Author: فائزہ شاہ

جدید سندھی ادب کے بانی اور بیسویں صدی کے سب سے بڑے سندھی ادیب، شاعر،ڈرامہ نگار و دانشور شیخ ایاز کی آج سولہویں برسی منائی جا رہی ہے۔

بھٹائی کی صوفیانہ شاعری کا تسلسل, انسان دوستی ، وطنیت، پیار، تذکرہ حسن، صوفی ازم، قربانی اور سچ یکجا ہوں تو شیخ ایاز بنتا ہے، شیخ ایاز کو لطیف بھٹائی کے بعد سندھ کا عظیم شاعر مانا جاتا ہے۔

آپ جدید سندھی ادب کے بانیوں میں شامل ہیں، درجنوں کتابوں اور ڈراموں کے مصنف شیخ ایاز سندھ یونیورسٹی کے وائس چانسلر بھی رہے، آپ نے لطیف بھٹائی کے شاھ جو رسالو کا منظوم اردو ترجمہ کیا۔

ایاز نے شاعری کے ذریعے نئی فکر کے ساتھ سندھ کے سماجی، اخلاقی و ثقافتی سوچ و فکر پر گہرے اثرات مرتب کئے، جہاں کہیں بھی انقلاب، تبدیلی، دھرتی سے پیار اور نئی فکر جہت کی بات ہوگی اسے شیخ ایاز کے ذکر کے بغیر ادھورا و نامکمل تصور کیا جائے گا۔

ابھی تبدیلی کے متوالے، ادب کے شیدائی پوری طرح استفادہ بھی نہ کر سکے تھے کہ اٹھائیس دسمبر انیس سو ستانوے کو یہ عظیم شخصیت دار فانی سے کوچ کر گئی۔
       

معروف بھارتی اداکار فاروق شیخ دل کا دورہ پڑنے پر پینسٹھ برس کی عمر میں دبئی میں انتقال کرگئے۔

فاروق شیخ دل کے عارضے میں مبتلا تھے اور ان دنوں دبئی میں چھٹیاں گذارنے آئے ہوئے تھے، پچیس مارچ انیس سو اڑتالیس کو پیدا ہونے والے بھارتی اداکار فاروق شیخ نے متعدد فلموں میں کام کیا، جن میں بازار، شطرنج کے کھلاڑی، لوری، نواب سلطان ،چشم بد دور، لاکھوں کی بات اور انجمن قابل ذکر ہیں۔

وہ بھارتی ٹی وی کے ایک مشہور زمانہ شو جینا اسی کا نام ہے میں بھی میزبانی کے فرائض انجام دے چکے ہیں جبکہ ان کے مشہور ڈرامہ سیریلز میں چمتکار اور جی منتری جی شامل تھے۔