رہنما پیپلزپارٹی سعیدغنی کی امیرجماعت اسلامی کراچی حافظ نعیم الرحمان سے ملاقات کا احوال سامنے آگیا۔
ذرائع کے مطابق پیپلزپارٹی کے وفد نے مئیرکراچی کے عہدے کیلئے جماعت اسلامی سے بات کی۔ جماعت کا موقف تھا کہ میئر سے پہلےنتائج تبدیل کئے جانے کے معاملے پر بات کی جائے اور جماعت کے کامیاب امیدواروں کے نتائج تبدیلی معاملے پر پہلے بات ہو۔
جماعت اسلامی کی قیادت نے کہا کہ الیکشن کمیشن نےکامیابی سےانتخابات کرائے لیکن آر اوز اور ڈی آراوز صورتحال خراب کر رہے ہیں آراوز، ڈی آراوز سندھ حکومت کے افسران ہیں جو نتائج تبدیل کر رہے ہیں۔
https://urdu.arynews.tv/saeed-ghani-hafiz-naeem-news-conference-in-karachi/
سعیدغنی نےدوران ملاقات ہی فون کر کے دوبارہ گنتی روکنےکی ہدایت کی۔ ملاقات کےبعدبعض حلقوں میں دوبارہ گنتی رُکنے کی اطلاع ہیں۔ پیپلزپارٹی نےکئی حلقوں میں دوبارہ گنتی کی درخواست دےرکھی ہے۔
ذرائع کا کہنا ہے کہ آئندہ ملاقات میں مئیرکراچی کے معاملے پر بات ہو سکتی ہے۔ حافظ نعیم نے کہا کہ پی ٹی آئی قیادت سے فون پر بات ہوئی اور براہ راست ملاقات نہیں ہوئی، پی ٹی آئی سےبراہ راست ملاقات جلد متوقع ہے۔
