Author: اعجاز الامین

پیکا آرڈی نینس غیرآئینی قرار دینے کا حکم نامہ عدالت عالیہ میں چیلنج

اسلام آباد : پیکا سیکشن20غیرآئینی قرار دینے کا حکم نامہ سپریم کورٹ میں چیلنج کردیا گیا، صحافتی تنظیم پی ایف یو جے نے حکومتی فیصلے کی شدید مذمت کردی۔

اس حوالے سے ایف آئی اے نے سپریم کورٹ میں درخواست دائرکردی ہے، درخواست میں کہا گیا ہے کہ بلا قانونی جواز اسلام آباد ہائیکورٹ نے پی ایف یو جے کو ریلیف دیا ہے۔

درخواست کے مطابق اسلام آباد ہائی کورٹ نے آرٹیکل 19اور19 اے کی غلط تشریح کی، پیکا کے سیکشن 20 کو بغیر کسی قانونی جواز کے غیر فعال کیا گیا۔

سپریم کورٹ سے استدعا کی گئی ہے کہ سیکشن 20 غیرفعال ہونے سے قانون شکنی کی ترغیب ملے گی، 8اپریل2022 کا اسلام آباد ہائی کورٹ کا فیصلہ معطل کیا جائے۔

دوسری جانب صحافتی تنظیم پی ایف یو جے کے سابق صدر افضل بٹ نے حکومت کے اس اقدام کی سختی سے مخالفت کرتے ہوئے حکمرانوں کو شدید تنقید کا نشانہ بنایا ہے۔

اے آر وائی نیوز سے گفتگو کرتے ہوئے انہوں نے کہا کہ حکومت کا پیکا آرڈیننس کو چیلنج کرنا شرمناک عمل ہے، یہ اقدام موجودہ حکومت کا دہرا معیار ہے۔

ان کا کہنا تھا کہ اس وقت کی اپوزیشن کی دونوں جماعتوں نے پیکا آرڈیننس پر ہمارے حق میں پٹیشن دائر کی تھی، دونوں جماعتوں نے اس وقت پیکا آرڈیننس کی ترمیم ختم کرنے کا مطالبہ کیا تھا۔

افضل بٹ نے کہا کہ ان جماعتوں کے آج کے اقدام کے بعد سمجھ نہیں آرہا کہ اب کس سے بات کی جائے، سیاسی جماعتوں کو صرف اپوزیشن میں آزادی اظہار رائے اچھی لگتی ہے۔

سابق صدر پی ایف یو جے افضل بٹ کا کہنا تھا کہ حکومت میں آتے ہی ان جماعتوں کو پریس کی آزادی کھٹکھنے لگتی ہے، ان جماعتوں کے حکومت میں آنے سے امید تھی کہ یہ اپنے وعدے پورے کریں گے۔

انہوں نے کہا تھا کہ دونوں جماعتوں نے کہا تھا کہ حکومت میں آکر پیکا ایکٹ ختم کریں گے، اب حکومت پیکا ایکٹ ختم کرنے کے بجائے اسے بحال کرنے جا رہی ہے، حکومت سے کہنا چاہتا ہوں اس معاملے پر شام تک وضاحت دے۔

مئی 7, 2022
اس تصویر میں پہلے کیا نظر آیا؟ اپنی شخصیت کے راز جانیے

تصاویر ہمارے ذہنوں پر گہرا اثر ڈالتی ہیں، اسی لیے کوئی بھی شخص جب کسی تصویر کو غور سے دیکھتا ہے اور اس تصویر میں واضح طور پر نظر آنے والی چیز ہماری سوچ اور فکر کی عکاسی کرتی ہے۔

اب ذرا اس تصویر میں دیکھیں کہ آپ کو کیا دکھائی دے رہا ہے؟ کچھ لوگوں کا جواب ہوگا کہ ہمیں اس میں پھول نظر آرہے ہیں۔ یہ تصویر دی مائنڈز جرنل نے شیئر کی ہے، اس میں کئی علامتیں ہیں۔

کچھ لوگوں کا خیال ہوگا کہ اس میں ایک کتاب، گلاب، ایک جھکا ہوا صلیب، غبارے، ایک دل، ایک شیر، ایک مسکراتا چہرہ یا ٹائی واضح طور پر دکھائی دے رہی ہے؟

یہ صرف تصویر ہی نہیں بلکہ آپ کی شخصیت کا بھی امتحان ہے کیونکہ اس میں آپ کو جو نشان سب سے پہلے نظر آتا ہے وہ آپ کی بہترین خصلت کو ظاہر کرتا ہے کہ آپ اس میں کیا دیکھتے ہیں؟

قارئین اب آپ اس تصویر کو انتہائی غور سے دیکھیں اور بتائیں کہ آپ کو سب سے پہلے کون سی علامت واضح طور پر نظر آئی یا سب سے پہلے آپ کی نظر کس چیز پر پڑی۔

یہ تصویر دی مائنڈز جرنل نے شیئر کی ہے۔ اس میں کئی علامتیں ہیں جو آپ کی آنکھ کو پکڑ سکتی ہیں، ایک کتاب، گلاب، ایک جھکا ہوا صلیب، غبارے، ایک دل، ایک شیر، ایک مسکراتا چہرہ اور ایک ٹائی۔

علامات :
دی مائنڈز جرنل کا کہنا ہے کہ اگر آپ نے کتاب کو پہلے دیکھا تو آپ کے پاس بصیرت کا تحفہ ہے۔ زیادہ تر لوگ آپ کے لیے کھلی کتاب کی مانند ہیں اور آپ کو اکثر ایسے لوگ ملتے ہیں جنہیں مشورے کی ضرورت ہوتی ہے کیونکہ وہ اپنا انتخاب خود کرنے سے قاصر ہوتے ہیں۔

اگر آپ نے پہلے گلاب کو دیکھا تو محبت آپ کا سب سے بڑا ہتھیار ہے۔ آپ جو کچھ دیکھتے ہیں اس میں سے کوئی خوبصورت چیز نکالنے میں جلدی کرتے ہیں، چاہے وہ خوبصورتی اچھی طرح سے چھپی ہو۔

آپ پرامن اور پرسکون رہنے کو ترجیح دیتے ہیں لہٰذا آپ غیر ضروری باتوں سے اجتناب کرتے ہیں، انہوں نے مزید بتایا کہ نرم مزاجی آپ کا شیوہ ہے اور آپ ہمیشہ دوسروں کو خوش کرنے کی پوری کوشش کرتے ہیں۔

اگر آپ نے جھکی ہوئی کراس (صلیب) کو پہلے دیکھا تو آپ کے پاس ضبط نفس اور نظم و ضبط کا نادر تحفہ ہے۔ کسی دوسرے کو اپنا دل دینا آپ کے لیے مشکل ہے لیکن جب آپ واقعی کسی کو چاہتے ہیں، تو آپ اسے کام کرنے کی پوری کوشش کرتے ہیں۔

آپ نے اپنے آپ کو خود پر قابو پانے کی ہمت اور حوصلہ دیا ہے اور اب آپ خود اپنی ذات کے مالک ہیں، جسے حاصل کرنے کے لیے دوسرے جدوجہد کرتے ہیں۔

اگر آپ نے پہلے غبارے دیکھے تو آپ کے پاس امید اور امید کے مزید تحفے ہیں۔ مائنڈ جرنل کے مطابق آپ ایک لاعلاج دن میں خواب دیکھنے والے ہیں جس پر آپ کا دماغ کہاں بھٹک رہا ہے اس پر کوئی کنٹرول نہیں ہے۔

اگر آپ نے پہلے دل کو دیکھا تو اس کا مطلب ہے کہ آپ کسی بھی حالت میں محبت تلاش کرنے کے لیے وقف ہیں۔ آپ چاہتے ہیں کہ تمام لوگ خوش رہیں۔

آپ کی فطری مہربانی اس بات کو یقینی بناتی ہے کہ آپ کبھی بھی کسی سے زیادہ دیر تک ناراض نہ ہوں، لوگ آپ کے پاس آتے ہیں کیونکہ آپ رحم دل اور معاف کرنے والے ہیں۔

اگر آپ نے شیر کو سب سے پہلے دیکھا تو آپ کے اندر بہت زیادہ خود اعتمادی ہے اور آپ اپنے آپ سے ایمانداری کرنے والے انسان ہیں، آپ اپنی غلطیوں سے غافل نہیں ہیں لیکن آپ انہیں اپنی اصلاح کی طرح قبول کرتے ہیں۔

اگر آپ نے مسکراتے ہوئے چہرے کو پہلے دیکھا تو اس کا مطلب ہے کہ آپ ہمیشہ چیزوں کے ہلکے پہلو کو دیکھتے ہیں اور جب لوگ آپ آس پاس ہوتے ہیں تو یہ ہمیشہ ایک دوستوں کی محفل ہوتی ہے۔

اگر آپ نے پہلی چیز کو دیکھا تو آپ انتہائی نظم و ضبط اور محنتی ہیں۔آپ کبھی بھی ایسا وعدہ نہیں کرتے جسے آپ پورا نہیں کرسکتے جب آپ کوئی کام کرتے ہیں تو آپ اس میں اپنا سب کچھ ڈال دیتے ہیں۔

آپ رکاوٹوں سے خوفزدہ نہیں ہیں اور کوئی بھی چیز جو آپ کو چیلنج کرتی ہے وہ بھی آپ کو مزید پرجوش بناتی ہے۔

مارچ 30, 2022
جوڑوں کی بیماری میں مبتلا بچہ بابراعظم سے ملاقات کا خواہشمند

کراچی : انسان ہمت اور حوصلے سے ہر وہ کام ممکن بنا سکتا ہے جس کوحاصل کرنے کی وہ ٹھان لے، چاہے وہ کام کتنا ہی کٹھن اور دشوار ہی کیوں نہ ہو۔

زندگی کی مشکلات اور اس کے مسائل تو ان افراد سے پوچھیں جو کسی خطرناک بیماری یا جسمانی معذوری کا شکار ہیں لیکن اس کے باوجود ان کے حوصلے بلند ہیں۔

اپنے مقصد کے حصول کیلئے انتھک محنت اور سچی لگن ہو تو تکلیف اور معذوری کے باوجود دنیا کی کوئی طاقت آپ کو کامیابی تک پہنچنے سے نہیں روک سکتی۔

کچھ ایسی ہی مثال کراچی کے نوجوان منیب الباری کی ہے جس نے ہمت اور بہادری کی اعلیٰ مثال قائم کردی، نوجوان نے ہمت نہیں ہاری اور وہ اپنی زندگی سے مکمل طور پر لطف اندوز ہونا چاہتا ہے۔

منیب کو چھوٹی سی عمر میں ہی جوڑوں کی بیماری نے جکڑ لیا لیکن وہ اب بھی پرعزم ہے کہ وہ ایک بہترین کرکٹر بن کر پاکستان کا نام روشن کرے گا۔

اے آر وائی سے گفتگو کرتے ہوئے منیب الباری نے بتایا کہ میرے علاوہ میرے بھائی کو بھی یہی بیماری ہے لیکن ہم نے کبھی حوصلہ نہیں ہارا، والدین نے ہمیشہ ہماری حوصلہ افزائی کی۔

منیب الباری کا کہنا تھا کہ میری خواہش ہے کہ میں آل راؤنڈر جیسا اچھا کرکٹر بنوں اور پاکستان کا نام پوری دنیا میں روشن کروں۔

اپنی بیماری کے حوالے سے اس کا کہنا تھا کہ ہمارا علاج ہو تو سکتا ہے لیکن وہ بہت مہنگا ہے جسے کرنے کی استطاعت نہیں رکھتے بس جب درد ہوتا ہے تو (پین کلر) گولی کھا لیتے ہیں۔

نوجوان نے بتایا کہ مجھے پڑھنے کا بہت شوق ہے بیماری کی وجہ سے پڑھائی چھوڑ دی تھی لیکن اب دوبارہ سے پڑھنا شروع کردیا ہے اور ساتھ ساتھ کرکٹ پریکٹس بھی جاری رکھی ہوئی ہے۔

منیب الباری نے اس خواہش کا شدت سے اظہار کیا کہ میں چاہتا ہوں قومی ٹیم کے کپتان بابراعظم سے ملوں اور ان سے اپنے بیٹ پران کا آٹوگراف لوں۔

مارچ 11, 2022
فضاء علی کی بیٹی کے ہمراہ خوبصورت تصاویر اور ویڈیو وائرل

پاکستان شوبز انڈسٹری کی معروف اداکارہ و میزبان فضا علی نے اپنی بیٹی کے ہمراہ تصاویر سوشل میڈیا پر پوسٹ کیں جو وائرل ہوگئیں۔

فضا علی نے فوٹو اینڈ ویڈیو شئیرنگ ایپ انسٹاگرام پر اپنی تصاویر پوسٹ کی ہیں جسے مداحوں کی جانب سے بہت پسند کیا جارہا ہے۔

View this post on Instagram

A post shared by Fiza Ali Official (@fiza_aali)

شئیر کی گئی تصاویر میں دیکھا جا سکتا ہے کہ اداکارہ اپنی بیٹی کے ساتھ سردیوں کی شام کو انجوائے کر رہی ہیں۔ اس سے قبل فضا علی نے فوٹو اینڈ ویڈیو شئیرنگ ایپ انسٹاگرام پر اپنی ایک تصویر شئیر کی تھی۔

View this post on Instagram

A post shared by Fiza Ali Official (@fiza_aali)

شئیر کی گئی ایک ویڈیو میں دیکھا جاسکتا ہے کہ فضا علی شرارت سے بھرپور مزاحیہ وڈیو بنا رہی ہیں جس میں وہ آدھا بسکٹ اسے کھانے کیلئے دیتی ہیں لیکن بچی اسے پوار کھا جاتی ہے جس پر وہ ایک گانے کے بول دہراتی ہیں۔

View this post on Instagram

A post shared by Fiza Ali Official (@fiza_aali)

اپنی ایک اور ویڈیو میں فضا علی اپنی بیٹی کے ساتھ نظر آرہی ہیں اس ویڈیو کی خاص بات یہ ہے کہ اس میں دونوں ماں بیٹی کا آدھا آدھا چہرہ نظر آرہا ہے اور ایک گانا گنگنا رہی ہیں۔

View this post on Instagram

A post shared by Fiza Ali Official (@fiza_aali)

اس ویڈیو کو فضا علی کے مداحوں نے خوب پسندکیا اور اپنے خیالات کا اظہار کیا ، واضح رہے کہ فضا علی انسٹاگرام پر کافی متحرک نظر آتی ہیں۔

جنوری 4, 2022
سال2021 کے عالمی واقعات اور خبروں پر ایک نظر

سال2021بھی گزر گیا اور اپنے پیچھے ہمارے لیے بہت سی خوشگوار اور افسوسناک یادیں بھی چھوڑ گیا جس کے نقش ہمارے ذہنوں میں موجود رہیں گے۔

یوں تو کرونا وائرس کی عالمی وبا کی وجہ سے سال2021 بھی دنیا کے لیے مشکل ترین سال ثابت ہوا، اس کے باوجود دنیا بھر میں بہت ایسے واقعات ہوئے جو تاریخی اہمیت رکھتے ہیں۔

سال2021دنیا کیلیے سیاسی اور معاشی طور پر بھی ہنگامہ خیز ثابت ہوا کئی ایسے سیاسی بیانات اور واقعات رونما ہوئے جن کی بازگشت ذرائع ابلاغ میں کئی دن تک سنائی دی۔

آئیے ان واقعات اور خبروں پر ایک نظر ڈالتے ہیں،

پہلے روز 3 لاکھ 71 ہزار بچوں کی پیدائش
سال2021 کے پہلے روز 3 لاکھ 71 ہزار بچوں کی پیدائش ہوئی جن میں پاکستانی بچے بھی شامل ہیں۔ اقوام متحدہ کے ادارہ برائے اطفال و بہبود (یونیسیف) کی جاری کردہ اعداد وشمار کی رپورٹ کے مطابق پاکستان میں سالِ نو کے پہلے روز14 ہزار161 بچوں کی پیدائش کا امکان ہے جو مجموعی تعداد کے حساب سے 3.8 فیصد کے قریب بنتے ہیں۔

پاک فوج نے ایل او سی پر ایک اور بھارتی کواڈ کاپٹر مار گرایا
پاک فوج نے (لائن آف کنٹرول) ایل او سی پر ایک اور بھارتی کواڈ کاپٹر مار گرایا۔ پاک فوج کے شعبہ تعلقات عامہ (آئی ایس پی آر) کے مطابق پاک فوج نے لائن آف کنٹرول کے چکوٹھی سیکٹر پر ایک اور بھارتی کواڈ کاپٹر مار گرایا۔ ترجمان پاک فوج کے مطابق بھارتی جاسوس ڈرون چکوٹھی سیکٹر پر 500 میٹر پاکستانی حدود میں داخل ہوگیا تھا۔

افغانستان میں خود کش کار دھماکا: 14 افغان فوجی ہلاک
افغانستان کے صوبے ننگر ہار میں فوجی اڈے پر کیے گئے خودکش کار بم حملے کے نتیجے میں14 افغان فوجی مارے گئے۔ ذرائع کے مطابق حملے کی ذمہ داری طالبان نے قبول کرلی ہے۔ افغان میڈیا کے مطابق ننگرہار کے ضلع شیرزاد میں فوجی چیک پوسٹ پر تیز رفتار کار آکر ٹکرا گئی جس سے زوردار دھماکا ہوا اور چیک پوسٹ مکمل طور پر تباہ ہوگئی، حملہ آور دھماکا خیز مواد سے لدی ایک گاڑی پر سوار تھا۔

اٹلی کے وزیراعظم جوزیپے کونتے نے عہدے سے استعفیٰ دے دیا۔
اٹلی : اطالوی وزیراعظم جوزیپے کونتے بڑے پیمانے پر اتحاد کے ساتھ دوبارہ حکومت بنانے کے لیے باضابطہ طور پر اپنے عہدے سے مستعفی ہوگئے۔
جوزیپے کونتے کا پارلیمنٹ میں کہنا تھا کہ اس تقریر کے بعد ملک کے صدر کے پاس جاکر انہیں موجودہ حکومت کے خاتمے کی باقاعدہ اطلاع دوں گا اور اپنا استعفیٰ ان کے حوالے کروں گا۔

معروف اینکر لیری کنگ کورونا سے چل بسے
امریکا کے معروف ٹی وی اینکر پرسن لیری کنگ کرونا وائرس سے لڑتے لڑتے زندگی کی بازی ہار گئے۔ لیری کنگ کی موت کی تصدیق اُن کے سماجی رابطے کے اکاؤنٹ سے چینل انتظامیہ نے کی اور بتایا کہ وہ لاس اینجلس کے اسپتال میں زیر علاج تھے۔بیان میں بتایا گیا ہے کہ وہ آج صبح 87 برس کی عمر میں دار فانی سے کوچ کرگئے۔

امریکہ میں بدترین برفانی طوفان
امریکی ریاستوں میں سال2021کا موسم سرما ہلاکت خیز ثابت ہوا ہے۔ امریکہ میں پڑنے والی جان لیوا سردی کئی افراد کی جان لے گئی برفباری اور طوفان کے باعث بجلی اور پانی کا نظام درہم برہم ہوگیا، ٹيکساس کو آفت زدہ قرار دیا گیا ہے۔ ٹیکساس، کینٹکی اور مسوری میں متعدد افراد ہلاک جان کی بازی ہار گئے۔

بھارتی شمشان گھاٹوں اور قبرستانوں میں لاشوں کے انبار
بھارت میں کورونا وائرس سے اتنی زیادہ تعداد میں اموات ہوئیں کہ شمشان گھاٹوں میں آخری رسومات کے لیے گھنٹوں انتظار کرنا پڑا جبکہ بعض مقامات پر قبرستانوں میں جگہ کم پڑ جانے کے باعث لاشوں کی اجتماعی تدفین کی گئی۔

ٹرمپ کے حامیوں کی ہنگامہ آرائی
امریکہ کے صدر ڈونلڈ ٹرمپ کے ہزاروں حامیوں کی جانب سے کانگریس کی عمارت کیپٹل ہل میں ہنگامہ آرائی اور حملے کے بعد دارالحکومت واشنگٹن ڈی سی میں کرفیو نافذ کر دیا گیا تھا۔
مظاہرین نے کیپٹل ہل پر اُس وقت چڑھائی کی جب نومبر میں ہونے والے صدارتی انتخابات کے نتائج کی توثیق کے لیے کانگریس کے دونوں ایوانوں کا مشترکہ اجلاس جاری تھا۔

جارج فلائیڈ کے قاتل کو سزا
جارج فلائیڈ کی ہلاکت کے ذمہ دار سابق پولیس افسر ڈیرک شاوین کو عدالت نے ساڑھے22 سال اور چھ ماہ قید کی سزا سنائی، مئی 2020 میں مینی پولیس میں افریقی نژاد امریکی شخص جارج فلائیڈ کے قتل کے لیے مجرم قرار دیے جانے والے سابق امریکی پولیس افسر کو 22 سال اور چھ ماہ قید کی سزا سنائی گئی۔ 45 سالہ سابق پولیس افسر کو مئی 2020میں مینیپولیس میں افریقی نژاد امریکی شخص جارج فلائیڈ کے قتل کے لیے مجرم قرار دیا گیا تھا۔

اسرائیل کی غزہ پر وحشیانہ بمباری
غزہ شہر میں اسرائیلی فضائی حملوں میں کئی عمارتیں زمین بوس ہوئیں، لڑائی میں ایک اندازے کے مطابق مجموعی طور پر181 فلسطینی غزہ میں ہلاک ہوئے جن میں 52 بچے اور31 خواتین شامل تھیں، جبکہ ایک ہزار225افراد زخمی ہوئے۔ دوسری جانب اسرائیل میں 8 شہری ہلاک ہوئے، جس میں ایک پانچ سالہ بچہ اور ایک فوجی اہلکار شامل ہے۔

آخری امریکی فوجی افغانستان سے روانہ
امریکہ اور طالبان کے درمیان افغانستان سے غیر ملکی افواج کے انخلا کے لیے 31 اگست کی ڈیڈلائن طے پائی تھی۔ امریکی انخلا مکمل ہونے پر طالبان نے ہوائی فائرنگ کر کے جشن منایا۔ میجر جنرل کرس ڈوناہو امریکہ سے روانہ ہونے والے سی17 طیارے میں سوار ہونے والے وہ آخری امریکی فوجی تھے۔

نہر سوئز میں بحری جہاز پھنس گیا
مصر کی معروف نہر سوئز میں ایک دیو ہیکل مال برادر بحری جہاز کے پھنسنے کی وجہ سے وہاں پر تمام مال بردار بحری جہازوں کی آمد و رفت بند کردی گئی تھی "ایور گیون” نامی جہاز قابو میں نہ رہا اور سمت مُڑ جانے سے اس نے نہر کو بلاک کر دیا۔ تاہم چھ روز کلی مسلسل کوششوں کے بعد جہاز کو روانہ کرکے راستہ بحال کیاگیا۔

ابراہیم رئیسی ایران کے نئے صدر منتخب
ایران کے صدارتی انتخاب کے بعد صدارتی امیدوار ابراہیم رئیسی نے دیگر تین امیدواروں کو شکست دے کر کامیابی حاصل کی، صدارتی انتخاب کے دیگر تینوں امیدواروں نے ابراہیم رئیسی کو ایران کا صدر منتخب ہونے پر مبارکباد بھی پیش کی۔ سبکدوش ہونے والے اعتدال پسند صدر حسن روحانی نے ابراہیم رئیسی کا نام لیے بغیر کہا کہ میں لوگوں کو ان کی پسند پر مبارکباد دیتا ہوں۔

آنگ سان سوچی کو چار سال قید کی سزا
میانمار کی سیاسی رہنما نوبیل انعام یافتہ آنگ سان سوچی جنہیں ملک میں فوجی بغاوت کے موقع پر حراست میں لیا گیا تھا کو پہلے چار برس کی قید کی سزا سنائی گئی بعد ازاں عدالت نے ان کلی سزا میں کمی کرتے ہوئے اسے دو برس کردیا۔
آنگ سان سوچی کو لوگوں کو حکومت کے خلاف بغاوت پر اکسانے اور کورونا وائرس سے متعلق قواعد کی خلاف ورزی کے الزامات میں سزا سنائی گئی تھی۔

بھارتی کسانوں نے احتجاجی تحریک ختم کردی
بھارت میں کسانوں نے حکومت کی متنازعہ زرعی اصلاحات واپس لینے پر رضامندی کے بعد ایک سال سے جاری احتجاج ختم کرنے کا اعلان کیا۔ یہ فیصلہ وزراء کی طرف سے پیداوار کی ضمانتی قیمتوں سمیت دوسرے مطالبات پر غور کرنے پر اتفاق کئے جانے کے بعد کیا گیا۔

دبئی ایکسپو2020
مشرق وسطیٰ میں منعقد ہونے والا دنیا کا سب سے بڑا ایونٹ دبئی ایکسپو2020 نے دنیا بھر کے سیاحوں کو اپنی جانب راغب کیا، گذشتہ ہفتے دبئی ایکسپو2020 کے منتظمین نے بتایا تھا کہ عالمی نمائش کو آغاز کے بعد سے اب تک ستر لاکھ سے زیادہ افراد دیکھنے کے لیے آچکے ہیں جبکہ اسی ماہ کوویڈ-19 کے بڑھتے ہوئے خدشات کے تناظر میں احتیاطی تدابیر کے طور پرعالمی میلے میں کچھ سرگرمیاں معطل کردی گئی ہیں۔

ٹی20 ورلڈ کپ2021
متحدہ عرب امارات اور عمان میں ہونے والا ساتواں ٹی ٹوئنٹی ورلڈ کپ کے کھیلے جانے والے فائنل میچ میں آسٹریلیا نے نیوزی لینڈ کو باآسانی شکست دے کر عالمی چیمپئن شپ جیت لی۔ آسٹریلیا پہلی بار ٹی ٹوئنٹی کا عالمی چیمپئن بن گیا۔
ورلڈ کپ ایونٹ کے سب سے اہم میچ میں پاکستان نے بھارت کو دس وکٹوں سے ہرا کر نئی تاریخ رقم کی، پاکستان کو جیتنے کے لیے152 رنز کا ہدف ملا تھا جو اس نے 18ویں اوور میں بغیر کسی نقصان کے حاصل کرلیا تھا۔

دسمبر 30, 2021
سال2021: پاکستان میں نمایاں کارنامے سرانجام دینے والی شخصیات

کراچی : پاکستان میں جہاں ایک طرف سیاسی اور معاشی معاملات میں انتشار کا عالم ہے تو دوسری جانب ایسے لوگ بھی ہیں جنہوں نے اپنی زندگی میں ایسے کارہائے نمایاں سرانجام دیے جس سے دنیا بھر میں وطن عزیز کا مثبت تاثر ابھر کر سامنے آیا۔

ان میں سے چند نمایاں نام ایسے ہیں جن کی ماہرانہ کارکردگی پر قوم کو فخر ہے اور ہم آج اس رپورٹ میں ان ہی شخصیات کا تفصیلی ذکر کریں گے۔

ڈاکٹر ثانیہ نشتر، چیئرپرسن احساس پروگرام
ڈاکٹر ثانیہ نشتر کا نام کسی تعارف کا محتاج نہیں، سماجی تحفظ اور تخفیفِ غربت پر وزیرِاعظم کی خصوصی معاون کئی لحاظ سے انتہائی اعلیٰ پائے کی رہنما ہیں۔

اپنی زندگی میں اُنہوں نے جو بے مثال کامیابیاں حاصل کی ہیں کوئی بھی انسان اُن کا محض خواب ہی دیکھ سکتا ہے۔ سرکاری اداروں، سول سوسائٹی اور بین الاقوامی تنظیموں سمیت ہر طرح کے منفرد تجربے کی بدولت وہ پاکستان کے موجودہ حالات میں ایک کلیدی کردار ادا کر رہی ہیں۔

احساس کفالت پروگرام :

یہ پروگرام حکومت کا فلاحی ریاست کی جانب سے ایک اور اہم قدم ہے جس کے تحت ملک بھر سے 70لاکھ مستحق گھرانوں کی خواتین کو ماہانہ دو ہزار روپے وظیفہ اور بچت بینک اکاؤنٹ کی سہولت فراہم کی جارہی ہے۔

اس کے علاوہ خصوصی افراد کی فلاح و بہبود کیلئے بھی اقدامات کیے گئے ہیں جس سے 20لاکھ خاندان مستفید ہوں گے جبکہ احساس بچت اکاؤنٹ سے بھی خواتین کو مختلف سہولیات فراہم کی جارہی ہیں۔

عدنان ملک :
عدنان ملک پاکستان کے وہ بہادر سپوت ہیں جنہوں نے سیالکوٹ فیکٹری میں سری لنکن باشندے پریانتھا کمارا کو مشتعل ہجوم سے بچانے کی کوشش کی۔

اپنی اس کوشش میں وہ پریانتھا کمارا کو بچا تو نہ سکے لیکن اپنی جانب خطرے میں ڈال کر مقتول منیجر کی جان بچانے کی کوشش کرتے رہے۔

وزیراعظم پاکستان عمران خان نے عدنان ملک کی اس کاوش کو سراہتے ہوئے ان کو بطور خاص وزیراعظم ہاؤس مدعو کیا اور ان کیلئے تمغہ شجاعت کا اعلان کیا۔

کپتان بابر اعظم :
قومی کرکٹ ٹیم کے موجودہ کپتان بابراعظم کو دنیا کے بہترین بلے بازوں میں شمار کیا جاتا ہے، بابر اعظم کی حالیہ ہونے والے ٹی ٹوئنٹی ورلڈ کپ میں کارکردگی سب کے سامنے ہے وہ اپنی ٹیم کو کامیابی کے ساتھ اور مسلسل 5 میچوں میں ناقابل شکست رہتے ہوئے قومی ٹیم کو سیمی فائنل تک لے کرگئے۔

یہاں یہ بات قابل ذکر ہے کہ ورلڈ کپ میں روایتی حریف بھارت کیخلاف بہترین حکمت عملی کا مظاہرہ کرتے ہوئے قومی ٹیم نے دس وکٹوں سے عبرتناک شکست دی تھی۔

بابراعظم ون ڈے کرکٹ میں تیز ترین ایک ہزار رنز بنانے والے مشترکہ طور پر پہلے، تیز ترین دو ہزار ون ڈے رنز بنانے والے مشترکہ طور پر دوسرے اور تیز ترین 3000 ون ڈے رنز بنانے والے دنیا کے دوسرے بلے باز ہیں۔

اس کے علاوہ دنیا کے کسی بھی بلے باز کی جانب سے پہلے25 ون ڈے اننگز کے بعد سب سے زیادہ رنز بنانے کا ریکارڈ بھی ان کے پاس ہے۔

کوہ پیما محمد علی سدپارہ :
کوہ پیمائی میں پاکستان کا سب سے بڑا نام محمد علی سدپارہ ہے جنہوں نے سال2016 میں دنیا کی نویں بلند ترین چوٹی نانگا پربت کو کامیابی سے سر کیا۔

دنیا کی دوسری بلند ترین چوٹی کے ٹو موسم سرما میں سر کرنے کی دھن نے متعدد کوہ پیماؤں کو موت کے گھاٹ اتار دیا۔ کوہ پیما محمد علی سدپارہ کا نام بھی ان ہی جانبازوں میں شمار ہوتا ہے۔

45سالہ محمد علی سدپارہ موسم سرما میں کے ٹو سر کرکے تاریخ رقم کرنے کیلئے رواں سال ماہ فروری میں گھر سے نکلے تھے۔ اس مہم میں ان کے ہمراہ اُن کے صاحبزادے ساجد سدپارہ بھی موجود تھے۔

قومی ہیرو اور کے ٹو پہاڑی سر کرنے کے دوران لاپتہ ہوگئے تھے، کوہِ پیما محمد علی سدپارہ کی لاش 26 جولائی کو ملی، قوم کے اس ہیرو کو پہاڑوں کے درمیان دفن کردیا گیا۔

ایتھلیٹ ارشد ندیم :
پاکستان کے24 سالہ ایتھلیٹ ارشد ندیم نے ٹوکیو اولمپکس میں جیولن تھرو کے فائنل راؤنڈ کے لیے کوالیفائی کرتے ہوئے دنیا بھر میں پاکستان کا نام روشن کیا۔

رواں سال 4اگست کو ہونے والے مقابلے میں ارشد ندیم نے85.16 میٹر کے فاصلے پر جیولن پھینک کر گروپ بی میں پہلی پوزیشن حاصل کی۔

تاہم ٹوکیو اولمپکس کے فائنل میں ارشد ندیم جیولین تھرو کے مقابلے میں میڈل کی دوڑ سے باہر ہوگئے، ارشد ندیم نے اپنی پہلی تھرو 82.40 میٹر دور پھینکی تاہم میڈل کے حصول کی جدوجہد کو اس وقت دھچکا لگا جب وہ دوسری تھرو میں فاؤل کرگئے۔

ہر سال کی طرح اس سال بھی اے آر وائی نیوز نے "پرسن آف دی ایئر2021″ کے نام سے ایک پول کا اہتمام کیا ہے، صارفین ان پانچ شخصیات میں سے کسی کو بھی اپنا ووٹ دے کر سال کی بہترین شخصیت کا انتخاب کرسکتے ہیں۔

دسمبر 13, 2021
واٹس ایپ کا تمام چیٹس کو ازخود غائب کرنے والے فیچر سے متعلق اعلان

واٹس ایپ اب آپ کو تمام چیٹس کو بطور ڈیفالٹ غائب کرنے کی اجازت دیتا ہے، اس کے غائب ہونے والے پیغامات کی خصوصیت کو اپ گریڈ کیا جا رہا ہے۔

واٹس ایپ اپنے غائب ہونے والے پیغامات کے فیچر میں نئی فعالیت شامل کر رہا ہے، جس کی مدد سے صارفین چیٹ میں پیغامات کو مقررہ مدت کے بعد خود بخود ڈیلیٹ کرسکتے ہیں۔

واٹس ایپ کا کہنا ہے کہ صارفین کے پاس اب غائب ہونے والے پیغامات کو اپنی تمام نئی ون آن ون چیٹس کے لیے خود بخود آن کرنے کا اختیار ہوگا تاکہ مستقبل کے تمام پیغامات سروس سے خود بخود حذف ہوجائیں۔

میٹا کی ملکیت والی میسجنگ سروس کا یہ بھی کہنا ہے کہ وہ صارفین کو مزید اختیارات دے رہی ہے کہ پیغام کو حذف ہونے سے کتنی دیر پہلے۔ جب گزشتہ سال نومبر میں پہلی بار یہ فیچر شروع کیا گیا تھا۔

اس دوران صارفین کے پاس صرف سات دن بعد پیغامات غائب ہونے کا اختیار تھا، تاہم آگے بڑھتے ہوئے انہیں صرف 24 گھنٹے یا 90 دن کے بعد حذف کرنے کا آپشن بھی ہوگا۔ نئی فعالیت کو پہلے ترقی پذیر ہونے کی اطلاع دی گئی تھی۔

واٹس ایپ نوٹ کرتا ہے کہ غائب ہونے والے پیغامات کو بطور ڈیفالٹ آن کرنے سے موجودہ چیٹس متاثر نہیں ہوں گی۔ جب آپ نئی ون آن ون چیٹ شروع کرتے ہیں، تو ایک نوٹس نظر آئے گا جس میں کہا جائے گا کہ غائب ہونے والے پیغامات کی خصوصیت آن ہے۔

اس کے ساتھ ایک نوٹ جس میں لکھا ہے کہ یہ بطور ڈیفالٹ آن ہے (لہذا آپ کے رابطے یہ نہ سوچیں کہ یہ کوئی ذاتی چیز ہے)۔ آپ کے پاس انفرادی چیٹس کے لیے ترتیب کو آف کرنے کا اختیار بھی ہے۔

اگرچہ نئی ڈیفالٹ سیٹنگ گروپ چیٹس کو متاثر نہیں کرتی، واٹس ایپ کا کہنا ہے کہ اس نے گروپ بناتے وقت ایک نیا آپشن شامل کیا ہے تاکہ آپ غائب ہونے والے پیغامات کی خصوصیت کو فعال کرسکیں۔

واٹس ایپ کا کہنا ہے کہ نئی خصوصیات اب تمام پلیٹ فارمز پر دستیاب ہیں۔ ان تھری ایم فور کے استعمال کے بارے میں ہدایات واٹس ایپ کے اکثر پوچھے گئے سوالات میں مل سکتی ہیں۔

دسمبر 7, 2021
سعودی عرب میں کاروبار کرنے والے غیرملکیوں کیلئے اہم اعلان

پبلک پراسیکیوشن کی جانب سے سعودی عرب میں تجارتی پردہ پوشی میں ملوث شہریوں اور غیرملکیوں کو انتباہ دیتے ہوئے کہا ہے کہ دی گئی مہلت کے دوران تجارتی معاملات درست کرلیے جائیں۔

سعودی ذرائع ابلاغ کے مطابق ادارہ پراسیکیوشن کے آفیشل ٹوئٹراکاؤنٹ پر کہا گیا ہے کہ وہ افراد جو تجارتی پردہ پوشی میں ملوث ہیں انہیں چاہئے کہ قانونی دائرے میں آنے کے لیے دی گئی مہلت سے فائدہ اٹھائیں اور اپنے معاملات درست کرلیں۔

انتباہی نوٹ میں مزید کہا گیا ہے کہ وزارت تجارت کی جانب سے دی گئی مہلت ختم ہونے کے بعد ایسے افراد کے خلاف سخت قانونی چارہ جوئی کی جائے گی جو اس میں ملوث پائے جائیں گے۔

واضح رہے سعودی عرب میں سرمایہ کاری کے ویزے کے علاوہ تمام اقسام کے ورک ویزوں پرمقیم غیرملکیوں کو کسی بھی طرح سعودی شہریوں کے ساتھ مل کر کاروبار کرنے کی اجازت نہیں ہوتی۔ سعودی شہریوں کے نام پرکاروبار کرنا غیرقانونی امر ہے جس کے خلاف سخت قانون سازی کی گئی ہے۔

غیر ملکیوں کے کاروبار کو "تسترتجارتی” یعنی تجارتی پردہ پوشی کہا جاتا ہے، تجارتی پردہ پوشی کے خاتمے کے لیے حکومت کی جانب سے رواں سال کے آغاز میں 6 ماہ کی مہلت دی گئی تھی جس میں کہا گیا تھا کہ وہ افراد جو اس میں ملوث ہیں بغیر سزا کے اپنے معاملات درست کرالیں۔

دی جانے والی ابتدائی مہلت کے خاتمہ سے قبل اس میں مزید توسیع کی گئی ہے تاکہ زیادہ سےزیادہ افراد مہلت سے مستفیض ہوسکیں ـ توسیع کی ڈیڈ لائن 16 فروری 2022 ہے جس کے بعد تفتیشی ٹیمیں سرگرم ہوجائیں گی۔

قانون کے مطابق ایسے افراد جو مہلت کے گزرجانے کے بعد گرفتار کیے جائیں گے انہیں 50 لاکھ ریال جرمانہ اور 5 برس قید کی سزا ہوگی۔

وزارت تجارت کی جانب سے تجارتی پردہ پوشی میں ملوث لوگوں کے بارے میں اطلاع فراہم کرنے والوں کو بھی تحفظ اور انعام دینے کا عندیہ دیا گیا ہے ۔

جس کے مطابق ایسے افراد جو وزارت کی متعلقہ ٹیم کو تجارتی پردہ پوشی میں ملوث افراد کے بارے میں مصدقہ اطلاعات فراہم کریں گے انہیں انعام کے طورپر حاصل شدہ جرمانہ جو کہ 50 لاکھ ریال ہے کا 30 فیصد دیا جائے گا ـ

نومبر 20, 2021
ورزش کیلئے "پش اپس” کیسے لگانے چاہیئں؟

انسانی صحت کے لئے ورزش انتہائی ضروری ہے جس سے آپ ہمیشہ چاق و چوبند رہتے ہیں۔ ورزش کے بہت سے طریقے رائج ہیں جن میں سے ایک پش اپس ہے۔

گھر میں ہی چند آسان اور مؤثر ورزشوں کی مدد سے پٹھوں کو مضبوط کیا جا سکتا ہے۔ پش اپس کرنے سے بازو، سینے اور کندھوں کے پٹھوں کو مضبوط کیا جا سکتا ہے۔

ماہرین کے مطابق شروع کے ایام میں 10 پش اپس کرنے کی تجویز دی جاتی ہے جنہیں آہستہ آہستہ بڑھا کردس دس کے تین سیٹ کرنے چاہئیں۔

پش اپس کو اردو میں ڈنڈ پیلنا کہا جاتا ہے، یہ ایک انتہائی صحت افزاء ورزش ہے جو کہ نہ صرف آپ کو جسمانی طور پر فٹ رکھتی ہیں بلکہ آپ کے جسم کو اسمارٹ اور مسلز کو شیپ دیتی ہے، اس کے علاوہ یہ آپ کے میٹابولزم کوبھی بڑھاتی ہے۔

پش اپس کا شمار مشہور ورزشوں میں ہوتا ہے جو جسم کو فٹ رکھنے کے لیے مؤثر سمجھی جاتی ہے۔
پش اپس کرنے کا طریقہ یہ ہے کہ پہلے زمین پر پیٹ کے بل لیٹ جائیں جبکہ ہاتھوں کی ہتھیلیاں زمین کے ساتھ لگی ہوں۔

پھر ہاتھوں کی ہتھیلیوں اور پاؤں کی انگلیوں پر زور ڈالتے ہوئے جسم کو زمین سے اوپر کی طرف اس طرح اٹھائیں کہ بازو بالکل سیدھے ہو جائیں، پھر دوبارہ جسم کو واپس زمین کی طرف لے کر جائیں لیکن جسم زمین کے ساتھ لگے نہیں۔

پش اپس کے بہت سے طریقے ہیں جن میں سے چار آسان طریقے یہ ہیں:

1۔وائڈ گریپ پش اپس :

پش اپس کے اس طریقے میں آپ منہ زمین کی طرف کرکے لیٹ جاتے ہیں اور اپنے دونوں ہاتھوں کو زمین پر کھول کر رکھتے ہیں ۔ ہاتھ اور سینے کی طاقت سے اپنے جسم کو اوپر اٹھاتے ہیں۔یاد رہے اس طریقے میں ہاتھوں کا فاصلہ تقریبا ڈھائی فٹ ہونا چاہئے۔

2۔میڈیم گریپ پش اپس :

یہ طریقہ پہلے طریقے سے قدرے مماثلت رکھتا ہے ، لیکن اس میں دونوں ہاتھ بلکل کندھے کی سیدھ میں رکھنے ہوتے ہے اور دونوں ہاتھوں کے درمیان فاصلہ تقریبا 1 سے ڈیڑھ فٹ رکھنا ہوتاہے۔

3۔ فرنٹ کلیپ پش اپس :

یہ طریقہ نوجوانونوں میں کافی مشہور اور پسندیدہ طریقہ مانا جاتا ہے۔ یہ طریقہ بلکل دوسرے طریقہ ورزش جیسا ہی ہے لیکن اس میں جب آپ ہاتھ اور سینے کی مدد سے اوپر اٹھیں تو فوراًدونوں ہاتھ سے تالی بجائیں اس میں آپ کو بہت تیزی سے حرکت کرنا پوگی کیونکہ تالی بجاتے ہوئے آپ کا جسم ہوا میں ہوتا ہے ۔ تالی بجانے کے بعددوبارہ سے ہاتھوں کو اسی مقام پر لے جانا ہوتا ہے کیونکہ ایک لمحے کی دیر آپ کو منہ کے بل زمین پر گرا سکتی ہیں۔

4۔انکلائن پش اپس :

اس طریقے میں کسی اونچی جگہ یا میز پر ہاتھوں کے بل اس طرح لیٹنا ہے کہ پاؤں زمین پر ہوں اور جسم ہوا میں ۔ اپنے جسم کو ایک پہاڑ کی شکل میں کرکے اپنے دونوں ہاتھ پھیلا کر سینے اور ہاتھ کی طاقت سے پش اپس کرنے ہیں۔

اکتوبر 22, 2021
سعودی فرمانروا شاہ سلمان نے اہم فرامین جاری کردئیے

ریاض : خادم حرمین شریفین شاہ سلمان بن عبدالعزیز نے جمعے کو کئی شاہی فرامین جاری کیے ہیں۔ عرب نیوز نے سرکاری خبر رساں ایجنسی کے حوالے سے بتایا کہ وزارت صحت اور وزارت حج وعمرہ میں نئے وزرا کا تقرر کیا گیا ہے۔

شاہی فرمان کے مطابق وزیر صحت ڈاکٹر توفیق بن فوزان بن محمد الربیعہ کو وزارت حج وعمرہ کا نیا وزیر مقرر کیا گیا ہے جبکہ فہد بن عبدالرحمن بن داحس الجلاجل نئے وزیر صحت ہوں گے۔

معاون وزیر ٹرانسپورٹ عبدالعزیز بن عبدالرحمن العریفی کو معاون وزیر ٹرانسپورٹ کے عہدے سے سبکدوش کرکے انہایں کونسل آف منسٹرز کے جنرل سیکرٹیریٹ کا سینیئر مشیر بنایا گیا ہے۔

لیفٹننٹ جنرل مطلق بن سلام بن مطلق الازیمع کو جنرل کے عہدے پر ترقی دی گئی ہے اور انہیں مشترکہ افواج کا کمانڈر مقرر کیا گیا ہے۔ سعودی شہروں ینبع، املج ، الوجہ اور ضبا کی ترقی کے لیے ایک نئی اتھارٹی قائم کی گئی ہے۔

اکتوبر 16, 2021