں کامیاب ہوگئے، پولیس نے ملزمان کے زیراستعمال ایک پستول کو موقع واردات سے قبضے میں لے لیا۔سول اسپتال کے قریب نامعلوم افراد کی فائرنگ سے ایک شخص زخمی ہوا۔
اسلام آباد : قرضےکی قسط کیلئے آئی ایم ایف اور پاکستان کےمابین دبئی میں یکم مئی سےمذاکرات ہونگے،،حکومت نے ای اُو بی آئی پینشنرزکے معاوضےمیں اضافےکا اعلان کردیا۔
اس اضافے سے ای اُو بی آئی کےپینشنرزکاکم ازکم معاوضہ تین ہزار چھےسو روپےماہوار سےبڑھ کر پانچ ہزار دوسو پچاس روپےماہوار ہو جائیگا۔
اسلام آباد میں نیوز کانفرنس کرتےہوئےوفاقی وزیرخزانہ اسحاق ڈارنےبتایاکہ اس اضافے کا اطلاق یکم اپریل سےہوچکا ہے۔
اسحاق ڈارنےمزید بتایاکہ یکم سےدس مئی تک آئی ایم ایف کےساتھ قرضےکی ساتویں قسط کیلئےدبئی میں مذاکرات ہونگےجس میں معیشت کا ساتواں معاشی جائزہ لیاجائیگا۔
ایک سوال پر اسحاق ڈار نےکہاکہ وزیراعظم کی وطن واپسی پرسیاسی جماعتوں کےرہنمائوں اور پارلیمانی لیڈرزکو پاک چین اقتصادی راہداری پربریفنگ دی جائیگی۔
کھٹمنڈو : نیپال میں زلزلے نےتباہی مچادی۔ سات اعشایہ نوشدت کےزلزلے سے بارہ سوسےزیادہ ہلاک اورہزاروں زخمی ہوگئے، ملک بھرمیں سڑکیں،بجلی اورٹیلی فون کا نظام درہم برہم ہوگیا۔
نیپال میں سب کچھ معمول کےمطابق چل رہا تھا کہ اچانک زمین ہلی اوربھونچال آگیا۔ عمارتیں گرنے لگیں اورپھرچیخ وپکار مچ گئی چھوٹےسےپہاڑی ملک نیپال میں سات اعشاریہ نوشدت کے زلزلے نے تباہی مچادی،سب سے زیادہ دارالحکومت کٹھمنڈو متاثر ہوا۔
کٹھمنڈو میں نومنزلہ عمارت گرگئی سیکڑوں لوگ ملبے میں پھنس گئے۔ لوگوں نےاپنی مددآپ کے تحت زخمیوں اورلاشوں کونکالا۔ زلزلے سےاسپتال بھی گرگئےتوزخمیوں کو سڑکوں پرطبی امداد دی گئی،چھٹیوں پرگئےڈاکٹراورنرسیں بھی مدد کونکل آئیں۔
زلزلےسےکٹھمنڈوکاتاریخی میناربھی گرگیا،جس کےملبےمیں پچاس افراد دب گئے۔ رواں سال نیپال میں آنے والا یہ بدترین زلزلہ تھا۔ زلزلےسےبلندترین چوٹی ماؤنٹ ایورسٹ بھی متاثرہوئی ۔ جہاں برفانی تودے گرنےسےکم ازکم آٹھ کوہ پیما ہلاک ہوگئے۔
علاوہ ازیں نیپال میں زلزلےسے بھارت کے دارالحکومت نئی دہلی سمیت بھارت کے کئی علاقے متاثرہوئے۔ بہار میں زیادہ نقصان ہوا۔ آخری اطلاعات کے مطابق چونتیس افراد ہلاک اوردرجنوں زخمی ہوگئے زلزلے کامرکز تونیپال تھا لیکن بھارت میں بھی زمین کانپ اٹھی۔
بھارت میں اترپردیش،بہار اورسکم سمیت درالحکومت نئی دہلی ،کولکتہ،رانچی اورجےپورمیں بھی جھٹکےمحسوس کئے گئے۔ نئی دہلی میں عارضی طورپرمیٹروسروس بندکردی گئی زلزلےسے زیادہ نقصان بہارمیں ہوا اورکئی عمارتیں گرگئیں۔
مزید نقصان سے بچنےکےلئے بجلی کی فراہمی معطل کردی گئی، نیپال کی سرحد کےقریب بھارتی پہاڑی علاقوں میں بھی ہلاکتوں کاخدشہ ظاہرکیا جارہا ہے۔ جبکہ نیپال میں زلزلےسےدنیاکی بلندترین چوٹی ماؤنٹ ایورسٹ بھی ہل گئی۔
برفانی تودے گرنےسےکم ازکم دس کوہ پیماؤں کی ہلاکت کی اطلاع ہے۔ چین کےزیرانتظام تبت میں بھی زلزلےسےہلاکتیں ہوئیں، نیپال میں بھونچال نے دنیا کی سب سے بڑی چوٹی کو بھی ہلاکررکھ دیا۔
ماؤنٹ ایورسٹ سےبرفانی تودے گرنےکےنتیجےمیں کوہ پیماؤں کی زندگی خطرےمیں پڑ گئی ۔ بیس کیمپ پرموجود ایک کوہ پیما نے ویڈیواپ لوڈ کرکے بتایا کہ کئی لوگ بلندی پرپھنسےہوئے ہیںزلزلے کے جھٹکےتبت میں بھی محسوس کئے گئے جہاں کم ازکم پانچ افراد کی ہلاکت کی اطلاع ہے۔
چین کےسرکاری ٹی وی پرچینی فوجیوں کو زلزلےسےمتاثرعلاقے کی جانب دوڑتے ہوئے دکھایا گیا ہے۔
اسلام آباد / کراچی : محکمہ موسمیات نے پیش گوئی کی ہے کہ آئندہ چوبیس گھنٹوں میں موسم گرم اور خشک رہے گا۔گرمی نےشہریوں کا برا حال کردیا۔
عوام میںٹھنڈی اشیائےخورونوش کااستعمال بڑھ گیا، اورلوگ پارکوں اوردیگرمقامات میں درختوں کے نیچے پناہ لے رہے ہیں۔ لاہور سمیت پنجاب کے دیگر شہروں میں لوگ نہروں پرجا پہنچے۔
محکمہ موسمیات نے بھی کہہ دیا ہے کہ سندھ، بلوچستان، جنوبی، وسطی پنجاب اورزیریں خیبرپختونخواہ شدید گرمی کی لپیٹ میں رہیں گے۔
تاہم جبکہ مالاکنڈ، ہزارہ، مردان، کوہاٹ، پشاور،راولپنڈی، گوجرانولہ،سرگودھا ڈویژن، اسلام آباد،کشمیر اور گلگت بلتستان میں تیز ہواؤں اور گرج چمک کے ساتھ اتواراور پیرکو بارش کا امکان ہے۔
گذشتہ چوبیس گھنٹوں کےدوران ملک کے بیشتر علاقوں میں موسم گرم اورخشک رہاجبکہ سندھ،جنوبی،وسطی پنجاب اور بلوچستان کے بیشتر علاقے شدید گرمی کے زیر اثر رہے۔
گزشتہ روز سب سے زیادہ درجہ حرارت نوابشاہ میں سینتالیس ڈگری سینٹی گریڈ ریکارڈ کیا گیا۔
لندن : متحدہ قومی موومنٹ کے سینیئر ڈپٹی کنوینئر ندیم نصرت نے کہا ہے کہ کراچی کو صوبہ بنانے کا مطالبہ قائد تحریک نے نہیں،جلسے کے شرکاء نےکیا تھا۔
ندیم نصرت نےوزیراعلیٰ سندھ قائم علی شاہ کے بیان کوحقائق کے منافی قراردیا۔انہوں نے کہاکہ وزیراعلیٰ سندھ کو چاہئیے تھا کہ وہ بلاسوچے سمجھے ردعمل دینےکے بجائےالطاف حسین کا پورا خطاب سنتے یاکم ازکم اس کے مکمل مندرجات کا مطالعہ کرتے۔
صوبے کا مطالبہ کل کے اجتماع کے شرکاء نے کیا تھا جس پر قائد تحریک نے کراچی کے علاوہ دیگر صوبوں میں بھی انتظامی یونٹس کےقیام کی ضرورت پر زوردیا تھا۔
انہوں نےکہاکہ کاش وزیراعلیٰ شہری سندھ کے مسائل کے حل کیلئےکام کرتے تو عوام کو صوبہ کا مطالبہ کرنےکی ضرورت نہ پڑتی۔
کراچی : وزیر اعلیٰ سندھ سید قائم علی شاہ نےکہا ہےکہ کراچی کو صوبہ بنانےکا مطالبہ مناسب نہیں،سندھ کی وحدت تاریخی ہے۔
اُن کاکہنا تھا کہ الطاف حسین تو خودکو سندھ کا سپوت کہتےتھے اب کیا ہوا جو انہوں نے سندھ کے بٹوارے کی بات کی۔انہوں نےکہا کہ کراچی کو صوبہ بنانےکی بات بالکل غیر مناسب ہے۔
انہوں نے کہا کہ کنٹونمنٹ بورڈز الیکشن میں پیپلز پارٹی کو کامیابی ملے گی ۔وزیراعلی سندھ نےوفاقی حکومت کو تنقید کا نشانہ بناتے ہوئےکہاکہ بغیرکسی مشورےکے وفاقی حکومت نےسات لاکھ ٹن سستی اور غیر معیاری گندم منگوائی جس کی ضرورت نہیں تھی۔
لندن : وزیراعظم نوازشریف دورہ لندن میں آج برطانوی ہم منصب ڈیوڈ کیمرون اوردیگراعلیٰ برطانوی حکام سے ملاقاتیں کریں گے۔
اس موقع پردوطرفہ تعلقات، یمن کی صورتحال سمیت دیگراہم امورپرتبادلہ خیال کیا جائے گا۔ تفصیلات کے مطابق وزیراعظم نوازشریف برطانوی ہم منصب ڈیوڈ کیمرون کی دعوت پربرطانیہ کے دورے پرہیں۔
وزیراعظم آج برطانوی وزیراعظم اوردیگراہم شخصیات سے ملاقاتیں کریں گے جس میں علاقائی اورعالمی اموراوردوطرفہ تعلقات کے فروغ پربات ہوگی۔ وہ گیلی پولی مہم کی صدسالہ قومی تقریب اور اینزک ڈے میں شرکت کریں گے۔
نواز شریف برطانوی سرمایہ کاروں اور تاجروں سے بھی ملاقاتیں کریں گے اور عالمی کانفرنس میں بھی شریک ہوں گے۔
لندن میں میڈیا سے گفتگومیں وزیراعظم نوازشریف کا کہنا تھا برطانیہ، پاکستان کا قریبی دوست ہے اور ہمارے بہترین تعلقات ہیں۔
انہوں نے کہا کہ دورہ سعودی عرب میں سعودی حکومت نے پاکستان سے کوئی خواہش یا مطالبہ نہیں کیا ۔سعودی عرب برادر ملک ہے جس کی حفاظت کیلئے ہر وقت تیار ہیں۔
وزیراعظم کا یہ بھی کہنا تھا کہ چینی صدرکا دورہ دھرنوں کی وجہ سے تاخیرسے ہوا۔