Author: اعجاز الامین

میلبورن ٹیسٹ میں انگلینڈ نے آسٹریلیا کے خلاف پہلی اننگز میں چھ وکٹوں پر دو سو چھبیس رنز بنالئے ہیں۔ پہلے روز ریکارڈ نوے ہزار سے زائد افراد نے میچ دیکھنے کے لئے اسٹیڈیم کا رخ کیا۔

انگلینڈ کا ایشیز سیریز کا چوتھے ٹیسٹ میں پھر سے امتحان شروع ہوگیا ہے۔ میلبور ن میں کھیلے جانے والے میچ کا ٹاس آسٹریلیا نے جیت کر انگلینڈ کو بیٹنگ کی دعوت دی۔ مہمان ٹیم نے اننگز کا آغاز کیا تو اڑتالیس کے مجموعی اسکورپرکپتان ایلسٹر کک پویلین لوٹ گئے۔

کک نے ستائیس رنزبنائے۔ مائیکل کیربیری اڑتیس رنزبناکر وکٹ گنوا بیٹھے۔ جو روٹ بھی زیادہ دیر تک آسٹریلوی بولرز کے سامنے مزاحمت نہ کرسکے اور چوبیس رنزبناکر آؤٹ ہوگئے۔

کیون پیٹرسن نے ذمہ دارانہ بیٹنگ کی، وہ سرسٹھ رنز بناکر وکٹ پر موجود ہیں۔ پہلے روز کھیل کے اختتام تک انگلینڈ نے چھ وکٹوں پر دو سو چھبیس رنز بنالئے ہیں۔ ریان ہیرس اور مچل جونسن نے دو دو کھلاڑیوں کو آؤٹ کیا۔ پہلے روز ریکارڈ نوے ہزار سے زائد افراد نے میچ دیکھنے کے لئے اسٹیڈیم کا رخ کیا۔

ابوظہبی میں پاکستان اور سری لنکا کے درمیان چوتھا ون ڈے ملالہ یوسف زئی نے بھی اسٹیڈیم میں دیکھا اور پاکستان کی جیت پر ٹیم کو خوب داد بھی دی۔

پاکستان میں بچوں اور لڑکیوں کی تعلیم کے لیے کوشاں ملالہ یوسف زئی بھی کرکٹ کی دلدادہ نکلیں وہ پاکستان اور سری لنکا کے درمیان چوتھے ون ڈے کو دیکھنے کے لیے ابوظہبی کے شیخ زید اسٹیڈیم میں موجود تھیں اور میچ کے دوران پاکستانی کھلاڑیوں کی عمدہ کارکردگی پر انھیں تالیاں بجاکر داد بھی دیتی رہیں۔ ان کی موجودگی میں پاکستان نے سری لنکا کے خلاف سیریز بھی جیت لی۔

ابوظہبی میں سری لنکا کو شکست دے کر پاکستان رواں سال ون ڈے میں سب سے زیادہ سات سیریز جیتنے والی ٹیم بن گئی ہے۔ پاکستان میں انٹرنیشنل کرکٹ کے دروازے تو بند ہیں لیکن قومی ٹیم غیر ملکی سرزمین پرکامیابیوں کے جھنڈے ضرورگاڑرہی ہے۔ 

پاکستان نے دوہزارتیرہ میں ون ڈے سیریز کا آغاز روایتی حریف بھارت کے خلاف کامیابی کے ساتھ کیا۔ اسکاٹ لینڈ اورآئرلینڈ کمزور ٹیمیں رہیں لیکن ان کے خلاف بھی پاکستان سرخرورہا۔ جس کے بعد کالی آندھی کہلانے والی ویسٹ انڈین ٹیم کو ان کی سرزمین پر تین ایک سے مات دی۔ 

ویسٹ انڈیز کے بعد زمبابوے کو تین میچز کی سیریز میں گرین شرٹس نے اپنا نشانہ بنایا۔ جنوبی افریقہ بھی قومی ٹیم کے عتاب سے نہ بچ پائی۔ پاکستانی شاہینوں نے جنوبی افریقہ کے خلاف تاریخ ساز فتح سمیٹی اور پروٹیز کو ان کے ہوم گراؤنڈ پر شکست دینے والی پہلی ایشیائی ٹیم بھی بن گئی۔

پاکستان نے دوہزار تیرہ کا اختتام سری لنکا کے خلاف ون ڈے سیریز میں جیت کے ساتھ کردیا ہے۔ رواں سال پاکستان ایک روزہ کرکٹ میں سب سے زیادہ سات سیریز جیتنے والی ٹیم بھی بن گئی۔

اسٹارآل راؤنڈرشاہد آفریدی بیٹی کی طبیعت خراب ہونے کے باعث دبئی سے وطن واپس پہنچ رہے ہیں۔ آفریدی سری لنکا کے خلاف پانچویں ون ڈے میں ٹیم کا حصہ نہیں ہوں گے۔ پاکستان اور سری لنکا کے درمیان سیریز کا پانچواں ون ڈے کل ابوظہبی میں کھیلا جائے گا۔

اسٹار کھلاڑی شاہد آفریدی بیٹی کی طبیعت کی ناسازی کے باعث دبئی سے وطن واپس پہنچ رہے ہیں۔ وہ سری لنکا کے خلاف آخری ون ڈے میں ایکشن میں دکھائی نہیں دے سکیں گے۔ پاکستان سیریز میں پہلے تین ایک کی فیصلہ کن برتری حاصل کرچکا ہے۔

پاکستان ٹیم کے کپتان مصباح الحق کہتے ہیں کہ ٹیم ورک کی وجہ سے سیریز جیتی ہے۔ اینجلو میتھیوز کہتے ہیں انکی ٹیم ہر شعبہ میں ناکام رہی۔ مین آف دی میچ محمد حفیظ شاندار کارکردگی اپنے لیے اعزاز سمجھتے ہیں۔

گرین شرٹس ٹیم کے کپتان مصباح الحق کا کہنا ہے کہ محمد حفیظ نے شاندار پرفارمنس دکھائی۔۔ دیگر کھلاڑیوں نے بھی بھرپور محنت کی اور سیریز جیت گئے۔

مصباح الحق سری لنکن ٹیم کے کپتان اینجلو میتھیو نے کہا کہ پاکستانی ٹیم نے اچھی کرکٹ کھیلی۔

آخری میچ جیتنے کیلئے سردھڑ کی بازی لگائیں گے ساٹ اینجلو میتھیوز مین آف دی میچ محمد حفیظ کے مطابق وہ ظہیر عباس کا ریکارڈ برابر کرنا اپنے لیے اعزاز سمجھتے ہیں۔

  پروفیسر حفیظ کا کہنا تھا کہ ابتدا میں انھیں مشکلات درپیش رہیں مگر محنت رنگ لائی۔